slider-kk – Абай облысы Денсаулық сақтау басқармасының ядролық медицина және онкология орталығы

📌 Қазіргі ядролық медицинадағы радиациялық қорғау мәселелері жөніндегі кеңес

Осы күндері біздің Орталығымыздың директоры, м.ғ.д., профессор Саят Танатаров, ядролық медицина және стратегиялық жоспарлау жөніндегі директордың орынбасары Баян Атантаева, сондай-ақ радионуклидтік терапия бөлімшесінің дәрігері Гүлжан Нәбиева Австрияның астанасы Вена қаласындағы Атом энергиясы жөніндегі халықаралық агенттігінің қазіргі заманғы ядролық медицинадағы радиациялық қорғау мәселелері жөніндегі техникалық кеңесінің жұмысына қатысуда.

Кездесу 28-30 сәуір аралығында Vienna International Centre -Вена халықаралық орталығында өтеді, оған 16-дан астам елден, оның ішінде АҚШ, Германия, Франция, Финляндия, Швейцария, Қытай, Алжир, Бразилия, Болгария, Чили, Эстония, Греция, Ирак, Қазақстан, Литва, Малайзия, Мальта, Марокко, Пәкістан, Ресей, Тунис және Өзбекстан елдерінен делегаттары қатысуда. Дүниежүзілік денсаулық сақтау ұйымы, халықаралық радиациялық қорғаныс комиссиясы (ICRP), Еуропалық радиология қоғамы (ESR), Еуропалық рентгендік зертханалық қоғамдар Федерациясы (EFRS), ядролық қауіпсіздік және радиациялық қорғаныс агенттігі (ASNR) және Дүниежүзілік ядролық медицина және биология Федерациясы (WFNMB) сияқты беделді халықаралық ұйымдардың өкілдері қатысуда.

Негізгі мақсат-ядролық технологияларды қолдана отырып диагностикалау және емдеу кезінде пациенттер мен персоналды радиациялық қорғаумен байланысты проблемаларды анықтау, сондай-ақ радиациялық қорғаудың қолданыстағы нұсқаулықтары мен практикасын жетілдіруде әртүрлі мүдделі тараптардың іс-әрекеттерін синхрондау бойынша ұсыныстар беру. Үш күндік жұмыс барысында диагностика мен емдеуде ядролық медицинаны қолдану бойынша әлемнің жетекші клиникаларының тәжірибесі ұсынылады, бейнелеу, терапия және тераностика саласындағы клиникалық сынақтардың нәтижелері айтылады.

Жұмыс кеңесі тәжірибе алмасу, диагностика мен емдеудің ең озық әдістерін енгізу үшін ғана емес, сонымен қатар ядролық медицинаның өзекті мәселелерін шешіп, одан әрі дамыту, ғылым мен клиникалық практиканы дамыту үшін бірлескен іс-қимыл алгоритмдерін үйлестіру және әзірлеу үшін маңызды алаңына айналды.

Бұл іс – шара біз үшін де ерекше маңызға ие болды -Ядролық медицина және онкология орталығы ядролық медицина саласындағы өз мүмкіндіктерін дамыту және жетілдіру бойынша үздіксіз жұмыс істеуде. Онкологиялық ауруларды диагностикалау мен емдеуде қолданылатын радиофармпрепараттар желісі кеңеюде. Мәселен, осы жылдың ақпан айында Қазақстанда алғаш рет Орталық базасында простата обырын диагностикалауға арналған 18F-PSMA-1007 радиофармпрепаратын қолдануы жолға қойылды. Жақын арада простата обырын емдеуге арналған лютеций негізінде радиофармпрепаратты қолдануды да жолға қою жоспарлануда. Сонымен қатар, жақында Орталық базасында Орталығымыздың бай практикалық тәжірибесін біріктіріп, ғылыми әлеуетті дамытуға арналған ғылыми-клиникалық Кеңесі өз жұмысын бастады. Сондықтан МАГАТЭ-ның басшылығымен Орталығмыздың ынтымақтастығының шекарасын кеңейту ядролық медицинадағы жаңа белестерін бағындырудағы маңызды қадам болып табылады.

📌 Халықаралық ынтымақтастықтың жаңа кезеңі

Ядролық медицина және онкология Орталығы халықаралық ынтымақтастықты кеңейтуде. Осы күндері Ресейдің Томск қаласының политехникалық университетінің басшылығымен директор Саят Таңатаров бастаған Орталықтан делегация кездесулер өткізуде. Орталық делегациясының құрамында бас инженер Медет Идинов пен радиациялық қауіпсіздік және физикалық қорғау бөлімшесінің меңгерушісі Дәурен Әділбаев қатысуда.

Сапардың басты мақсаты – біздің Орталық пен университет арасында екіжақты ынтымақтастық орнату болды. Айта кету керек, Томск қаласының политехникалық университеті білім берудегі және «Ядролық технологиялар», оларды денсаулық сақтау сияқты бейбіт салаларында қолдану бағыттарында Ресейдің көшбасшыларының бірі болып табылады. Дәл осы ядролық технологиялар мен ядролық медицина салалары екіжақты ынтымақтастықта басымдыққа ие болады.

Осылайша, Томск Политехникалық университеті ядролық технологиялар инженерлік мектебінің директоры, ф. -м.ғ. к. Олег Долматовпен кездесу барысында медициналық физика, радиофармпрепараттар өндірісі және радиациялық қауіпсіздік сияқты бағыттардағы екіжақты ынтымақтастықтың перспективалары талқыланды. Сондай – ақ, МАГАТЭ қамқорлығымен аймақтық хаб-құзыреттер орталығының құрылуын талқылау кездесудің жеке тақырыбы болды. Томск қаласындағы политехникалық университеттің серіктестері бұл жобаны жүзеге асыруға көмек көрсетуге дайын екендіктерін білдірді.

Екіжақты ынтымақтастықтың басымдықтары ретінде Ядролық медицина орталығының базасында ТПУ студенттері үшін клиникалық базаны құру мәселесі де талқыланды. Осы және басқа да көптеген ынтымақтастық бағыттары таяу болашақта екіжақты ынтымақтастық туралы меморандуммен бекітілетін болады, оның егжей-тегжейлері де кездесу барысында талқыланды. Орталығымыз бен Томск қаласының политехникалық университетінің ынтымақтастығы туралы Меморандумға осы жылдың шілде айында өтеді «U-NOVUS» жас ғалымдардың Бүкілресейлік форумы барысында қол қойылады деп жоспарлануда.

Ғылым-прогрестің негізгі қозғаушысы

2025 жылғы 18 сәуірде Ядролық медицина және онкология орталығында ғылыми-клиникалық кеңестің — Орталықтың ғылыми-білім беру және клиникалық-зерттеу қызметін үйлестіруге және бағыттауға арналған консультативтік-сараптамалық органның бірінші отырысы өтті. Кеңестің құрылуы қазіргі заманауи талқылаулар мен медицина мүмкіндіктері контекстінде ғылым мен клиникалық практиканы ықпалдастырудың стратегиялық бағытын көрсететін ұйымның дамуындағы маңызды кезең болып табылады.

Айта кету керек, Орталықтың ғылыми құрамдас бөлігі жаңа бағыт емес; керісінше, оның есімдері зор құрмет пен алғысқа лайық отандық онкологтар мектебінің күш-жігерімен қаланған берік іргетасы бар. Дәл осы негізде бүгінгі күні дамудың жаңа кезеңі – пәнаралық тәсілдерге, заманауи технологиялық шешімдерге және ғылыми білімді клиникалық ортаға тарату қажеттілігінің артуына негізделген.

Кеңес әртүрлі салалардың өкілдерін біріктіреді: клиникалық онкология, радиотерапия, ядролық медицина, радиохимия, медициналық физика, биология және онымен байланысты пәндер. Мұндай құрам ең өзекті қолданбалы шешімдер туындайтын білімнің қиылысында ғылыми бастамаларды қалыптастыруға мүмкіндік береді.

Кеңес жұмысының басымдықтарының қатарына ұжым ішінде ғылыми мәдениетті қалыптастыру, зерттеу бастамаларын қолдау, іргелі және қолданбалы медицина жобаларын дамыту, жас мамандар үшін тұрақты білім беру базасын қалыптастыру, Орталық қызметкерлерін ұлттық және халықаралық зерттеу бағдарламаларына тарту, жарияланым белсенділігін кеңейту және ғылыми диалогты ілгерілету жатады.

Ядролық медицина және онкология орталығының мамандары айтарлықтай клиникалық және пәнаралық әлеуетке, ұлттық деңгейде ғана емес, халықаралық деңгейде де қызығушылық тудыратын орасан зор тәжірибеге ие. Жүргізілген жұмыстың үлкен көлемі, ядролық медицина технологияларын дамыту және клиникалық тәжірибені жүйелеуге ұмтылысты зерттеу нәтижелерін қазіргі заманғы медицина ғылымының неғұрлым кең контекстіне біріктіруге мүмкіндік береді. Осылайша, орталықтың Қазақстанда да, одан тыс жерлерде де қолданбалы онкология мен медицинаны дамытуға тұрақты үлесі үшін алғышарттар жасалады.

Ядролық медицина және онкология орталығы-Ұлттық ядролық орталық: екіжақты ынтымақтастықтың жаңа кезеңі

Бүгін Орталық директоры, м.ғ. д., профессор Саят Таңатаров бастаған біздің мамандар тобы Курчатов қаласында жұмыс сапарымен Қазақстан Республикасының Ұлттық ядролық орталығы мамандарымен кездесті. Сапардың басты мақсаты екіжақты ынтымақтастықты, оның ішінде ғылым, ядролық медицина және радиациялық қауіпсіздік саласындағы ынтымақтастықты жолға қою болды.

Атап өту керек, Ұлттық ядролық орталығы ядролық физика және атом энергетикасын дамыту, ядролық және радиациялық технологияларды әзірлеу, ядролық сынақтардың салдарын жою, ядролық қаруды таратпау режимін қолдау, бейінді мамандықтар бойынша кадрлар даярлау сияқты салаларда елімізде көшбасшы болып табылады. Осы бағыттар бойынша ҚР ҰЯО орындайтын жұмыстардың нәтижелері халықаралық ұйымдар мен сарапшылардың жоғары бағасына ие болды. Бүгінгі таңда Қазақстан Республикасының Ұлттық ядролық орталығы экология, ядролық қаруды таратпауды бақылау, тау-кен ісі, атом энергетикасының қауіпсіздігі, медицина және т.б. сияқты мәселелердің ауқымды кешені бойынша бірқатар ірі халықаралық жобалар орындалатын іс жүзінде Халықаралық ғылыми-зерттеу орталығына айналды.

