Абай облысы Денсаулық сақтау басқармасының ядролық медицина және онкология орталығы

Өңірдің онкологиялық қызметін дамыту бойынша оқыту семинары

Бүгін Ядролық медицина және онкология Орталығында облыс онкологтарымен, сондай-ақ Медициналық-санитариялық алғашқы көмек көрсету ұйымдарының өкілдерімен семинар өтті. Кездесу барысында өңірдің онкологиялық қызметінің жұмысындағы бірқатар өзекті мәселелер талқыланды. Мәселен, кездесу барысында Орталықтың паллиативтік терапия бөлімінің меңгерушісі Ғабиден Рахымжанов баяндама жасады. Айта кету керек, онкологиялық қызметтегі паллиативтік көмек қатерлі ісіктің күрделі, дамыған түрі болып табылатын төртінші клиникалық тобы бар науқастарға көрсетіледі. Бұл көмек симптоматикалық және ауырсынуды басатын емдеуді ұсынады, бұл өз кезегінде науқастың өмір сүру сапасын жақсартуға мүмкіндік береді. Паллиативті көмек көрсету кезінде дұрыс тағайындауды және бақылауды қажет ететін әртүрлі дәрілер қолданылады. Ғабиден Рахымжанов өз сөзінде медициналық көмектің тиімділігін арттыруға арналған паллиативтік терапияның барлық маңызды аспектілерін атап өтті.
Кездесу барысында талқыланған тағы бір маңызды мәселе – жатыр мойны обырын алдын алу болды. Жатыр мойны қатерлі ісігі – алдын алуға болатын жалғыз қатерлі ісік екенін атап өткен жөн. Бірінші профилактика – бұл АПВ-на қарсы вакцинациясы болып табылады. Сондықтан Қазақстанда 2024 жылдың қыркүйек айынан бастап 11 жастағы қыздар арасында адам папилломавирусына қарсы вакцинациялауды енгізу көзделіп отыр. Вакцинация ата-анасының келісімімен мектептерде сертификатталған вакцинамен жүргізілетін болады. Дүниежүзілік денсаулық сақтау ұйымы 2030 жылға қарай 15 жасқа дейінгі қыздардың кем дегенде 90% – ын АПВ-на қарсы егуді ұсынады. Бұл скринингпен және ерте емдеумен бірге 2045 жылға қарай жаңа ЖМО жағдайларын 42% – ға азайтып, 2070 жылға қарай бүкіл әлем бойынша 14 миллион өлімнің алдын алуға болады деген болжамды байқатады. АПВ вакцинациясы есептік деректер бойынша алдағы 100 жылда 45 миллионнан астам өлімнің алдын алуға болады. Жатыр мойны обырының алдын алу туралы маммология және гинекология бөлімшесінің онкогинеколог дәрігері Әсем Чалдыбаева толық баяндама жасады.

Орталығымыз онкологиялық ауруларды емдеу мүмкіндіктерін кеңейтуде

Жақын арада ядролық медицина және онкология Орталығының дәрігерлер тобы Павлов атындағы Санкт-Петербург қаласындағы медициналық институтының базасында оқытуды аяқтады, осының арқасында жақын арада онкологиялық ауруларды емдеуде Орталығымыздың мүмкіндіктері кеңейеді деп жоспарлануда.
Оқыту тақырыбы онкологиялық науқастардағы әртүрлі локализациялардың стереотаксисі болды. Стереотактикалық сәулелі терапия-бұл сау тіндердің сәулеленуін азайта отырып, сәулеленудің үлкен «хирургиялық» дозасын ісікке жоғары дәлдікпен жеткізуге мүмкіндік беретін қашықтықтан жүргізілетін сәулелі терапияның бір түрі. Дәрігерлер тобының құрамында жоғары біліктілік санатындағы радиолог – дәрігер Наталья Карнакова, сондай-ақ медицина физигі Назгүл Елемесова оқытулардан өтті. Оқу жетекшісі-радиациялық онкологияның клиникалық база меңгерушісі, профессор, медицина ғылымдарының докторы Сергей Новиков.
Айта кету керек, оқыту облыс әкімінің білім беру бағдарламалары аясында жүргізілді. «Стереотаксис» әдісі жаңа үдеткіш іске қосылғаннан кейін біздің Орталықта енгізіледі деп жоспарлануда.

Солтүстік Македонияда ядролық медицина бойынша 11-ші Балқан конгресі өтуде

Радиоизотоптық диагностика бөлімшесінің меңгерушісі Берік Кәрибаев және радионуклидтік терапия бөлімшесінің ядролық медицина дәрігері Назигүл Есболатова осы күндері Солтүстік Македонияның Скопье қаласында Ядролық медицина бойынша 11-ші Балқан конгресіне қатысуда.
Аталған іс-шара 30 мамырдан 2 шілдеге дейін өтеді, оған ядролық медицина саласының сарапшылары, ғалымдары және дәрігерлер, соның ішінде радиологтар мен рентгенологтар да қатысуда. Қатысушылардың географиясы да аз емес-Балқан елдерінің, АҚШ-тың, Еуропа, Азия елдерінің өкілдері.
Кездесудің басты мақсаты- әртүрлі дерттерді, оның ішінде онкологиялық ауруларды диагностикалау және емдеуде ядролық медицинаны қолданудың соңғы жетістіктермен таныстырып, тәжірибе алмасу болмақ. Конгресс аясында бірнеше күн ішінде сарапшылардың баяндамалары мен дәрістері ұсынылатын болады.

Онкологиялық аурулардың асқынған жағдайларын талдау жөніндегі облыстық штабтың отырысы

Бүгін Ядролық медицина және онкология Орталығында өңірдің алғашқы медициналық-санитарлық көмек көрсететін емхана басшыларының қатысуымен онкологиялық аурулардың асқынған жағдайларын талдау жөніндегі облыстық штабтың отырысы өтті.
Кездесуді Орталық директорының міндетін атқарушы, м.ғ. д., Саят Таңатаров ашты.
«Бүгінде еліміздің онкологиялық қызметі ең алдымен онкологиялық аурулардың алдын алуға және ерте анықтауға бағытталған, бұл үшін елде бірқатар скринингтік бағдарламалар еңгізілген. Дегенмен, біз күнделікті онкологиялық аурулардың асқынған жағдайларымен жиі кездесеміз. Бұл мәселені шешу бірінші кезекте бастапқы буын – емханалардың, оның ішінде аудандық, қарау кабинеттерінің жұмысын күшейту қажеттілігі болып табылады», – деп Саят Замамбекұлы проблемалық мәселелерді атап өтті.
Жыл басынан бері өңірде онкологиялық аурулардың асқынған түрлерінің тіркелген жағдайлары туралы толығырақ, емдеу жөніндегі Орталық директорының орынбасары Нұрбек Нұрғалиев баяндама жасады. Кездесу барысында атап өтілгендей, қатерлі ісіктің асқынған жағдайлары арасында көзге көрінетін локализациялар да аз емес. Яғни, науқас дәрігерге уақтылы жүгінгенде, скринингтік бағдарламалардан уақытында өтіп, тиісті тексеруден өткен кезде – бұл аурулардың көпшілігін ерте кезеңде анықтауға болатын еді.
«Қазіргі уақытта қатерлі ісіктің асқынған түрлерінің ең көп таралған локализациясы ауыз қуысының қатерлі ісігі, өкпе обыры, ұйқы безінің қатерлі ісігі, жатыр мойны обыры болып табылады», – деп атап өтті Нұрбек Бекмұхаметұлы. Сондай-ақ, баяндама барысында онкологиялық ауруларды анықтаудың ең жақсы және төмен көрсеткіштеріне ие болған өңірлік емханалары аталды. Өз сөзін қорытындылай келе, спикер МСАК жүйесіндегі әріптестерін скринингтік тексерулерден уақтылы өтудің және онкологиялық сақтанудың маңыздылығын түсіндіру бойынша қоғамдағы ақпараттық жұмысты күшейтуге шақырды.
Облыстық штаб отырысының екінші бөлімінде онкологиялық аурулардың нақты асқынған жағдайлары талқыланды.

Қола жүлде құтты болсын, жарайсындар!

Оннан астам командалар шінде-біздің орталықтың құрамасы шахматтан медициналық ұйымдар арасындағы жарыс барысында құрметті үшінші орынға ие болды.
Шахматтан облыстық турнир осы сенбіде 25 мамырда Семейде медицина қызметкерлері Күні қарсаңында өтті, оған өңірдің түкпір-түкпірінен медициналық ұйымдардың құрама командалары қатысты. Жарысты облыстың денсаулық сақтау басқармасы, сондай-ақ «Senim» Денсаулық сақтау жүйесі қызметкерлері кәсіподағының облыстық филиалы ұйымдастырды. Жарыстың басты мақсаты салауатты өмір салтын насихаттау, спортқа оң көзқарасты қалыптастыру, сондай-ақ медициналық ұйымдар арасында спорттық дәстүрлерді нығайту болды.
Команда құрамында онколог-дәрігерлер Біржан Қалмақпаев, терапевт-дәрігер Елена Гурская, және медициналық физик Серік Айтқалиев Орталығымыздың намысын қорғалды. Жалпы Орталық құрамасы төрт командамен партия өткізді. Нәтижесінде турнир қорытындысы бойынша үшінші орынға ие болдық. Жарыстың барлық финалистері кубоктармен, медальдармен және ақшалай сертификаттармен марапатталды.
Орталық ұжымының атынан әріптестерімізді құттықтай отырып, үлкен жеңістер мен жаңа жетістіктер көбейе берсін деп тілейміз.

Ашық есік күні!

Құрметті достар! Осы сенбіде 25 мамырда біздің Орталығымызда кезекті «Ашық есік күні» өтетінін хабарлаймыз, оның барысында терінің қатерлі ісіктері мен меланоманы ерте диагностикалау бойынша онколог дәрігерлерімізден кеңес алуға болады. Сондай-ақ, дәрігердің нұсқауы бойынша перифериялық лимфа түйіндерінің ультрадыбыстық тексерулері жүргізілетін болады.
Барлық тексерулер мамандандырылған медициналық бақылау бөлімшесінде сағат 9:00-ден 12:00-ге дейін жүргізіледі. «Ашық есік күніне» жазылу немесе қосымша ақпарат алу үшін 8(7222)55-08 – 87 және +7(778)87-00-167 нөмірі бойынша біздің Call-орталығымызға хабарласуға болады.
Достар! Тері обыры үстірт жара, белдеу немесе түйін түрінде көрінуі мүмкін. Көбінесе симптомсыз өтеді, бірақ жалақтану, қанап кету және ауырсыну пайда болуы мүмкін. Жалпақ жасушалы обыр базальды жасушалы обырға қарағанда әлдеқайда жиі метастаз береді. Метастаздар аурудың болжамын айтарлықтай нашарлатады. Теріде қандай да бір күдікті элементтерді байқасаңыздар, уақыт созбай дәрігерге қаралу қажет.