Осында біздің Орталық мамандары үшін Ұлттық ядролық орталықта ғылыми-техникалық жобалар қаншалықты ауқымды түрде жүзеге асырылып жатқаны туралы экскурсия ұйымдастырылып, экспозициялық залдарда айқын көрсетілді. Әсіресе, Семей ядролық полигонының тарихына арналған көрме залын ерекше атап өтуге болады. 40 жылдан астам сұмдық жойқын күштің қаруын сынауға қызмет еткен орын мен инфрақұрылым бүгінде бейбіт атом энергетикасын дамытып, қоғам игілігіне қызмет етуде.

2025 жылдың бірінші тоқсанының қорытындысы.

Бүгін барлық өңірлердегі онкологиялық ұйымдар басшыларының қатысуымен 2025 жылдың бірінші тоқсанындағы еліміздің онкологиялық қызметінің қорытындысы бойынша Республикалық үйлестіру кеңесі өтуде.

Отырыс барысында өңірлердің бас онкологтарының есептері ұсынылды, әр өңірдің проблемалық мәселелері талқыланды, сондай-ақ «Онкологиялық ауруларға қарсы күрес жөніндегі кешенді жоспарды» іске асыру қорытындылары айтылды.

Отырыс барысында Ядролық медицина және онкология Орталығының директоры, м.ғ. д., профессор Саят Таңатаров облыстың онкологиялық қызметінің бірінші тоқсанындағы жұмыс қорытындылары туралы баяндама жасады. Орталық директоры өз сөзінде өңірде 2024 жылдың ұқсас кезеңімен салыстырғанда сырқаттанушылықтың саны шамалы 0,8% – ға өсуі байқалғанын атап өтті. Онкологиялық аурулардан болатын өлім-жітімдің 7,3% – ға төмендегені де айтылды. Қазіргі уақытта қатерлі ісіктердің ең қауіпті локализацияларының қатарында – өкпе, асқазан және простата обыры.

Сондай-ақ, өз сөзінде ауру көрсеткіштерінен басқа, Орталық директоры өңірдің онкологиялық қызметі жұмысының басқа да аспектілерін атап өтті. Оның ішінде емдеу-диагностикалық жұмыстар, онкологияны ерте анықтау, қатерлі ісіктің асқынған жағдайларын азайту, ядролық медицинаны одан әрі дамыту, Орталықтың инфрақұрылын нығайту жайында айтылды.

Өңірімізде Қазақстанда іске асырылып келетін скринингтік бағдарламаларды қолдануға ерекше назар аударылды. Айта кету керек, Орталығымызда осы бағытта бірнеше жетістіктер бар. Атап өтетін болсақ, Орталық директорының бастамасы бойынша азаматтардың скринингтік тексерулерден өту барысы мен тиімділігін бақылауға мүмкіндік беретін арнайы ақпараттық жүйе әзірленіп, енгізілуде. Сонымен қатар, қазіргі уақытта ядролық медицина және онкология орталығының базасында сараптамалық эндоскопиялық орталықты іске қосуға дайындық жұмыстары аяқталуда. Оның іске қосылуымен Орталық ас қорыту органдарын эндоскопиялық диагностикалық зерттеулерде өзінің мүмкіндіктерін едәуір кеңейтететін болады.

✅ Call-Center өз жұмысын жаңартуда

Құрметті пациенттер, оқырмандар. Біздің орталығымыздың Call-Center жаңартылған нөмірлер бойынша жұмыс істейтінін хабарлаймыз. Енді емханамызға +7 (7222)69-42-16 және +7(702)075-07-80 нөмірлері бойынша қоңырау шала аласыздар. Радионуклидті диагностика бөлімшесі – +7(7222)69- 42-18 және +7 (702)075-07-81.

✅Халықаралық қатысулармен «Тераностиканы енгізу бойынша ұлттық оқыту курсы» атты шеберлік сабағы басталды

Бүгін Ядролық медицина және онкология орталығында халықаралық қатысулармен «Тераностиканы енгізу бойынша ұлттық оқыту курсы» атты шеберлік сабағы басталды. Шеберлік сабағының жұмысына Қазақстанның түкпір-түкпірінен келген әртүрлі клиникалары мен ғылыми Орталықтарынан ядролық медицина саласының мамандары қатысуда. Дәріс берушілер ретінде Еуропаның жетекші ғылыми Орталықтарынан ядролық медицина саласындағы сарапшылар шақырылды. Олардың қатарында АЭХА-нің сарапшысы, АЭХА-ның ядролық медицина және диагностикалық визуализация бөлімінің маманы, профессор Франческо Джаммариле, Брюссель университеті ауруханасы Жюль Борде институтының медицина физигі – Хьюго Леввилен, Брюссель университеті ауруханасы Жюль Борде институтының ядролық медицина дәрігері – Фламен Патрик, сондай-ақ университеттік медициналық Орталықтың радиохимигі – Гронинген Эрик де Врис бар.

Кездесуді аша отырып, Абай облысы әкімінің орынбасары Қуаныш Сулейменов шараның құрметті қонағы ретінде сөз сөйледі. Ол ең алдымен, денсаулық сақтау саласын қарқынды дамыту еліміздің басты басымдықтарының бірі болып табылатынын, ол үкімет пен облыс басшылығының ерекше бақылауында екенін айтты. Сондай-ақ онкологиялық қызмет пен ядролық медицинаны дамыту қажеттігін де атап өтті.

«Мемлекет басшысы Қасым-Жомарт Кемелұлы Тоқаев, Үкімет және облыс басшылығы еліміздегі медицинаның қарқынды дамуы үшін көп күш салуда. Дегенмен, денсаулық сақтау саласында, әсіресе онкологиялық ауруларға қатысты қол жеткізген жетістіктермен тоқталып қалуға болмайды. Мұндай қатерлі ісік сияқты ауыр дертке шалдыққан еліміздің әрбір тұрғыны өз елінде барлық қажетті заманауи ем алғаны маңызды. Сондықтан, мен бүгінде ядролық медицина сияқты болашағы зор саланы белсенді дамытып жатқан шетелдік әріптестерімізге, отандық мамандарға ризашылық білдіргім келеді. Біздің ынтымақтастығымыз уақыт өте келе нығайып, кеңейе түседі деп сенемін. Жеке өз атымнан және Абай облысының әкімі Берік Уәлидің атынан баршаңызға сәттілік, еңбектеріңізге жетістік тілеймін», – деді Қуаныш Сулейменов.

Құрметті қонақтар қатарында Абай облысы денсаулық сақтау басқармасының басшысы Талғат Молдабеков те құттықтау сөз сөйледі. Ол онкологиялық ауруларды диагностикалау және емдеу мүмкіндіктерін жақсарту үшін ядролық медицинаны дамытудың маңыздылығын атап өтіп, шеберлік сабағының жұмысына сәттілік, қатысушыларға тындырымды еңбек тіледі.

Іс-шараның құрметті қонақтары қатарында «СМУ» КеАҚ Басқарма төрағасы –ректоры, медицина ғылымдарының докторы, профессор Алтай Дюсупов та сөз сөйледі. Ол өз сөзінде университет пен біздің Орталық арасындағы ұзақ мерзімді серіктестікті айта келіп, оның ішінде мамандарды дайындау, практикалық денсаулық сақтау және ғылыми зерттеулері мәселелеріне ерекше тоқталды. Сондай-ақ, ол осы шеберлік сабағының арқасында ядролық медицина саласы айтарлықтай серпін алып, онкологиялық ауруларды диагностикалау мен емдеуде жаңа мүмкіндіктерге жол ашатынын атап өтті.

Орталық директоры, медицина ғылымдарының докторы, профессор Саят Таңатаров та қонақтарға жылы лебіз білдіріп, Орталықтың ядролық медицинаны дамытуға, онкологиялық ауруларды диагностикалау мен емдеудің жаңа мүмкіндіктерін енгізуге бағытталған маңызды басымдықтарын айтып берді.

«Алдымыздағы бес күн ішінде ядролық медицина саласында, соның ішінде радиофармацевтикалық препараттарды өндіру, оларды қатерлі ісік ауруларын диагностикалау мен емдеуде қолданудың көптеген мәселелері талқыланатын болады. Біз тәжірибемізге енгізуді мақсат етіп отырған тераностика – бұл қатерлі ісік ауруларын диагностикалау мен емдеудегі мүмкіндіктерімізді айтарлықтай кеңейтетін дамудың жаңа кезеңі. Бүгін басталып отырған шеберлік сабағы біздің Орталық үшін ғана емес, еліміздің басқа өңірлеріндегі әріптестеріміз үшін де маңызды іс шара болып табылады, себебі бүгінде Қазақстанның басқа аймақтарында да ядролық медицина саласы белсенді дамып келеді. Сондықтан АЭХА-ның сарапшыларына шын жүректен алғысымды білдіремін және барлық әріптестеріме жұмыстарына жетістік тілеймін», – деді Саят Таңатаров.

Шеберлік сабағы апта бойына жалғасады, осы уақыт ішінде онкологиядағы тераностиканың маңызды аспектілері талқыланатынын айта кету керек. Радиофармацевтикалық препараттарды өндіру, синтездеу және сапасын бақылаудағы шетелдік тәжірибе, сондай-ақ нақты диагностиканы, емдеуді жоспарлауды және радионуклидті терапияны қамтамасыз ету үшін ПЭТ/КT және ОФЭКT/КT сияқты көрнекілеу әдістерін терапиялық процедуралармен біріктіру тәжірибесі ұсынылатын болады. Тераностиканы клиникалық тәжірибеге енгізу үшін радиологтар, ядролық медицина дәрігерлері, медицина физиктері және онкологтар арасындағы тиімді өзара әрекетті қамтамасыз ету тәсілдері. Радиациядан қорғау және қауіпсіздік саласындағы шетелдік тәжірибелер көрсетіледі. Алынған білім Орталыққа ядролық медицина саласында жаңа тәсілдерді енгізуге мүмкіндік береді және тераностиканың дамуының маңызды кезеңіне айналады.

✅Халықаралық қатысулармен «Тераностиканы енгізу жөнінде ұлттық оқу курсы» атты шеберлік сабағы өтеді.

2025 жылғы 24-28 ақпанда Атом энергиясы жөніндегі халықаралық агенттіктің (АЭХА) көмегімен Ядролық медицина және онкология орталығының базасында Халықаралық қатысулармен «Тераностиканы енгізу жөнінде ұлттық оқу курсы» атты шеберлік сабағы өтеді. Шеберлік сабағының дәріскерлері ретінде жақын және алыс шетелдердің, оның ішінде Бельгия, Нидерланды, сондай-ақ Қазақстанның жетекші ғылыми орталықтары мен клиникаларының ядролық медицина саласындағы сарапшылары қатысады.