«Стоп меланома» атты терінің қатерлі ісігі және меланома туралы хабардар болу апталығы

Құрметті достар! Бүгін Қазақстанда «Стоп меланома» атты терінің қатерлі ісігі және меланома туралы хабардар болу апталығы басталды.
Айта кету керек, терінің қатерлі ісігі – онкологиялық аурулардың ең көп таралған локализациясының бірі болып табылады. Тек Абай облысы бойынша осы жылдың бірінші тоқсанында сырқаттанушылықтың 40-қа жуық жаңа жағдайы тіркелген. Аймағымызда онкологиялық аурулардың басқа түрлерінің арасында таралу деңгейі бойынша терінің қатерлі ісіктері төртінші орынға орналасты.
Хабардар болу апталығы аясында жақын арада терінің қатерлі ісіктері мен меланома туралы, әсіресе аурудың алғашқы белгілері, алдын-алу әдістері және емдеу ерекшеліктері туралы мүмкіндігінше көбірек пайдалы ақпараттармен бөлісуге тырысамыз. Сонымен қатар, терінің қатерлі ісігі мен меланоманы ерте диагностикалау бойынша «Ашық есік күні» сияқты әртүрлі іс – шаралар да жоспарланған, олардың өткізілу күні бойынша толығырақ ақпаратты әлеуметтік желілердегі парақшаларымызда жариялайтын боламыз. Сондықтан, бізге жазылып, пайдалы сілтемелермен бөлісуді де ұмытпаңыздар. Осылайша сіздердің белсенділіктеріңіз неғұрлым көп адамдарға өзекті жаңалықтар мен іс-шаралар бойынша хабардар болуға көмегін тигізеді.

«ОнкоРенессанс-2024» медициналық онкологтардың бірінші халықаралық ғылыми-практикалық мектебі

Бүгін Алматыда «ОнкоРенессанс-2024» атты медициналық онкологтардың бірінші халықаралық ғылыми-практикалық мектебі өз жұмысын бастады. Іс-шара ҚР онкологтар қауымдастығы және Қазақ онкология және радиология ҒЗИ-ның медициналық онкологтар мектебінің ұйымдастыруымен өтуде.
«ОнкоРенессанс-2024»-ке Қазақстанның онколог-дәрігерлері, химиотерапевтер, хирургтар, рентгенологтар және АҚШ, Ресей, Италия, Франция, Испания, Латвия, Түркия, Қытай, Грузия, Беларусь пен Әзірбайжаннан келген спикерлер қатысуда. Біздің орталықтан ғылыми-практикалық мектебі жұмысына мамандандырылған медициналық байқау бөлімшесінің меңгерушісі Айбек Садықов, химиотерапия бөлімшесінің меңгерушісі Нұрбол Елемесов, радиациялық онколог Азалия Есенгари, онкогинеколог Әсем Чалдбыбаева, онколог дәрігер Кирилл Дьяконов, сондай-ақ патологоанатом дәрігер Маржан Букатова қатысып отыр.
«ОнкоРенессанс-2024» медициналық онкологтардың бірінші халықаралық ғылыми-практикалық мектебі өз жұмысын екі күн – 17-18 мамыр аралығында жүргізетін болады. Іс-шара бағдарламасы онкологияның бес бағытын қамтиды: өкпе обыры, сүт безі обыры, онкоурология мектебі, меланомалар және ісікке қарсы дәрілік терапияны басқару. Қатысушылар отандық және шетелдік сарапшылардан сүт безі қатерлі ісігінің Oncotype DX диагнозы туралы, онкологиядағы молекулярлы-генетикалық диагностика, сәулелік және таргетті терапияның заманауи әдістері, химиотерапиядағы басқару принциптері және онкологиядағы ғылыми жаңалықтар туралы кең ақпарат алатын болады.
Іс-шара барысында онкологиядағы практикалық және ғылыми қызметтің нәтижелері айтылып, пікірталастар мен тәжірибе алмасу да жоспарланған.

Алдын алуға болатын дерт

Бүгін Абай облысының Өңірлік коммуникациялар қызметінің алаңында санитариялық-эпидемиологиялық бақылау Департаменті мамандарының, сондай – ақ БАҚ өкілдерінің қатысуымен адам папилломавирусы-АПВ-ға қарсы вакцинациялау мәселелеріне арналған брифинг өтті. Біздің Орталықтан брифинг жұмысына маммология және гинекология бөлімшесінің онкогинеколог дәрігері Әсем Чалдыбаева қатысты.
Кездесу барысында атап өтілгендей, адам папилломавирусы – әйелдерде аурулардың тұтас кешенін, соның ішінде қатерлі ісіктерге айналуы мүмкін ісік алды зақымдануларды тудыратын, ұрпақты болу жолдарының инфекцияларының ең көп тараған вирустық қоздырғышы.
Статистикалық мәліметтерге сүйенсек, гинекологиялық онкологиялық аурулардың ішінде жатыр мойны обыры (ЖМО) әйелдердің басқа онкологиялық аурулары арасында Қазақстан Республикасында екінші орында тұр.
«Жыл сайын елімізде ЖМО 1800-ге жуық әйелдердің өмірін қиып келеді, яғни ҚР-да жатыр мойны обырынан күн сайын 2 адам қайтыс болады. Сонымен қатар дерт жылдан жылға жасарып келеді, егер бұрында ЖМО анықталған әйелдердің орта жасы шамамен 45 жасты құраса, бүгінгі күні орта жас 35-ті құрайды» -деп атап өтті Әсем Чалдыбаева.
Жатыр мойны қатерлі ісігі – алдын алуға болатын жалғыз қатерлі ісік екенін атап өткен жөн. Бірінші профилактика – бұл АПВ-на қарсы вакцинациясы болып табылады. Сондықтан Қазақстанда 2024 жылдың қыркүйек айынан бастап 11 жастағы қыздар арасында адам папилломавирусына қарсы вакцинациялауды енгізу көзделіп отыр. Вакцинация ата-анасының келісімімен мектептерде сертификатталған вакцинамен жүргізілетін болады. Дүниежүзілік денсаулық сақтау ұйымы 2030 жылға қарай 15 жасқа дейінгі қыздардың кем дегенде 90% – ын АПВ-на қарсы егуді ұсынады. Бұл скринингпен және ерте емдеумен бірге 2045 жылға қарай жаңа ЖМО жағдайларын 42% – ға азайтып, 2070 жылға қарай бүкіл әлем бойынша 14 миллион өлімнің алдын алуға болады деген болжамды байқатады. АПВ вакцинациясы есептік деректер бойынша алдағы 100 жылда 45 миллионнан астам өлімнің алдын алуға болатынын айтып өтті мамандар.

Қазақстан халқының бірлігі күні құтты болсын!

Құрметті достар! Орталығмыздың барлық ұжымы атынан баршаңызды көктемнің тамаша мерекесімен, 1 мамыр – Қазақстан халқының бірлігі күнімен шын жүректен құттықтаймыз!
Бірлік пен келісімнің арқасында біз тәуелсіз мемлекет қалыптастырып, зор жетістіктерге жеттік. Әлемге танылып, биік беделге ие болдық. Бірлік, достық және өзара сыйластық болған кезде ғана біздің кең байтақ ортақ отанымыз – Қазақстан Республикасы мол байлық пен бақ-берекеге кенеледі. Осы маңызды құндылықтар қоғамымыздың дүниетанымын анықтап, оның одан әрі біріге және жұмыла түсуінің айқын бағдары болады.
Біз бұл басты құндылықтар болашақта одан да үлкен табыстардың кепілі болатынына сенімдіміз. Баршаңызға зор денсаулық, амандық және жаңа табыстар тілейміз!

Аймақтың онколог – дәрігерлеріне арналған ғылыми-практикалық семинар

Бүгін Семей қаласында Қазақстан онкоурологтар қоғамының бастамасымен өңірдің медициналық ұйымдарының онколог – дәрігерлеріне, хирургтарға, урологтарға арналған ғылыми-практикалық семинар өтті. Кездесудің басты мақсаты МСАК дәрігерлерінің, сондай-ақ облыстың онкологиялық қызметінің онкологиялық ауруларды диагностикалау мен ерте анықтаудағы бірлескен іс-қимылдарын нығайтып, жолға қою болды.
Ғылыми-практикалық семинар жұмысына Қазақстанның онкоурологтар қоғамының төрағасы Талғат Құрманов, сондай-ақ Қазақстанның бас онкоурологы, онколог, уролог, хирург, жоғары санатты дәрігер, ҚазОРҒЗИ онкоурология орталығының басшысы Хусан Өмірзақов қатысты. Біздің Орталықтан семинар жұмысына MD, уролог, хирург, хирургия бөлімшесінің онкологы Асхат Қабыкенов қатысты.
Семинар барысында простата обырын диагностикалаудың заманауи алгоритмдері туралы Қазақстанның онкоурологтар қоғамының төрағасы Талғат Құрманов, сондай-ақ Қазақстанның бас онкоурологы Хусан Өмірзақов баяндама жасады. Уролог, хирург, онколог Асхат Қабыкенов Абай облысының онкологиялық науқастарының эпидемиологиясы мен жүргізілетін емдеу түрлері туралы айтып берді.
Айта кету керек, ғылыми-практикалық семинар тәжірибе алмасу және онкологиялық ауруларды диагностикалау мен ерте анықтауда бірлескен іс-қимылдарды нығайту үшін маңызды диалог алаңына айналды.