Шеберлік сабағы барысында онкологиядағы тераностиканың маңызды аспектілері талқыланады. Радиофармпрепараттарды өндірудің, синтездеудің, сондай-ақ сапасын бақылаудың шетелдік тәжірибесі, дәл диагностикалау, емдеуді жоспарлау және радионуклидтік терапияны жүргізуді қамтамасыз ету үшін ПЭТ/КТ және БФЭКТ/КТ сияқты бейнелеу әдістерін терапиялық процедуралармен біріктіру тәжібесі ұсынылатын болады. Тераностиканы клиникалық практикаға енгізу үшін рентгенологтардың, ядролық медицина докторларының, медицина физиктерінің, онкологтардың өзара тиімді іс-әрекеттерін қамтамасыз ету тәсілдері талқыланатын болады. Радиациялық қорғау және қауіпсіздік саласындағы шетелдік тәжірибе ұсынылады.

Өткізілетін шеберлік сабағы Орталықты, сондай-ақ өңірдің және жалпы еліміздің онкологиялық қызметін дамытудың маңызды кезеңдерінің бірі болып табылады, себебі болашақта Орталық базасында онкологиялық ауруларды диагностикалау мен емдеудің озық әдістерін енгізуге мүмкіндік береді.

📌 Онкологиялық ауруларды диагностикалау мен емдеудің жаңа мүмкіндіктері

Бүгін Ядролық медицина және онкология орталығында диагностикаға, жоспарлауға және сәулелік терапияны қолдануға арналған заманауи құрылғы салтанатты жағдайда іске қосылды. Шараға құрметті қонақтар қатарында облыс басшысы Нұрлан Ұранхаев, сондай-ақ «Қазақстан халқына» қоғамдық қорының басқарма төрайымы Ләззат Шыңғысбаева және Орталық ұжымы қатысты.

Жиынның ашылуында «Қазақстан халқына» қоғамдық қорының басқарма төрайымы Ләззат Шыңғысбаева құттықтау сөз сөйледі. Ол өз сөзінде бүгінгі шараның маңыздылығын атап өтті, сонымен қатар Қордың Қазақстанның онкологиялық қызметін қолдауға бағытталған жұмысына тоқталды.

«Бүгін өте маңызды оқиға, өйткені бүгін пациенттерді диагностикалау және емдеу үшін өте қажетті құрылғы іске қосылуда. Біз Қазақстандағы онкологиялық орталықтарға қажетті құрал-жабдықтарды сатып алуға көмектесіп қана қоймай, дәрігерлерімізді оқыту үшін шетелдік мамандарды тартуға, қажетті онкологиялық препараттарды сатып алуға көмектесуге тырысамыз. Біздің басты басымдылығымыз – пациенттеріміздің медициналық көмек алу үшін шетелге шықпай, барлық қажетті медициналық көмекті өз елімізде алуын қамтамасыз ету», – деді Ләззат Шыңғысбаева.

Іске қосылғалы отырған құрылғының қатарында екі жаңа аппарат: SOMATOM go.Sim компьютерлік томографы (Siemens Healthcare GmbH, Германия) және TrueBeam сәулелік терапия жүйесі (Varian Medical Systems, АҚШ) бар. Техника «Қазақстан Республикасындағы онкологиялық аурулармен күрестің 2023-2027 жылдарға арналған кешенді жоспары» аясында Қазақ онкология және радиология ғылыми-зерттеу институты мен «Қазақстан халқына» қоғамдық қорының көмегімен сатып алынды. Заманауи екі құрылғы да онкологиялық ауруларды диагностикалау мен емдеуде Орталықтың мүмкіндіктерін айтарлықтай кеңейте түседі.

SOMATOM go.Sim компьютерлік томографы сәулелік терапияны дәл жоспарлау үшін ісіктерді егжей-тегжейлі визуализациялауға мүмкіндік береді, кескіннің жоғары сапасын сақтай отырып, сәулелену дозасын азайтады. Ол сондай-ақ емдеу процедурасын дененің табиғи физиологиялық процестерін ескере отырып жүргізуге мүмкіндік береді және сәтті емдеу мүмкіндігін арттыра отырып, ең күрделі сәулелік терапия әдістерін жоспарлау процесін жеделдетеді.

TrueBeam сәулелік терапия жүйесі тек қатерлі жасушаларға ғана әсер ете отырып, сәулелеудің инновациялық әдістерін қолдануға мүмкіндік береді. Ол сонымен қатар динамикалық бақылау технологиясының арқасында ең күрделі және қозғалмалы ісіктерді емдеуге мүмкіндік береді. Сонымен қатар, құрылғыда сеанстардың ұзақтығы бар, бұл жайлылықты арттырады және пациенттердің өмір сапасына кедергі келтірмейді.

Салтанатты шара барысында қонақтарға жаңа құрылғының барлық мүмкіндіктері мен артықшылықтары таныстырылды. Орталық директоры, медицина ғылымдарының докторы, профессор Саят Таңатаров атап өткендей, науқастардың өмірі мен денсаулығы басты басымдық – пациенттердің өмірі мен денсаулығы, жаңа құрылғының арқасында медициналық көмек бұрынғыдан да қолжетімді бола түседі.

«Іске қосылып отырған құрамында компьютерлі томомграф және сәулелік терапия жүйесі бар құрылғы, бұл баға жетпес байлығымыз – адам өмірі мен азаматтарымыздың денсаулығын сақтауға жасалған тағы бір қадам. Жаңа құрылғылар онкологиялық ауруларды егжей-тегжейлі бейнелеуге, емдеуді анағұрлым нақты жоспарлауға және сәулелік терапияның салдарын айтарлықтай азайтуға мүмкіндік береді. Орталықтың жоғары білікті қызметкерлерінің арқасында бұл құрылғы игі мақсатқа қызмет ететін болады. Сондықтан серіктестерімізге, оның ішінде Қазақ онкология және радиология ғылыми-зерттеу институты басшылығына, сондай-ақ «Қазақстан халқы» қоғамдық қорына шынайы алғысымды білдіргім келеді. Біз бірлескен күш-жігеріміз арқылы игілікті іс жолында биік белестерді бағындыра беретінімізге сенімдімін», – деді С.Таңатаров.

Ядролық медицинадағы жаңа мүмкіндіктер

27-31 қаңтар аралығында АҚХА-нің «Шығыс өңірінің ядролық медицина және онкология орталығында клиникалық тәжірибені жақсарту» жобасы аясында біздің орталықтың бір топ мамандары Португалияның Коимбра қаласында Institute for Nuclear Sciences Applied to Health – денсаулық сақтауда қолданылатын ядролық ғылымдар институтытында ғылыми сапарда жүр. Делегацияны Орталық директоры, м.ғ.д., профессор Саят Таңатаров басқарды. Делегация құрамына радиациялық қауіпсіздік қызметінің жетекшісі Дәурен Әділбаев пен РФДП өндірісі және жабдықтау бөлімінің меңгерушісі Әсет Сәрсекеев те кірді.
Денсаулық сақтауда қолданылатын ядролық ғылымдар институты – Португалиядағы ең көне университеттердің бірі – Коимбра университетінің зерттеу бөлімі, сонымен қатар ядролық медицина саласындағы ғылыми және клиникалық зерттеулерде көшбасшы болып табылады. Жұмыс сапары барысында біздің Орталықтың мамандары португалдық әріптестердің онкологиялық ауруларды диагностикалау мен емдеуде қолданылатын радиофармпрепараттар өндірісіндегі жұмыс тәжірибесін көріп, білді. Әсіресе, институттың галлий-68 негізіндегі радиофармпрепаратты өндіру мен қолданудағы мүмкіндіктері мен жетістіктері ерекше қызығушылық тудырды, бұл бағытта институт ғалымдары мен инженерлері галлий-68 радиофармпрепаратын сұйық өндірудің патенттелген бірегей әдісін медициналық практикаға енгізу арқылы үлкен нәтижелерге қол жеткізгенін атап өткен жөн. Бүгінгі таңда әлемде галлий-68 негізіндегі радиофармпрепаратының өндірісі жолға қойылған ғылыми және медициналық орталықтар саны санаулы. Тағы бір атап өтетіні, қазіргі уақытта институт мамандары мыс изотоптары негізінде радиофармпрепараттар өндіруге бағытталған зерттеулер жүргізуде.
Ғылыми сапар аясында біздің делегация ICNAS директоры Antero Abrunhosa, патенттелген галлий-68 радиофармпрепаратының сұйықтықты өндіру әдістемесінің авторы – профессор Francisco Alves және циклотрондарды жаңғырту жөніндегі бірегей жобалардың авторы, физик, PhD – Sergio do Carmo-мен кездесті.
Ғылыми сапар Орталығымыздың дамуындағы маңызды кезең болды, атап айтқанда радиофармпрепараттарды өндіру мен қолданудың барлық техникалық және технологиялық аспектілерін зерделеуге мүмкіндік беріп қана қоймай, Орталықтың барлық буындарының тиімді жұмысы мен өзара іс-қимылын қамтамасыз ететін Денсаулық сақтау менеджментіне де көп назар аударылды. Осы бағыттар бойынша іс-сапар барысында біздің мамандарға оқыту семинарлары өткізілді.
Алынған тәжірибе мен білім таяу болашақта ядролық медицинаны қолдану жөніндегі Орталықтың мүмкіндіктерін кеңейтуге бағытталатын болады, атап айтқанда, АҚХА мамандарының қолдауымен Орталық базасында онкологиялық ауруларды диагностикалау мен емдеуде жаңа мүмкіндіктер ашатын, бірқатар радиофармпрепараттар өндірісін енгізіп, қолдану жоспарлануда.

✅Қорытындылар мен перспективалар

Осы күндері еліміздің оңтүстік астанасында, С. Ж. Асфендияров атындағы қазақ Ұлттық медицина университетінде 2024 жылдың 12 айының қорытындысы бойынша Қазақстан Республикасы онкологиялық қызметінің Үйлестіру кеңесінің отырысы өтуде. Кездесу барысында еліміздегі онкологиялық көмек жұмысының маңызды аспектілері мен негізгі көрсеткіштері талқыланады, қорытындылар шығарылып, перспективаға арналған басым бағыттар белгіленеді.

Үйлестіру кеңесінің отырысы барысында жалпы Қазақстанның онкологиялық қызметінің, сондай-ақ өңірлердегі онкологиялық орталықтардың жұмысы талқыланады. Өткен жылдың 12 айының қорытындысы бойынша жұмыс көрсеткіштерін Абай облысының Ядролық медицина және онкология Орталығы да ұсынды, осы бойынша Орталықтың директоры, медицина ғылымдарының докторы, профессор Саят Таңатаров баяндама жасады.