✅Тиімді ынтымақтастық пен тәжірибе алмасу

Диагностика мен емдеудің озық әдістерін енгізу, сондай– ақ қолданылып келе жатқан әдістерді жетілдіру-біздің орталықтың басым міндеттерінің бірі болып табылады. Бұл көрсетілетін медициналық көмектің жоғары сапасын қамтамасыз етіп қана қоймай, Қазақстанның және алыс-жақын шет елдердің жетекші ғылыми және медициналық орталықтарының әріптестерімен тәжірибе алмасып, серіктестік байланыстарды кеңейтуге мүмкіндік береді. Осылайша, біздің орталықта Қазақ онкология және радиология ғылыми-зерттеу институтының қолдауымен 29-30 сәуір күндері екі күн ішінде қатерлі ісіктерді емдеудің хирургиялық әдістерін жетілдіруге бағытталған шеберлік сабақтары өтуде. Оқытуды онколог, уролог, хирург, жоғары санатты дәрігер, ҚазОРҒЗИ онкоурология орталығының басшысы Хусан Өмірзақов жүргізеді.
Шеберлік сабағы аясында Хусан Өмірзақов біздің орталықтың хирургтарымен бірлесіп, ретроперитонеальді парааорталық лимфа түйіндері ұлғайған сол жақ бүйрек үсті безінің ісігін емдеу бойынша ота жасады. Операция жарақаты аз технологияларды қолдана отырып жүргізілді – адреналэктомия жасалды, яғни зақымданған сол жақ бүйрек үсті безін лапароскопиялық жолмен алып тастау, сонымен қатар хирургтар ретроперитонеальді кеңейтілген лимфодиссекция жасады – зақымдалған лимфа түйіндері де алынып тасталды. Жалпы алғанда, операция жарты сағат ішінде жүргізілді, ол ешқандай асқынусыз сәтті аяқталды. Айта кету керек, мұндай оталарды біздің орталықтың хирургтары бұрыннан жүргізіп келеді. Алайда осы шеберлік сабағының мақсаты – хирургиялық жолмен емдеу әдістерін бұдан әрі жетілдіру.
«Мұндай оталардың өзіндік бірқатар қиындықтары бар, әсіресе үлкен тамырлар бойымен лимфодиссекция жасаған кезде. Қан тамырларының зақымдануы, қан кету қаупі бар. Сондықтан шеберлік сабағымызда біз зардап шеккен органды алып тастауға емес, лимфодиссекция жүргізуге баса назар аударамыз», – деп атап өтті Хусан Өмірзақов.
Осы күні сондай-ақ, қуық қатерлі ісігін хирургиялық жолмен емдеу бойынша бірлескен ота жасалды, оның барысында хирургтар трансуретральды резекцияны сәтті орындады – жарақаты аз технологияны қолдана отырып, қуықтың зақымданған тұсы алынып тасталды. Біздің орталықтың хирургтары оталардың бұл түрін де бірінші жыл орындап жүрген жоқ, алайда жүргізіліп жатқан шеберлік сабақтары операциялық жолмен емдеудің тиімділігін арттыруға жол ашпақ. Бұл тақырыпта Қазақ онкология және радиология ғылыми-зерттеу институтының сарапшысы дәріс те ұсынатын болады.
Шеберлік сабағының екінші күнін қуық асты безінің қатерлі ісігін хирургиялық емдеуге арнау жоспарлануда. Бұл күні онколог-дәрігер Хусан Өмірзақов осы тақырып бойынша біздің хирургтарға дәріс оқиды.
Бұл Хусан Өмірзақовтың біздің Орталыққа алғашқы сапары емес, сондықтан сарапшының орталықтың хирургиялық блок жұмысы мен мүмкіндіктеріне нақты баға беруге мүмкіндігі бар.
«Бірінші кезекте мен орталық хирургтарының жоғары жабдықталуы мен біліктілік деңгейін атап өткім келеді – мұнда тек жақсы құрылғылар ғана емес, сондай-ақ бірлігі мықты, ұйымшыл ұжым да бар. Мұның бәрі жүргізілетін оталардың жоғары сапасын қамтамасыз етіп қана қоймайды, сонымен қатар хирургиялық емдеудің жаңа әдістерін енгізуге үлкен әлеует тудырады. Сондықтан болашақта біздің ынтымақтастығымыз жалғасатыны сөзсіз. Мен онкоуролог ретінде бұдан былай кіші жамбастың қатерлі ісіктерін емдеу бойынша кеңейтілген оталар жүргізу тәжірибесімен бөліскім келеді», – деді Хусан Өмірзақов.
Айта кету керек, бұл күндері Қазақ онкология және радиология ғылыми-зерттеу институтының жетекші онкологтары еліміздің барлық өңірлерінде шеберлік сабақтарын жүргізуде. Негізгі мақсат-қатерлі ісіктердің жарақаты аз және жоғары технологиялық әдістерін кеңінен енгізу. Қорытындылай келе, біздің орталықтың барлық ұжымы атынан Хусан Өмірзақовқа, сондай-ақ Қазақ онкология және радиология ғылыми-зерттеу институтына тиімді ынтымақтастық пен тәжірибе алмасқаны үшін алғысымды білдіргім келеді.