Баяндамада Орталық жұмысының, сондай-ақ Абай облысындағы онкологиялық көмектің негізгі индикаторлары, оның ішінде онкологиялық сырқатқа шалдығу мен одан болатын өлім-жітім көрсеткіштері айтылды. Орталық директоры атап өткендей, өткен жылы өңірде 2023 жылмен салыстырғанда қатерлі ісік ауруына шалдыққандар санының 0,6% – ға өсуі байқалады, алайда өткен жылы онкологтар қатерлі ісіктен болатын өлім-жітімнің 3,2% – ға төмендеуіне қол жеткізді, 2023 жылмен салыстырғанда ерте диагностикалау мүмкіндіктері жақсарды және қатерлі ісік ауруларының асқыну жағдайларының саны азайды. Тағы бір атап өтетіні – бүгінгі күнде өңірімізде адамдардың өмірі мен денсаулығына ең көп қауіп төндіретін қатерлі дерттердің қатарында өкпе, асқазан, өңеш, колоректальды қатерлі ісік және сүт безі қатерлі ісігі болып табылады.

Баяндама барысында Орталық директоры Саят Таңатаров 2023-2027 жылдарға арналған онкологиялық аурулармен күрес жөніндегі Кешенді жоспарды іске асырудың негізгі индикаторларын, сондай-ақ өңірде онкологиялық көмекті одан әрі дамытуға бағытталған шараларды атап өтті. Мәселен, биылғы жылдың бірінші тоқсанында Абай облысының Ядролық медицина және онкология орталығы базасында сараптамалық эндоскопиялық орталықтың ашылуы жоспарлануда. Бұл өз кезегінде Орталықтың бірқатар қатерлі ісіктерді диагностикалау мен емдеудегі мүмкіндіктерін едәуір жақсартады.

Жаңа жыл құтты болсын!

Бүгін Орталығымызда алдағы жаңа 2025 жылды мерекелеуге арналған салтанатты іс-шара өтті. Бұл күні көптеген құттықтаулар мен жылы лебіздер айтылды.

Іс-шараны Орталық директоры, м. ғ. д., профессор Саят Таңатаров құттықтау сөзімен бастады.

«Құрметті әріптестер! Баршаңызды алдағы Жаңа жылмен шын жүректен құттықтаймын. Жаңа жыл тек қуанышты сәттерге толы болсын. Баршаңызға зор денсаулық, амандық, табыс тілеймін. Отанымыз өркендей берсін. Барлық мақсаттар, тілектеріңіз орындалсын. Алда көптеген міндеттер тұр. Сондықтан, жаңа жылыда жаңа күшпен, ұйымшыл ұжым болып жұмысқа кірісейік. Мерекелеріңіз құтты болсын, құрметті әріптестер», – деді Саят Таңатаров.

Ұжым алдында директордың орынбасарлары, Орталықтың бөлімшелерінің бірқатар меңгерушілері де құттықтау сөз сөйледі.

Мерекелік іс-шараның тағы бір жарқын бөлігі – салтанатты марапаттау рәсімі болды. «SENIM» Денсаулық сақтау жүйесі қызметкерлерінің салалық кәсіподағының қолдауымен орталықтың бірқатар қызметкерлері жемісті және табысты қызмет атқарғаны үшін түрлі номинациялардағы грамоталармен және алғыс хаттармен марапатталды.

Сондай-ақ, шара барысында түрлі-түсті концерттік бағдарлама да ұсынылды.

Қазақстандағы БҰҰ даму бағдарламалары-тиімді ынтымақтастық және даму мүмкіндіктері

Бүгін Орталығымызда Қазақстандағы БҰҰ Даму Бағдарламасының өкілдері ресми сапармен келіп кетті. Кездесудің басты мақсаты ынтымақтастықты кеңейту, сондай-ақ өңірдің онкологиялық қызметін одан әрі дамытуға бағытталған бірлескен жобаларды іске асыру болды.

Естеріңізге сала кетейік, Біріккен Ұлттар Ұйымының Даму Бағдарламасы (БҰҰДБ) дамып келе жатқан елдерге БҰҰ желісі бойынша көмектің көп бөлігін үйлестіретін БҰҰ-ның даму саласындағы жетекші ұйымы болып табылады. Қазіргі уақытта ол 170 елде, оның ішінде Қазақстанда да жұмысын атқарып келеді.

Орталығымыздың халықаралық ұйымдармен жұмыс істеу тәжірибесі аз емес. Кездесуді аша отырып, БҰҰ өкілдері Орталықтың жұмысымен, өңірдегі онкологиямен сырқаттанушылық көрсеткіштерімен, қатерлі ісіктерді диагностикалау мен емдеудегі мүмкіндіктермен таныстырды. Халықаралық ұйымдармен ынтымақтастықтың мол тәжірибесі жайында да айтылды.

«Біз БҰҰ Даму бағдарламасының өкілдерімен жүздескенімізге қуаныштымыз. Орталығымыз Қазақстанда бірегей болып табылады, бізде ядролық медицина саласында кең мүмкіндіктеріміз бар. Мұнда Қазақстандағы әзірге жалғыз радиодиодтерапия бөлімшесі жұмыс істейді. Аймақтық деңгейде тек бізде ғана ПЭТ-зерттеулері жүргізіледі. Алайда, прогресс бір орында тұрмайды, сондықтан онкологиялық көмекті одан әрі дамыту үшін біз әрқашан ынтымақтастықты, бірлескен жобаларды қуана құптаймыз», – деп атап өтті Орталық директорының міндетін атқарушы Баян Бекетова.

БҰҰ-ның Қазақстандағы Даму Бағдарламасының өкілдері де екіжақты ынтымақтастыққа дайын екендіктерін білдірді.

«Осындай жылы қабылдағандарыңыз үшін рахмет. Орталықтың жұмысымен танысу – біз үшін үлкен қуаныш. Өз жайымда айтатын болсам, қатерлі дертпен күресудің қаншалықты қиын екенін жақсы білемін, сондықтан жоғары тиімділікке жету үшін бұл салада жаңа технологиялардың, диагностика мен емдеудің заманауи әдістері қаншалықты маңызды екенін де түсінемін. Ынтымақтастыққа келетін болсақ – БҰҰ-ның Қазақстандағы Даму бағдарламалары бірінші кезекте ел өңірлерінде жұмыс істеуге бағытталған. Төрт облыс, соның ішінде Абай облысы да басымдылыққа ие болып отыр», – деп атап өтті БҰҰ-ның Қазақстандағы Даму бағдарламасының Тұрақты өкілінің орынбасары Сухроб Ходжиматов.

Сухроб Ходжиматов атап өткендей, бірлескен ынтымақтастық үшін бағыттар аз емес. Бұл адам ресурстарын дамытуға, медициналық көмектің қолжетімділігін арттыруға, озық инновацияларды енгізуге, денсаулық сақтауды цифрландыруға және т.б. бағытталған жобалар.

Клиникалық хаттаманың жобасы қалың жұртшылықтың талқылауына ұсынылуда.

Құрметті әріптестер және медициналық қауымдастық өкілдері

«Самарий-153 радиофармацевтикалық препаратымен сүйек метастаздарын жүйелі радионуклидті емдеу» тақырыбындағы Клиникалық хаттаманың жобасы қалың жұртшылықтың талқылауына ұсынылуда.

Бұл Хаттама сүйек метастаздарын емдеу үшін радиофармацевтикалық самарий-153 препаратын қолданудың заманауи стандарттарын белгілеу мақсатында, сондай-ақ осы патологиядан зардап шегетін науқастар үшін оңтайлы клиникалық нәтижелерді қамтамасыз ету үшін әзірленген.

Біз барлық мүдделі мамандарды – дәрігерлерді, ғалымдарды, зерттеушілерді, сондай-ақ денсаулық сақтау ұйымдарының өкілдерін Хаттама жобасымен танысуға және өз ұсыныстары мен пікірлерін айтып, ескертулерін білдіруге шақырамыз.

Талқылау ашық форматта, пікірлерді электронды пошта арқылы жіберу мүмкіндігімен өтеді.

Сіздердің пікірлеріңіз бен ұсыныстарыңыз құжатты пысықтап, түпкілікті өңдеу және пациенттерге медициналық көмек көрсету сапасын жақсарту үшін маңызды.

Пікірлер мен ұсыныстарды жіберуге арналған байланыс ақпараты: mail@semeyonco.kz

Медициналық стандарттарды әзірлеуге қатысқаныңыз және белсенділік танытқаныңыз үшін рахмет!

Благодарим за участие и активное содействие в развитии медицинских стандартов!

Құжатты жүктеп алу

Кезекті «Ашық есік күні» өтті

Сүт безі қатерлі ісігі туралы хабардар болу айлығы аясында бүгін біздің Орталығымызда кезекті «Ашық есік күні» өтті. Іс-шара барысында кез-келген әйел жасына, медициналық сақтандырудың болуына қарамастан, алдын-ала жазылусыз кешенді тексерулерден өтіп, онкологтардан кеңес ала алады. Қуанышқа бұл мүмкіндікті біздің өңір тұрғындарының рекордтық саны пайдаланды -114 адам «Ашық есік күніне» қатысып, денсаулығын тексертті.

Тексерулердің нәтижелері бойынша 30-дан астам пациентке әртүрлі патологиялар диагнозы қойылды, бірақ қуанышқа орай ауыр немесе асқынған аурулар анықталған жоқ.

Осы «Ашық есік күнінің» тағы бір қуанышты бөлігі біздің көптен бергі серіктестеріміздің – «Avon» компаниясының өкілдерінің іс-шараға қатысуы болды, олар осы іс-шараға арнайы барлық қонақтарға естелік сыйлықтарын дайындады.

Мобильді бригада Мақаншы және Үржар аудандарында

Ядролық медицина және онкология орталығының мобильді бригадасы өңірлерде өз жұмысын қайта жалғастыруда. Бұл күндері онколог-дәрігерлер тобы Мақаншы және Үржар ауданының бірқатар ауылдарының, соның ішінде Бақты, Қабанбай, Елтай және Таскескен ауылдарының тұрғындарына консультациялар мен қабылдауларын жүргізді. Ең шалғай ауылдардың жүздеген тұрғындары ультрадыбыстық тексеруден өтуге, сондай-ақ онкологтардан, маммологтардан, гинекологтардан, хирургтардан және басқа да бейімлі мамандардан кеңес алуға мүмкіндік алды.

Бұл жолы мобильді бригада құрамына маммология және гинекология бөлімшесінің меңгерушісі Төлеген Құрманғалиев, хирургия бөлімшесінің меңгерушісі Амиржан Абешов, радиациялық онкология бөлімшесінің дәрігері Светлана Удерина, сондай-ақ сонолог дәрігер Дәулет Оспанов кірді.

Мобильді бригада жұмысының қорытындысы бойынша бірқатар патологиялар анықталды, дәрігерлер сонымен бірге сүт бездерінің 2 ісіктерін, және ауыз қуысында қатерлі ісікке деген 2 күдікті жағдайын да анықтады.

Жаңартылған операциялық блок жұмысын қайта жалғастыруға дайын

Ағымдағы жөндеуде бір айға жуық тоқтатқаннан кейін, Ядролық медицина және онкология Орталығының операциялық блогы бүгінгі күнде жаңартылған түрде жұмысын қайта бастамақ. Салтанатты ашылу барысында қызыл лентаны кесіп, оперблоктың хирургтары мен қызметкерлеріне алғашқы тілектерін директордың емдеу-диагностикалық жұмыс жөніндегі орынбасары Баян Бекетова білдірді.
«Басқа бөлімшелердің маңыздылығын төмендеткім келмейді, бірақ оперблок біздің орталықтың «жүрегі» болып табылады деп айтса артық болмас. Хирургиясыз верификация яғни дәл диагноз қою да, онкологиялық ауруларды толық емдеуді қамтамасыз ету де мүмкін емес. Шағын операциялар немесе радикалды хирургиялық әрекеттер болсын – олардың барлығы біздің пациенттерді емдеуде өте маңызды. Сондықтан біздің жаңартылған оперблокқа, оның барлық қызметкерлеріне тек сәттілік тілегім келеді, өңірдегі хирургия саласындағы көшбасшылығымызды жоғалтпай, тек жетілдіре берейік, бірақ ең бастысы – барлық оталар сәтті өтіп, пациенттеріміз тезірек сауығып кетуіне тілектеспін», – деді Баян Бейсенғалиқызы өз сөзінде.
Жөндеу жұмыстары аяқталғаннан кейін оперблоктың персоналы барлық үй-жайларын, соның ішінде операциялық залдарды санитарлық нормалар мен талаптарға сәйкес келтіретін болады, тек содан кейін ғана хирургтар өз жұмыстарын толық жалғастыратын болады. Бұл дайындықтар жақын арада аяқталады деп күтілуде.
Барлық қиындықтар мен кедергілерге, оның ішінде тексеруші мемлекеттік органдар тарапынан келіп-түскен кедергілерге қарамастан, операциялық блокты жаңарту жұмыстар өте қысқа мерзімде аяқталды. Біздің орталықтың «жүрегі» заманауи операциялық бөлмеге айналып, танымастай өзгерді. Бұрын қандай болып, қазір жаңартылғаннан кейін оперблок қалай өзгергенін сіздерге нақты көрсетуге тырыстық. Алайда, жөндеу жұмыстары жүргізілсе де, кейбір мәселелер әлі де ашық күйінде қалатынын атап өткен жөн. Мысалы, өткен ғасырдың 70-жылдарында салынған ғимарат моральдық және техникалық тұрғыдан ескірген, модернизациялық ресурсы таусылған, үй-жайлардың болмауына байланысты мүмкіндіктерді кеңейтуге, хирургиялық емдеу мен диагностиканың жаңа әдістерін енгізуге мүмкіндік бермейді. Осы мәселелердің барлығы жаңа хирургиялық корпустың ашылуымен шешілмек, кәзіргі уақытта оның құрылысының жоспарлауы қарқынды жүріп келеді. Біздің білікті мамандарымыздың және жұртшылықтың кең қолдауының арқасында біз осы маңызды міндетті де орындаймыз деп сенімдіміз. Алайда бұл қуанышты күн келгенше дейін, жөндеу жұмыстарын сәтті жүргізгеннің арқасында біздің пациенттер жақсы, жайлы жағдайда ем алатын болады.

✅Үйлестіру кеңесі өз жұмысын бастап кетті – ағымдағы жылдың 9 айының қорытындысы шығарылады

Бүгін еліміздің онкологтарының биылғы 9 айдағы жұмысын қорытындылаған Қазақстан онкологиялық қызметі Үйлестіру кеңесінің бірінші күні болып жатыр. Үйлестіру кеңесінің жұмысына Қазақстанның барлық өңіріндегі онкологиялық орталықтардың басшылары мен онкологияның әртүрлі бағыттарының дәрігерлері қатысуда. Жұмыс кеңесінің барысында онколог-дәрігерлер еліміздегі қатерлі ісіктердің аурушаңдық көрсеткіштерін, онкологиялық аурулардың алдын алу және ерте анықтау шараларын талқылайды, сондай-ақ онкологиялық ауруларды диагностикалау мен емдеудің заманауи әдістерімен тәжірибе алмасады.

Алғаш рет Үйлестіру кеңесін өткізу орны ретінде қазіргі таңда қатерлі ісік ауруларын диагностикалау мен емдеуде ядролық медицинаны қолдану бойынша көшбасшы болып табылатын Қазақстандағы жетекші орталықтардың – Ядролық медицина және онкология орталығы таңдалды.

Үйлестіру кеңесінің алғашқы қорытындыларына келетін болсақ, ҚазҰҒЗИ стратегиялық және инвестициялық даму бөлімінің басшысы Алма Жылқайдарова атап өткендей, соңғы уақытта Қазақстанның көптеген өңірлерінде онкологиялық ауруларға шалдығу деңгейі төмендей бастағаны байқалады. Жалпы, ағымдағы жылдың 9 айында қатерлі ісіктің 30 мыңнан астам жаңа жағдайы анықталды. Еліміз бойынша 228 мыңнан астам адам динамикалық бақылауда. Статистика көрсетіп отырғандай, онкологиялық аурулармен әйел адамдар жиі ауырады, соған қарамастан онкологиялық аурулардан өлім-жітім ерлер арасында жоғары. Алма Жылқайдарова бұл ең алдымен ер адамдардың қатерлі ісік ауруының асқыну сатысында дәрігерге баруымен байланысты екенін атап өтті. Аурудың құрылымына келетін болсақ, сүт безі обыры Қазақстанда әлі де алдыңғы орында. Екінші орында аурушаңдық деңгейі бойынша колоректальды қатерлі ісік тұр.

Сондай-ақ баяндамалар барысында онкологиялық қызметтің онкологиялық ауруларға қарсы күрестің 2023-2027 жылдарға арналған Кешенді жоспары аясындағы жұмыстардың негізгі индикаторлары айтылды. Проблемалық мәселелер де талқыланды, мәселен, қазіргі таңда Қазақстанның бүкіл онкологиялық қызметі үшін өзекті мәселелердің бірі – кадр тапшылығы. Бұл мәселе әсіресе аймақтағы өңірлерде сезіледі.

Білгенге абзал!

Құрметті достар! Осы күзде жаңа оқу жылының басталуымен Қазақстанда қыздарды жатыр мойны обырының негізгі қоздырғышы – адам папилломасы вирусына (АПВ) қарсы вакцинациялау басталды. Қазақстан Республикасының Бас мемлекеттік санитариялық дәрігерінің 2024 жылғы 17 қыркүйектегі № 11 қаулысына сәйкес 11 жастағы қыздар жоспарлы тәртіппен вакцинациялауға жатады. Сондай-ақ 12 жастан бастап 13 жасты қоса алғандағы жастағы қыздарға толықтыра иммундау жүргізіледі.
Екпе мектептердің медициналық кабинеттерінде ата-аналардың немесе заңды өкілдерінің хабардар етілген келісімін алғаннан кейін жүргізіледі. Сондай-ақ ата-аналардың қалауы бойынша вакцинация тіркелген жердегі емханаларда да жүргізілуі мүмкін.
Жатыр мойны обыры Қазақстандағы барлық жастағы әйелдер арасында таралуы бойынша екінші орындағы және 25 пен 44 жас аралығындағы әйелдер өлімінің себептері бойынша екінші орындағы қатерлі ісік болып табылады. Ғылыми зерттеулер жатыр мойны обырының негізгі себебі АПВ инфекциясын жұқтыру екенін дәлелдеді.
Вакцинация қатерлі ісіктің ең қауіпті түрлерінің бірінен қыз балалардың денсаулығын қорғауға бағытталған. АПВ-ға қарсы вакцина халықаралық деңгейде өзінің тиімділігі мен қауіпсіздігін дәлелдеді. Бүгінгі таңда АПВ-ға қарсы вакцина әлемнің 135 елінде қолданылады. Бүгінгі таңда бірқатар елдерде вакцинацияның арқасында әйелдер арасында АПВ-ның таралуы 90%-ға төмендеді.

✅Германиядағы әріптестермен тәжірибе алмасу

18.08.2024 – 13.09.2024ж. аралығында Ядролық медицина және онкология орталығының қызметкерлері KAZ6013 «Improving Clinical Practice at the Center of Nuclear Medicine and Oncology of the East Kazakhstan» жобасы аясында Германияның Берлин қаласындағы «Vivantes Netzwerk fur Gesundheit GmbH» клиникасында Ядролық медицина институтының директоры, профессор М.Плоткиннің басшылығымен тағлымдамадан өтті.

Оқу бағдарламасына мыналар кірді:

– радиофармпрепараттар түрлері және оларды клиникалық тұрғыдан қолдану;

– ПЭТ/КТ және ОФЭКТ/КТ диагностика жүргізуге пациенттерді іріктеу;

– тераностиканы енгізу: Lu177-PSMA қуық асты безі обырын емдеуде және Lu-177 DOTA-TATE — бұл нейроэндокринді ісіктерді емдеу әдісі;

– пациенттер мен персоналдың радиациялық қауіпсіздік мәселелері.

Тағлымдама барысында қозғалған негізгі сұрақтың бірі – тераностиканы енгізу.

Тераностика – бұл медицинадағы жаңа бағыт. Бұл тәсіл ісіктің және оның метастаздарының орналасуын, сондай-ақ болашақта орналасу орнын анықтау үшін ісіктің өзіне тән агентті пайдалана отырып, дене суретін алуға мүмкіндік береді, сонымен қатар зақымдалған тін үшін алдын ала анықталған терапиялық тиімділігі бар арнайы заттек пайдаланылады. Бұл тәсіл дәстүрлі медицинадан заманауи дербестендірілген медициналық процедураларға көшуге мүмкіндік береді. Бұл пациенттер үшін нақты дәлірек емдеу мен жақсы нәтижелерді қамтамасыз етуге мүмкіндік беретін медицина саласындағы айтарлықтай ілгерілеуді білдіреді. Қазіргі уақытта Қазақстандағы тераностика тақырыбы даму сатысында.

Тағлымдамадан өткен Орталық қызметкерлері:

* директордың Ядролық медицина және стратегиялық даму жөніндегі орынбасары – Атантаева Баян Жұмағазықызы.

* Радионуклидті диагностика бөлімінің аға мейіргері – Қапсамиева Гүлдана Тлеукенқызы.

* медицина физигі – Дауменова Алуа Қанатқызы.

* радиациялық қауіпсіздік жөніндегі инженер – Адаспаев Азат Талғатұлы.