Денсаулық сақтау саласындағы реформалар жалғасуда

19 сәуірде Мемлекет басшысы Қасм-Жомарт Тоқаев «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
Заң медицина қызметкерлерін құқықтық және қаржылық тұрғыдан қорғау жүйесін енгізуге және олардың жауапкершілігін арттыруға, сондай-ақ жастар арасында құрамында никотині бар заттардың таралуының алдын алу және оған қарсы күресу үшін жүйелі шаралар қабылдауға бағытталған.
Заң арқылы медицина қызметкерлерінің кәсіби жауапкершілігін сақтандыру тетігі енгізілді (Заң ресми жарияланғаннан кейін 6 ай өткен соң қолданысқа енеді).
Сонымен қатар медицина қызметкерлерін қолдауға бағытталған түзетулер қабылданды. Атап айтқанда:
– тұрғылықты жері бойынша мектепке дейінгі ұйымдардан балалары үшін басым тәртіппен орын алу, кәсіби қызметіне заңсыз араласудан және кедергі келтіруден қорғау, мамандығына құрметпен қарау, медициналық мамандығы бойынша әскери қызметін өткеру немесе әскери қызметке шақыруды кейінге қалдыру құқықтары берілді;
– «Қазақстанның еңбек сіңірген дәрігері» құрметті атағы – мемлекеттік наградасы белгіленді;
– Басы артық есеп немесе ақпарат беруден босату үшін денсаулық сақтау саласындағы уәкілетті орган бұдан былай медицина қызметкерлері толтыруға міндетті құжаттама тізбесін бекітеді;
– Аса тапшы мамандықты меңгерген медицина қызметкерлері ауылдық жерге кемінде 5 жыл жұмыс істеуге келген жағдайда, оған ең төменгі жалақының 100 еселенген мөлшерінде бірреттік ақшалай төлем беріледі.
Бұдан бөлек, Заңда шегуге келмейтін темекі өнімдерін, вейптерді, хош иістендіргіштерді және оларға арналған сұйықтықтарды сатуға, таратуға, сондай-ақ оларды жарнамалауға тыйым салу қарастырылған Заң бұл норма ресми жарияланғаннан кейін 60 күн өткен соң қолданысқа енгізіледі.

Кәсіпқойлық пен сыйластық-өзара іс-қимылдың негізгі қағидаттары.

Бүгінде профессор Д. Р. Мусинов атындағы клиникалық онкология және ядролық медицина кафедрасының қызметкерлері. пациенттерді қолдау қызметінің мамандарымен бірлесіп біздің Орталықтың қызметкерлері арасында оқыту семинарын өткізді. Кездесудің басты тақырыбы – қызметкерлер ұжым ішінде жұмыс істегенде де, пациенттермен жұмыс істегенде де қатаң ұстануға тиіс этикалық нормалар мен ережелерді талқылау болды.
Кездесу барысында Қазақстанда қабылданған медицина қызметкерлерінің Ар-намыс кодексінде бекітілген негізгі нормалар мен талаптар айтылды, сондай-ақ жанжалды жағдайларды болдырмауға ғана емес, ұжымда салауатты атмосфераны сақтауға мүмкіндік беретін қарым-қатынас пен өзара іс-қимыл әдістері талқыланды.

Эндоскопиялық технологиялар-хирургиядағы жаңа мүмкіндіктер

Уақыт бір орында тұрмайды, заманауи медицина да дамып, науқастарды диагностикалау мен емдеудің тиімділігін бірнеше есе арттыратын озық инновацияларды енгізуге мүмкіндік береді. Осындай соңғы уақыттарда клиникада кеуде хирургиясының дамуына үлкен әсер етіп, кеңінен қолданылып келетін біздің орталықтың хирургиясындағы инновациялық әдістердің бірі -эндоскопиялық технология (VATS) болды. Эндоскопиялық технологияның (VATS) негізгі артықшылықтары – оталардан кейінгі науқастың өмір сүру сапасын жақсарту және әртүрлі асқынуларды азайту мүмкіндігін қамтиды.
Торакоскопиялық хирургия (VATS) науқастарды арнайы таңдауды қажет етеді, алайда оптикалық жүйелер мен хирургиялық жабдықты жетілдірудің арқасында хирургиялық араласулар аз инвазивті және қауіпсіз болады, стандартты торакотомиядан айқын артықшылығы бар. Бұл әдістер оталардан кейінгі ауырсынудың қарқындылығын төмендетіп қана қоймайды, сонымен қатар ауруханада емдеу уақытын қысқаруға мүмкіндік береді.
Тағы бір маңызды мәселе – 70 жастан асқан науқастарда өкпенің қатерлі ісігінің әр жағдайы үшін жеке тәсіл қажет. Осы жас тобындағы өлім-жітімнің жоғары деңгейі ағымдағы болжамдық шкалаларды ескере отырып, қауіп факторларын жан-жақты бағалауды және анестезиолог пен терапевттің қатысуымен отадан кейінгі кезеңде қатар жүретін аурулардың асқынуын болдырмауды талап етеді. Осындай жағдайлардада хирургиялық емдеу туралы шешімді көпсалалы топ науқаспен және оның жақын туыстарымен оталардан кейінгі асқынулардың ықтимал қауіптерін, балама емдеу әдістерінің мүмкіндіктері мен тиімділігін егжей-тегжейлі талқылағаннан кейін қабылдайды. Хирургиялық емдеудің онкологиялық көрсеткіштерін анықтау және хирургиялық жарақат көлемін азайту маңызды аспектілер болып табылады.
Атап айтқанда, осы жылдың сәуір айында өкпенің қатерлі ісігі бар 73 жастағы науқасқа оң жақты торакоскопиялық лобэктомия жасалды. Науқаста жүрек-қан тамырлары және тыныс алу жеткіліксіздігімен қатар жүретін аурулар болған. Науқасқа торакоскопиялық лобэктомияны біздің орталықтың онкохирургтары А.З. Қанапиянов, А. А. Кабыкенов және анестезиолог Б. Б. Никомбаев жүргізді. Отаның соңғы кезеңінде емдеуді жоғары санатты терапевт Е. В. Гурская жалғастырды. Нәтижесінде науқас он күннен кейін ауруханадан аман-есен шығарылды.
Осылайша, торакоскопиялық лобэктомия салыстырмалы түрде әлдеқайда қауіпсіз хирургиялық ем екендігі қайта дәлелденді.