✅Ашық есік күні өтті

Құрметті достар! Бүгін біздің Орталығымызда тағы бір Ашық есік күні өтті. Бұл жолы ол гинекологиялық қатерлі ісіктерді ерте анықтауға бағытталған болды. Дәстүр бойынша, бүгінде

Кез келген адам жасына немесе сақтандырудың мәртебесіне қарамастан дәрігердің жолдамасынсыз онкологтарымыздың кеңесін ала алды, сондай – ақ қажет болған жағдайда бірқатар тексерулерден де өтуге мүмкіндік болды. Айта кетейік, осы Ашық есік күні қатысушылар саны бойынша ең ауқымды іс-шаралардың біріне айналды. Өз денсаулығына мән беретін адамдардың саны өсе келетіні бізді әрине қуантады. Естеріңізге сала кетейік, Ашық есік күні гинекологиялық қатерлі ісіктің алдын алу және ерте анықтау айлығы аясында өткізілді.

Лимфомамен күрестің дүниежүзілік күні

15 қыркүйекте лимфомамен күрестің дүниежүзілік күні деп атап өтіледі. Бұл күн қатерлі ісіктің бір түрімен күресуге арналған.

2002 жылы бүкіл әлем бойынша 57 лимфомалық ұйымды біріктіретін, Лимфомды коалиция құрылды. 2 жылдан кейін ол Дүниежүзілік лимфома күнін өткізу туралы бастама көтерді, оның мақсаты лимфа жүйесінің қатерлі аурулары, оның белгілері, ерте диагностикасы және алдын алу туралы ақпараттандыру болды.

Адам ағзасы мінсіз емес, көптеген аурулардың болуы осының дәлелі. Заманауи медицина онкологиялық ауруларды емдеуде үлкен жетістіктерге жеткеніне қарамастан, қатерлі ісік ауруларымен тек ересектер ғана ауырып қоймай, балалар да ауыратын ең ауыр және қорқынышты аурулардың бірі болып табылады.

Бұл тек дәрігер-онкологтар ғана емес, пациенттер мен олардың жақын туыстары, жалпы адам өміріне немқұрайлы қарамайтын адамдардың бәрі атап өтеді.

Лимфома – бұл иммунды жүйенің жасушаларынан болатын қатерлі ісік, ол лимфа жүйелерін (лимфатүйіндер, айырша безді, сүйек майын) зақымдайды.

Лимфома – қауіпті жылдам өршитін ауру.

Лимфоманың екі түрі бар: Ходжкин лимфомасы және ходжкиндік еме лимфома.

Лимфоманың нақты пайда болу себебі белгісіз. Бірақ кейбір қауіп факторлары бар. Олардың ішінде – жасына қарай лимфомалардың даму ықтималдығының жоғарылауы, инфекциялардың болуы (АИТВ-инфекциясы, Эпштейн-Барр вирусы, Helicobacter Pylori инфекциясы, В гепатиті вирусы және С гепатиті вирусының инфекциясы, аутоиммунды аурулар, иммунды басу терапиясын қолдану (көбінесе орган трансплантациясынан кейін), иммун тапшылығы аурулары. Ауылшаруашылық жұмыстары кезінде және улы химиялы заттармен жұмыс істеу кезінде пестицидтер, гербицидтер, бензол, шаш бояуын қолдану сияқты улы химиялық заттардың әсер етуі.

Лимфоманың белгілері: лимфа түйіндерінің ұлғаюы, дене температурасының 37С жоғарылауы, бас ауруы, тершеңдік, жөтел, ентігу, терінің қышуы, салмақ жоғалту, шаршаудың жоғарылауы және тәбеттің төмендеуі.

Егер бұл ауру бастапқы сатыларында анықталса, 80% жағдайда емдеуге болады. Әдетте, лимфома 55-60 жастан асқан адамдарда дамиды. Бұл ауру әйелдерге қарағанда ерлерде жиі кездеседі. Британдық ғалымдардың айтуынша, 2 немесе одан да көп буындары зақымдалған ревматоидты артритпен ауыратын адамдарда лимфоманың даму қаупі жоғары. Қандағы селен деңгейі төмен адамдар да қауіп тобына жатады.

Ең бастысы – қауіпсіздік!

Табиғи апаттардың, атап айтқанда, жер сілкіністерінің қаншалықты қауіпті екенін Қазақстан тұрғындары жақсы біледі. Бұдан әсіресе, оңтүстік астана тұрғындары зардап шегеді, бірақ ешкім табиғат құбылыстарының қаталдығынан сақтандырылмағандығын ұмытпаған жөн. Мұндай апаттардың алдын алу мүмкін емес, алайда адам шығынын азайтуға немесе мүмкіндігінше мүлдем болдырмауға мүмкіндік беретін шаралар қолдануға болады. Бүгін орталығымызда жер сілкінісі кезінде қажетті шаралар, сондай-ақ іс-қимыл алгоритмдері талқыланды. Олар төтенше жағдай кезінде қызметкерлер мен пациенттердің қауіпсіздігін қамтамасыз етуге арналған. Сондай-ақ, алдағы күндері жер сілкінісі кезіндегі қауіпсіздік техникасы бойынша оқыту семинары Орталықтың барлық бөлімшелері мен құрылымдық бөлімшелерінде өтетін болады.

Маңызды міндеттер мен басымдықтар

Бүгін Ядролық медицина және онкология орталығының қызметкерлері Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына жыл сайынғы Жолдауында белгіленген басымдықтар мен міндеттерді талқылады. Алдағы жылдарға арналған еліміздің басты басымдықтары туралы сарапшы-дәрігер Мұхтарғазы Тулеутаев баяндама жасады. Өз сөзінде ол Қазақстанның соңғы жылдарда қол жеткізген жетістіктеріне назар аударып, Мемлекетіміздің одан әрі дамуы бойынша жаңа бағытты атап өтті. Атап айтқанда, ақша-несие және фискалдық саясат арасындағы үйлесімсіздікті жою, инвестициялық ахуалды және бизнес жүргізуге қажетті жағдайды жақсарту, еліміздің өнеркәсіп әлеуетін толық пайдалану, сондай-ақ инфрақұрылымдық проблемаларды шешу, азаматтардың қауіпсіздігін қамтамасыз ету жөніндегі міндеттер айтылды. Баяндама барысында еліміздің кадрлық әлеуетін арттыруға, ұлт саулығын нығайтуға, халықты әлеуметтік қолдау жүйесін жаңғыртуға бағытталған Жолдауда белгіленген басымдықтарға ерекше назар аударылды. Сондай-ақ, кездесу барысында атом электр станциясын (АЭС) салу мәселесі бойынша елімізде өтетін жалпыұлттық референдум да талқыланды. Осы мәселе бойынша сөз сөйлеген Орталық директоры Татьяна Белихина жаһандық жобаның аса маңызды және елімізді алаңдататын аспектілерін атап өтті, «жасыл энергетиканы» пайдалана отырып, азаматтарды арзан электр қуатымен қамтамасыз ету, өнеркәсіпті және экономиканың басқа да салаларын дамыту, Қазақстан үшін ашылатын артықшылықтар мен мүмкіндіктерді де атап өтті. АЭС-ын салу мен қолдану, пайдалану кезінде қауіпсіздікті қамтамасыз ету шараларының әлемдік тәжірибесі де ұсынылды. «Бұл біздің еліміз үшін, барлық азаматтар үшін өте маңызды мәселе, сондықтан біз бір ел болып алдағы референдумға қатысып, өз көзқарасымызды білдіруіміз керек», – деп атап өтті Татьяна Белихина. Айта кетейік, Қазақстанда АЭС салу мәселесі бойынша референдум осы жылдың 6 қазанында өтетін болады.

Жемісті ынтымақтастықтың нәтижесі

Асқар Жакулин атындағы қайырымдылық қоры көптеген жылдар бойы өңірдің онкологиялық қызметінің сенімді досы және серіктесі болып келеді. Қордың демеушілік қолдауының арқасында Орталықтың материалдық-техникалық базасы онкологиялық ауруларды диагностикалау және емдеге қажетті заманауи жабдықтармен бірнеше рет толықтырылған болатын. Бүгін де, меценаттар біздің Орталығымызға заманауи жабдықтарды ұсып, Абай облысының онкологиялық қызметін тағы да қолдауға ниет білдірді. Осы мақсатта бүгін Орталығымызға Асқар Жакулин атындағы қайырымдылық қорының директоры Гүлнар Сейдоллақызы іс-сапарымен келді.
«Біз Ядролық медицина және онкология орталығымен 2017 жылдан бері жұмыс істеп келеміз. Біздің басты мақсатымыз – онкологиялық қызметке көмектесу, дәрігерлерімізге отандастарымызды емдеуге қолдау көрсету» – деп атап өтті Гүлнар Сейдоллақызы өзінің құттықтау сөзінде.
Ал біздің Орталықтың барлық ұжымы атынан меценаттарға алғысымызды сарапшы-дәрігер Мұхтарғазы Төлетаев білдірді.
«Біздің кездесуіміз атаулы мереке – Конституция Күні қарсаңында өтетп жатқаны – ол да бір үлкен көрсеткіш. Сіздер асыл миссияны атқарып келесіздер, өйткені көмектеріңіз көптеген мұқтаж жандардың өмірін сақтап қалуға баға жетпес үлесін қосып келеді. Сізге, Асқар Жакулин атындағы қайырымдылық қорына қолдау көрсеткені үшің, жемісті ынтымақтастығыңыз үшін алғысымызды білдіреміз. Игі істеріңізге сәттілік тілейміз», – деді Мұхтарғазы Есенжанұлы.
Қордың Орталығымызға сыйға беретін жабдықтардың қатарында портативті ультрадыбыстық аппарат кіреді. Болашақта ол біздің Орталықтың көшпелі мобильді бригадаларының жұмысында қолданылатын болады. Естеріңізге сала кетейік, жыл сайын біздің орталықта онколог-дәрігерлерден, сондай-ақ түрлі бағыттағы бейімді мамандардан тұратын мобильді бригада жұмыс істейді. Жыл сайын бригада облыстың аудандарын аралап, жергілікті тұрғындарды скринингтік тексерулерден өткізеді, сондай-ақ өңірлік ауруханалардың дәрігерлеріне оқытулар жүргізеді. Мобильді бригада осы жылдың шілде айында кезекті сапарларын өткізді. Сол кезде дәрігер-онкологтар Абай облысының барлық аудан орталықтарына іс-сапарымен барған еді.
Анестезиология, реанимация және қарқынды терапия бөліміне арналған арнайы жабдықтар да берілді. Жаңа жабдықтар реаниматологтар мен анестезиологтардың жұмысында әртүрлі дәрі-дәрмектерді қолдануды бақылау процесін жақсартуға мүмкіндік береді. Серіктестердің мұндай қолдауы баға жетпес үлес болып табылады, себебі біздің Орталықта жылдан жылға реанимациялық көмек көлемі тек артып келеді. Егер 2021 жылы 1426 пациентке реанимациялық көмек көрсетілсе, 2022 жылы – 1677 пациентке, ал 2023 жылы-1808 пациентке реанимациялық көмек көрсетілген болатын.