Хабарландыру

Абай облысы Денсаулық сақтау басқармасының «Ядролық медицина

және онкология орталығы» ШЖҚ КМК байқау кеңесінің мүшелерін

іріктеу жөніндегі  конкурс

 

«Абай облысының Денсаулық сақтау басқармасы» ММ байқау кеңесінің мүшелігіне конкурстық іріктеуді ұйымдастыру және өткізу жөніндегі комиссия Абай облысы Денсаулық сақтау басқармасының «Ядролық медицина және онкология орталығы» ШЖҚ КМК байқау кеңесінің мүшелерін іріктеу жөніндегі конкурс жариялайды.

Кәсіпорынның орналасқан жері: Абай облысы, индексі 071407, Семей қаласы, Құтжанов көшесі 3, телефон +7/7222/774422.

Конкурстың өтетін күні мен орны: 2024 жылғы 06 мамыр, Абай облысы, Семей қаласы, Қайым Мұхамедханов көшесі, 38а (3 қабат), 307 кабинет, «Абай облысының Денсаулық сақтау басқармасы» ММ ғимараты. (more…)

Онкохирургиядағы заманауи әдістер

11 наурызда біздің орталықтың онкохирургтары оң жақ бүйрек үсті безі ісігі анықталған пациентке лапароскопиялық әдіспен адреналэктомия отасын жүзеге асырды. Мөлшері 5х6 см болған ісік гормоналды белсенді болмаса да, емдеу хаттамаларына сәйкес, пациентке оң жақ бүйрек үсті безін алып тастау ұсынылған болатын.
Аталған хирургиялық емдеу әдісі шағын технологияларды қолдана отырып жүргізілді, бұл зақымдалған ағзаны мейлінше аз жарақаттап, алып тастауға мүмкіндік берді, әрине бұл өз кезегінде пациенттің отадан кейін жедел қалпына келуін едәуір жылдамдатты. Отаны онкохирургтар А.А.Қабыкенов пен А.М.Абешов жасады. Гистологиялық зерттеу оң жақ бүйрек үсті безінің қатерлі ісігін көрсетті.
Айта кету керек, осындай көлемдегі хирургиялық ота, әдетте күрделі болып саналады, өйткені бүйрек үсті безі тұсынан көптеген маңызды қан-тамырлар өтеді. Сонымен қатар, бүйрек үсті безі капсуласының зақымдану қаупі болды, бұл өз кезегінде қатерлі ісік жасушаларының іш қуысына таралуына әкелуі мүмкін еді. Алайда, онкохирургтар жүргізген ота ойдағыдай сәтті өтті, пациент ауруханадан асқынуларсыз шығарылып, қазіргі уақытта амбулаториялы түрде оңалту кезеңін өтуде.

«Ашық есік күні» өтті

Бүгін Ядролық медицина және онкология Орталығында кезекті «Ашық есік күні» өтті, оның барысында колоректальды обырдың, сондай-ақ жатыр мойны обырының алдын алуға және ерте анықтауға бағытталған скринингтік тексерулер жүргізілді. Скринингтерді қорытындылай келе, осы күні өңірдің 40-қа жуық тұрғыны тексеруден өтіп, біздің онкологтардың консультацияларын алғанын атап өткен жөн. Қуанышқа орай, науқастар арасында қатерлі ісіктің расталған жағдайлары анықталған жоқ, бірақ аналық без қатерлі ісігіне бір күдік анықталды.
Сондай-ақ, көптеген қатерлі ісіктер көбінесе бастапқы кезеңдерде ешқандай белгілерсіз өтуі мүмкін, ал белгілердің пайда болуы көбінесе дерттің асқынғанының көрсеткіші. Сондықтан қатерлі ісік ауруын ерте анықтаудың негізгі механизмі әлі де скринингтік тексерулер болып табылады.

Білгенге абзал!

«Колоректальды қатерлі ісік» – сигма тәрізді (тоқ) ішек пен тік ішектің эпителийінде локализацияланған қатерлі ісіктерді біріктіретін ұғым. Көптеген онкологиялық аурулардың ішінде бұл патология ең аз талқыланатын дерт, демек мүмкін осыған байланысты дерттің айналасында көптеген мифтер пайда болып, пациенттердің арасында талай алаңдаушылыққа себеп болды. Алайда бүгінгі таңда қолданып келетін қатерлі ісік ауруын алдын алу тәсілдері КҚІ-ін ~ 95%-ын болдырмауға мүмкіндік береді дегенге сенім бар деп айтуға болады.
Әлемнің дамыған елдерінің статистикасы өкпенің қатерлі ісігінен басқа кез келген басқа локализациядағы қатерлі ісіктермен салыстырғанда алғаш рет анықталған тоқ ішек және тік ішек қатерлі ісіктерінің тұрақты өсуін көрсетеді. Абай облысына келетін болсақ, өткен жылы колоректальды обырмен сырқаттанушылықтың 163 жаңа жағдайы тіркелді, бұл өкпе және асқазан обырынан кейінгі өлім – жітім деңгейі бойынша 3 орында тұр.
Колоректальды қатерлі ісік көбінесе полиптен,қатерлі емес ісіктің үлкеюінен басталады. Егер полип емделмесе немесе жойылмаса, ол қатерлі ісікке айналуы мүмкін.
Полиптердің бірнеше формалары бар: Аденоматозды полиптер. Оларды колоноскопия арқылы анықтауға болады. Қатерлі ісікке дейінгі түрі болып саналады. Гиперпластикалық полиптер тоқ ішек пен тік ішекте де дамуы мүмкін. Олар ісік алды деп саналмайды. Полиптерді колоноскопия кезінде оңай анықтауға болады, өйткені олар әдетте тоқ ішектің беткі жағынан көтеріледі. Тоқ ішек полиптерінің шамамен 10% – ы жалпақ, егер оларды оқшаулау үшін бояғыш қолданылмаса, колоноскопия арқылы анықтау қиын болады. Бұл жалпақ полиптердің қатерлі ісік ауруына дамудың қаупі жоғары болады.
Аурудың бас кезеңдерде денсаулыққа байланысты проблемалар туғызбайды -әдетте олар кейінірек, ісік үлкен мөлшерге дейін өскеннен немесе басқа тіндерге зақым келтіргеннен кейін пайда болады. Сондықтан қатерлі ісіктің басқа