Адам өмірін сақтап қалуға ықпал ететін көмек

Қазіргі уақытта бүкіл әлемде қатерлі ісік – ең ауыр дерттердің бірі деп саналады. Дегенмен, жылдан жылға медицина дами келе, диагностиканың, емдеудің заманауи әдістері енгізіліп, жабдықтар жетілдіріп, аурумен тиімді күресуге қабілетті жаңа препараттар әзірленуде. Ядролық медицина және онкология орталығы заманауи жабдықтармен, сондай-ақ мамандардың біліктілігінің арқасында бүгінгі таңда қатерлі ісікті диагностикалау мен емдеудің барлық озық әдістері сәтті қолданылып келеді. Ал жақында Орталығымызда емдеуде Қазақстанда әлі тіркелмеген, алайда барлық әлемдік хаттамаларда ұсынылған таргетты препараттарды қолдануға мүмкіндік пайда болды. Бұл «Қазақстан халқына» Қоғамдық Қорының қолдауының арқасында жүзеге асырылуда.

«Біздің орталықта қатерлі ісіктің әртүрлі локализациясы бар пациенттер емделуде, әр пациентке дерттің ауырлығына, денсаулық жағдайына және басқа да көптеген көрсеткіштерге байланысты жеке емдеу тағайымдалады. Тағы бір айта кететіні, емдеу тактикасын бір дәрігер ғана емес, арнайы мамандар тобы анықтайды, көпсалалы комиссия жұмыс істейді. Қажет болған жағдайда біз Қазақ онкология және радиология ғылыми-зерттеу институтының әріптестерімен де кеңесеміз. Кейбір жағдайларда мультидисциплинарлық комиссия ҚР-да бұрын тіркелмеген, бірақ емдеудің барлық әлемдік хаттамаларында ұсынылған таргетты препараттарды ұсынады. Мұндай дәрі-дәрмектерді сатып алуға «Қазақстан халқына» қоры көмек көрсетіп келеді. Қормен келісім-шарттар жасалып, дәрі-дәрмектер келіп түсіп жатыр, осының арқасында пациенттерге қажетті емдеу қолданылуда», – деп атап өтті химиотерапия бөлімшесінің меңгерушісі Нұрбол Елемесов.

Қатерлі ісікті емдеуге арналған барлық дәрі-дәрмектер, оның ішінде таргетты препараттар да өте қымбат, ал егер олар Қазақстанда тіркелмеген болса, оларды бюджет қаражаты есебінен сатып алу тіпті мүмкін емес. Бірақ «Қазақстан халқына» Қорының қолдауының арқасында бұл мәселенің оң шешімі табылды. Қазіргі уақытта «Қазақстан халқына» қорымен 12 әртүрлі препараттарын сатып алуға келісім-шарттарға қол қойылған. Жақында алынған дәрі-дәрмектердің тізімін одан әрі кеңейту жоспарлануда.

2022 жылғы қаңтарда құрылған «Қазақстан халқына» Қоғамдық Қоры осы екі жылдан астам уақыт ішінде қазақстандықтардың өмір сүру сапасы мен әл-ауқатын жақсартуға бағытталған көптеген түрлі жобалар мен бағдарламаларды іске асыруға қолдау көрсетті. Бірақ еліміздің онкологиялық қызметіне қолдау көрсеткені ерекше орында, өйткені ол қазақстандықтарға қатерлі ісік ауруын жеңуге көмектесіп қана қоймайды, талай адамдардың баға жетпес өмірің құтқаруға үлестерін қосып, сонымен қатар отандастарымызға сауығуға қосымша үміт сыйлап келеді!

«Ашық есік»

Достар! Біздің орталықта осы сенбіде 3 тамызда өкпенің қатерлі ісігін ерте анықтауға бағытталған тағы бір «Ашық есік» күні өтеді. Сағат 9:00-ден 12:00-ге дейін кез келген адам дәрігердің жолдамасынсыз онкологиялык дәрігердің кеңесін тегін ала алады. Қажет болган жадайда қосымша зерттеулер де жүргізіледі. «Ашық есік күніне» жазылу, немесе қосымша ақпарат алу үшін 8(7222)55-08 – 87 және +7(778)87-00-167 нөмірі бойынша біздің Call-орталығымызға хабарласуға болады. Денсаулықтарыңызға біраз уақыт бөліп, өкпенің қатерлі ісігіне жол жоқ деңіздер!

«ONKO WEEK VKO» – онкоурология, онкогинекология және торакальды хирургия саласындағы жаңа мүмкіндіктер

Шығыс Қазақстан Облысының көпсалалы онкология және хирургия орталығында «ONKO WEEK VKO» ғылыми-практикалық конференциясының қорытындысы шығарылды. Іс-шара аясында онкологиялық орталықтың мамандары, сондай-ақ Алматы, Астана, Тбилиси және Санкт-Петербург қалаларынан шақырылған дәрігерлер онкоурология, онкогинекология және торакальды хирургия саласында 13 ота жасады.
Халықаралық конференцияның қонақтары Тбилиси американдық госпиталінің урологиялық бағытының жетекшісі, медицина ғылымдарының докторы Давид Николеишвили, жоғары санатты дәрігер-онколог, Санкт-Петербург фтизиопульмонология ҒЗИ торокалды хирургы Андрей Нефедов, ҚазақОРҒЗИ онкогинекологиялық қызметінің басшысы, медицина ғылымдарының кандидаты Ерлан Кукубасов, сондай-ақ ҚазақОРҒЗИ онкоурология орталығының меңгерушісі, медицина ғылымдарының докторы Хусан Умурзаков, Астана қ. КМО директорының орынбасары, медицина ғылымдарының докторы Талгат Курманов, жоғары санатты дәрігер-уролог, «ҚР Президенті Іс Басқармасының» Медициналық орталығы ауруханасының урология бөлімшесінің меңгерушісі Бахтияр Қасымов және Қарағанды облысы Денсаулық сақтау басқармасының штаттан тыс бас урологы, медицина ғылымдарының кандидаты Серик Жунусов.
Онкологиялық орталық Қазақстанның түкпір-түкпірінен келген хирургтар үшін оқыту алаңына айналды. Конференцияға еліміздің әртүрлі аймақтарынан 30-ға жуық дәрігер жоғары технологиялық, шағын инвазивті операцияларды жүргізу тәжірибесін қабылдау үшін келді. Аталған конференцияға біздің орталықтың онкохирургтары А.А.Қабыкенов пен А.З.Қанапиянов қатысты. Келген хирургтар операцияларды тек тікелей эфирде ғана емес, сонымен қатар онлайн режимінде де бақылай алды. Трансляция барысында сұрақтар қоюға және жедел топтармен сөйлесуге мүмкіндік алды.
– Онкологиялық орталықты жаңғырту және заманауи жарақтандыру, жетекші шетелдік клиникаларда мамандарды оқыту бізге осындай ауқымды іс-шараны өткізуге мүмкіндік берді, бұл біз үшін үлкен мәртебе, – деді ШҚО көпсалалы онкология және хирургия орталығының директоры Гульмира Сагидуллина. – Мұның бәрін біз пациенттеріміз үшін ұйымдастырамыз, өйткені әріптестерімізбен тығыз ынтымақтастықтың арқасында біз қазақстандықтар үшін жоғары технологиялық медициналық көмекті қолжетімді етеміз.
Тбилиси американдық госпиталінің урологиялық бағытының басшысы, медицина ғылымдарының докторы Давид Николеишвили, сондай-ақ жоғары санатты дәрігер-онколог, Санкт-Петербург фтизиопульмонология ҒЗИ торокалды хирургы Андрей Нефедов онкологиялық орталықтың жабдықталуы мен мамандардың біліктілігін жоғары бағалады, сондай-ақ одан әрі нәтижелі ынтымақтастыққа сенім білдірді.
– Бұл іс-шараның ең үлкен артықшылығы – отандық және шетелдік хирургтар бір-бірімен тәжірибелік және теориялық жағынан тәжірибе бөлісе алады, – деді ҚазақОРҒЗИ онкоурология орталығының меңгерушісі, медицина ғылымдарының докторы Хусан Умурзаков. – Мен өзім Шығыс Қазақстанның онкологиялық орталығында 13 жыл жұмыс істедім және мұнда-өте мықты ұжым деп айта аламын. Мамандар онкоурология саласында шағын инвазивті, пластикалық операциялар жасайды және біз басқа хирургтарды бірлесіп оқыттық.
Үш күн бойы іс-шараға қатысушылар онкохирургияның заманауи тақырыптары бойынша баяндамалар жасады, қатерлі ісіктерді емдеудің заманауи әдістерін талқылады, сондай-ақ дәрілік препараттарды қолдану тәжірибесімен бөлісті.

«Ашық есік» күні

Достар! Біздің орталықта осы сенбіде 13 шілдеде саркоманы ерте анықтауға бағытталған тағы бір «Ашық есік» күні өтеді.
Сағат 9:00-ден 13:00-ге дейін кез келген адам дәрігердің жолдамасынсыз онкологиялык дәрігердің кеңесін тегін ала алады.
Қажет болган жадайда ультрадыбыстык және рентгендік зерттеулер де жүргізіледі.
Денсаулықтарыңызға біраз уақыт бөліп, саркомаға жол жоқ деңіздер!

Өңірдің онкологиялық қызметін дамыту бойынша оқыту семинары

Бүгін Ядролық медицина және онкология Орталығында облыс онкологтарымен, сондай-ақ Медициналық-санитариялық алғашқы көмек көрсету ұйымдарының өкілдерімен семинар өтті. Кездесу барысында өңірдің онкологиялық қызметінің жұмысындағы бірқатар өзекті мәселелер талқыланды. Мәселен, кездесу барысында Орталықтың паллиативтік терапия бөлімінің меңгерушісі Ғабиден Рахымжанов баяндама жасады. Айта кету керек, онкологиялық қызметтегі паллиативтік көмек қатерлі ісіктің күрделі, дамыған түрі болып табылатын төртінші клиникалық тобы бар науқастарға көрсетіледі. Бұл көмек симптоматикалық және ауырсынуды басатын емдеуді ұсынады, бұл өз кезегінде науқастың өмір сүру сапасын жақсартуға мүмкіндік береді. Паллиативті көмек көрсету кезінде дұрыс тағайындауды және бақылауды қажет ететін әртүрлі дәрілер қолданылады. Ғабиден Рахымжанов өз сөзінде медициналық көмектің тиімділігін арттыруға арналған паллиативтік терапияның барлық маңызды аспектілерін атап өтті.

Кездесу барысында талқыланған тағы бір маңызды мәселе – жатыр мойны обырын алдын алу болды. Жатыр мойны қатерлі ісігі – алдын алуға болатын жалғыз қатерлі ісік екенін атап өткен жөн. Бірінші профилактика – бұл АПВ-на қарсы вакцинациясы болып табылады. Сондықтан Қазақстанда 2024 жылдың қыркүйек айынан бастап 11 жастағы қыздар арасында адам папилломавирусына қарсы вакцинациялауды енгізу көзделіп отыр. Вакцинация ата-анасының келісімімен мектептерде сертификатталған вакцинамен жүргізілетін болады. Дүниежүзілік денсаулық сақтау ұйымы 2030 жылға қарай 15 жасқа дейінгі қыздардың кем дегенде 90% – ын АПВ-на қарсы егуді ұсынады. Бұл скринингпен және ерте емдеумен бірге 2045 жылға қарай жаңа ЖМО жағдайларын 42% – ға азайтып, 2070 жылға қарай бүкіл әлем бойынша 14 миллион өлімнің алдын алуға болады деген болжамды байқатады. АПВ вакцинациясы есептік деректер бойынша алдағы 100 жылда 45 миллионнан астам өлімнің алдын алуға болады. Жатыр мойны обырының алдын алу туралы маммология және гинекология бөлімшесінің онкогинеколог дәрігері Әсем Чалдыбаева толық баяндама жасады.

Орталығымыз онкологиялық ауруларды емдеу мүмкіндіктерін кеңейтуде

Жақын арада ядролық медицина және онкология Орталығының дәрігерлер тобы Павлов атындағы Санкт-Петербург қаласындағы медициналық институтының базасында оқытуды аяқтады, осының арқасында жақын арада онкологиялық ауруларды емдеуде Орталығымыздың мүмкіндіктері кеңейеді деп жоспарлануда.
Оқыту тақырыбы онкологиялық науқастардағы әртүрлі локализациялардың стереотаксисі болды. Стереотактикалық сәулелі терапия-бұл сау тіндердің сәулеленуін азайта отырып, сәулеленудің үлкен «хирургиялық» дозасын ісікке жоғары дәлдікпен жеткізуге мүмкіндік беретін қашықтықтан жүргізілетін сәулелі терапияның бір түрі. Дәрігерлер тобының құрамында жоғары біліктілік санатындағы радиолог – дәрігер Наталья Карнакова, сондай-ақ медицина физигі Назгүл Елемесова оқытулардан өтті. Оқу жетекшісі-радиациялық онкологияның клиникалық база меңгерушісі, профессор, медицина ғылымдарының докторы Сергей Новиков.
Айта кету керек, оқыту облыс әкімінің білім беру бағдарламалары аясында жүргізілді. «Стереотаксис» әдісі жаңа үдеткіш іске қосылғаннан кейін біздің Орталықта енгізіледі деп жоспарлануда.

Солтүстік Македонияда ядролық медицина бойынша 11-ші Балқан конгресі өтуде

Радиоизотоптық диагностика бөлімшесінің меңгерушісі Берік Кәрибаев және радионуклидтік терапия бөлімшесінің ядролық медицина дәрігері Назигүл Есболатова осы күндері Солтүстік Македонияның Скопье қаласында Ядролық медицина бойынша 11-ші Балқан конгресіне қатысуда.

Аталған іс-шара 30 мамырдан 2 шілдеге дейін өтеді, оған ядролық медицина саласының сарапшылары, ғалымдары және дәрігерлер, соның ішінде радиологтар мен рентгенологтар да қатысуда. Қатысушылардың географиясы да аз емес-Балқан елдерінің, АҚШ-тың, Еуропа, Азия елдерінің өкілдері.

Кездесудің басты мақсаты- әртүрлі дерттерді, оның ішінде онкологиялық ауруларды диагностикалау және емдеуде ядролық медицинаны қолданудың соңғы жетістіктермен таныстырып, тәжірибе алмасу болмақ. Конгресс аясында бірнеше күн ішінде сарапшылардың баяндамалары мен дәрістері ұсынылатын болады.

Онкологиялық аурулардың асқынған жағдайларын талдау жөніндегі облыстық штабтың отырысы

Бүгін Ядролық медицина және онкология Орталығында өңірдің алғашқы медициналық-санитарлық көмек көрсететін емхана басшыларының қатысуымен онкологиялық аурулардың асқынған жағдайларын талдау жөніндегі облыстық штабтың отырысы өтті.

Кездесуді Орталық директорының міндетін атқарушы, м.ғ. д., Саят Таңатаров ашты.

«Бүгінде еліміздің онкологиялық қызметі ең алдымен онкологиялық аурулардың алдын алуға және ерте анықтауға бағытталған, бұл үшін елде бірқатар скринингтік бағдарламалар еңгізілген. Дегенмен, біз күнделікті онкологиялық аурулардың асқынған жағдайларымен жиі кездесеміз. Бұл мәселені шешу бірінші кезекте бастапқы буын – емханалардың, оның ішінде аудандық, қарау кабинеттерінің жұмысын күшейту қажеттілігі болып табылады», – деп Саят Замамбекұлы проблемалық мәселелерді атап өтті.

Жыл басынан бері өңірде онкологиялық аурулардың асқынған түрлерінің тіркелген жағдайлары туралы толығырақ, емдеу жөніндегі Орталық директорының орынбасары Нұрбек Нұрғалиев баяндама жасады. Кездесу барысында атап өтілгендей, қатерлі ісіктің асқынған жағдайлары арасында көзге көрінетін локализациялар да аз емес. Яғни, науқас дәрігерге уақтылы жүгінгенде, скринингтік бағдарламалардан уақытында өтіп, тиісті тексеруден өткен кезде – бұл аурулардың көпшілігін ерте кезеңде анықтауға болатын еді.

«Қазіргі уақытта қатерлі ісіктің асқынған түрлерінің ең көп таралған локализациясы ауыз қуысының қатерлі ісігі, өкпе обыры, ұйқы безінің қатерлі ісігі, жатыр мойны обыры болып табылады», – деп атап өтті Нұрбек Бекмұхаметұлы. Сондай-ақ, баяндама барысында онкологиялық ауруларды анықтаудың ең жақсы және төмен көрсеткіштеріне ие болған өңірлік емханалары аталды. Өз сөзін қорытындылай келе, спикер МСАК жүйесіндегі әріптестерін скринингтік тексерулерден уақтылы өтудің және онкологиялық сақтанудың маңыздылығын түсіндіру бойынша қоғамдағы ақпараттық жұмысты күшейтуге шақырды.

Облыстық штаб отырысының екінші бөлімінде онкологиялық аурулардың нақты асқынған жағдайлары талқыланды.

Қола жүлде құтты болсын, жарайсындар!

Оннан астам командалар шінде-біздің орталықтың құрамасы шахматтан медициналық ұйымдар арасындағы жарыс барысында құрметті үшінші орынға ие болды.

Шахматтан облыстық турнир осы сенбіде 25 мамырда Семейде медицина қызметкерлері Күні қарсаңында өтті, оған өңірдің түкпір-түкпірінен медициналық ұйымдардың құрама командалары қатысты. Жарысты облыстың денсаулық сақтау басқармасы, сондай-ақ «Senim» Денсаулық сақтау жүйесі қызметкерлері кәсіподағының облыстық филиалы ұйымдастырды. Жарыстың басты мақсаты салауатты өмір салтын насихаттау, спортқа оң көзқарасты қалыптастыру, сондай-ақ медициналық ұйымдар арасында спорттық дәстүрлерді нығайту болды.

Команда құрамында онколог-дәрігерлер Біржан Қалмақпаев, терапевт-дәрігер Елена Гурская, және медициналық физик Серік Айтқалиев Орталығымыздың намысын қорғалды. Жалпы Орталық құрамасы төрт командамен партия өткізді. Нәтижесінде турнир қорытындысы бойынша үшінші орынға ие болдық. Жарыстың барлық финалистері кубоктармен, медальдармен және ақшалай сертификаттармен марапатталды.

Орталық ұжымының атынан әріптестерімізді құттықтай отырып, үлкен жеңістер мен жаңа жетістіктер көбейе берсін деп тілейміз.

Ашық есік күні!

Құрметті достар! Осы сенбіде 25 мамырда біздің Орталығымызда кезекті «Ашық есік күні» өтетінін хабарлаймыз, оның барысында терінің қатерлі ісіктері мен меланоманы ерте диагностикалау бойынша онколог дәрігерлерімізден кеңес алуға болады. Сондай-ақ, дәрігердің нұсқауы бойынша перифериялық лимфа түйіндерінің ультрадыбыстық тексерулері жүргізілетін болады.

Барлық тексерулер мамандандырылған медициналық бақылау бөлімшесінде сағат 9:00-ден 12:00-ге дейін жүргізіледі. «Ашық есік күніне» жазылу немесе қосымша ақпарат алу үшін 8(7222)55-08 – 87 және +7(778)87-00-167 нөмірі бойынша біздің Call-орталығымызға хабарласуға болады.

Достар! Тері обыры үстірт жара, белдеу немесе түйін түрінде көрінуі мүмкін. Көбінесе симптомсыз өтеді, бірақ жалақтану, қанап кету және ауырсыну пайда болуы мүмкін. Жалпақ жасушалы обыр базальды жасушалы обырға қарағанда әлдеқайда жиі метастаз береді. Метастаздар аурудың болжамын айтарлықтай нашарлатады. Теріде қандай да бір күдікті элементтерді байқасаңыздар, уақыт созбай дәрігерге қаралу қажет.

«Стоп меланома» атты терінің қатерлі ісігі және меланома туралы хабардар болу апталығы

Құрметті достар! Бүгін Қазақстанда «Стоп меланома» атты терінің қатерлі ісігі және меланома туралы хабардар болу апталығы басталды.
Айта кету керек, терінің қатерлі ісігі – онкологиялық аурулардың ең көп таралған локализациясының бірі болып табылады. Тек Абай облысы бойынша осы жылдың бірінші тоқсанында сырқаттанушылықтың 40-қа жуық жаңа жағдайы тіркелген. Аймағымызда онкологиялық аурулардың басқа түрлерінің арасында таралу деңгейі бойынша терінің қатерлі ісіктері төртінші орынға орналасты.
Хабардар болу апталығы аясында жақын арада терінің қатерлі ісіктері мен меланома туралы, әсіресе аурудың алғашқы белгілері, алдын-алу әдістері және емдеу ерекшеліктері туралы мүмкіндігінше көбірек пайдалы ақпараттармен бөлісуге тырысамыз. Сонымен қатар, терінің қатерлі ісігі мен меланоманы ерте диагностикалау бойынша «Ашық есік күні» сияқты әртүрлі іс – шаралар да жоспарланған, олардың өткізілу күні бойынша толығырақ ақпаратты әлеуметтік желілердегі парақшаларымызда жариялайтын боламыз. Сондықтан, бізге жазылып, пайдалы сілтемелермен бөлісуді де ұмытпаңыздар. Осылайша сіздердің белсенділіктеріңіз неғұрлым көп адамдарға өзекті жаңалықтар мен іс-шаралар бойынша хабардар болуға көмегін тигізеді.