✅Дерттің алдын алу – мықты денсаулықтың кепілі

Осы күндері біздің Орталықтың онкогинекологтары Лаззат Аликенова және Алексей Ямушев Д.Қалматаев атындағы мемлекеттік жоғары медициналық колледжі мен «Авиценна» жоғары медициналық колледжінің оқушыларына дәріс оқыды. Кездесудің басты тақырыбы Қазақстан Республикасында адам папилломавирусына қарсы 11 жастағы қыздарды вакцинациялаудың 2023-2025 жылдарға арналған жоспарын талқылау болды. Спикерлер вакцинацияның негізгі мақсаттарын, вакцина жұмысының алгоритмдерін түсіндірді, сондай-ақ осы саладағы отандық және шетелдік ғалымдардың зерттеу нәтижелерімен бөлісті. Спикерлер тыңдаушылардың өзекті сұрақтарына да жауап берді. Адам папилломавирусы жатыр мойны обырының дамуының негізгі этиологиялық факторы болып табылады. 97% – да бұл қатерлі ісік осы вируспен байланысты. Бүгінгі таңда жатыр мойны обыры Қазақстандағы әйелдерде жиі кездесетін қатерлі ісіктердің бірі болып табылады. Сонымен қатар, қатерлі ісіктің бұл түрі вакцинацияның арқасында пайда болу қаупін едәуір төмендетуге болатын жалғыз онкологиялық ауру болып табылады.

✅«Alma mater» – көптеген жылдар бойы тиімді және жемісті ынтымақтастық!

Құрметті оқырмандар! Жалпы денсаулық сақтау жүйесінде онкология және қатерлі ісіктермен күрес – медицинаның күрделі және маңызды бағыттарының бірі екені сөзсіз. Онкологиялық қызметтің тиімділігі бірқатар факторларға тікелей байланысты, техникалық жағынан жарақтандырылу маңызды бола тұрғанмен, одан да маңызды аспектілер аз емес – бұл ең алдымен қатерлі ісікпен күресте заманауи құрылғылар мен әдістерді қолдана алатын біліктілігі жоғары мамандар, сонымен қатар халықаралық озық тәжірибелерді енгізуге және диагностика мен емдеудің қолда бар тәсілдерін жетілдіруге ықпал ететін ғылымның саласы. Көптеген жылдар бойы өңірдегі осы аса маңызды міндеттерді ойдағыдай шешуге онкологиялық қызметті тиімді дамыту және құруда еліміздің жетекші медициналық университеттерінің біріндегі әріптестеріміз, сенімді серіктестеріміз және пікірлестеріміз біздің мамандармен иық тіресе еңбек етіп келеді. Атап айтқанда, ол Семей медицина университетінің профессор Даниял Рахымқанұлы Мусинов атындағы клиникалық онкология және ядролық медицина кафедрасының қызметкерлері. Әрине, көптеген жылдар бойы осы күнге дейін үзілмей келе жатқан жемісті ынтымақтастықты бір мақалаға сыйдыру мүмкін емес. Олай болса, біз «Alma mater» атты жаңа айдар ашып, оны мамандар даярлайтын шеберханаға, достарымызға және пікірлестерімізге арнағымыз келеді. Бірқатар мақалаларымызда оқырмандарды біздің Орталық базасындағы профессор Д.Р.Мусинов атындағы клиникалық онкология және ядролық медицина кафедрасының құрылу, қалыптасу және дамуындағы маңызды кезеңдермен таныстыратын боламыз. «Alma mater» айдарынының алғашқы шығарылымын біз, әрине, кафедраның құрылуы мен дамуының берік іргетасын қалаған, білікті кадрларды даярлау ісіне және онкологиялық қызметте ғылымды дамытуға өлшеусіз үлес қосқан негізін қалаушыларға арнағымыз келеді. Сонымен, клиникалық онкология және ядролық медицина кафедрасының тарихы 1975 жылдан бастау алады, дәл осы жылы Семей облыстық онкологиялық диспансерінің базасында (сол жылдары біздің орталық осылай аталған еді) Семей медицина институтының онкология курсы ұйымдастырылған болатын. Конкурс бойынша курстың алғашқы меңгерушісі болып медицина ғылымдарының кандидаты, доцент Виталий Прокопьевич Русанов сайланды. Ассистенттер м.ғ. к. В. Г. Черенков және м. ғ. к. А.Д.Шейнин, 1976 жылдан бастап, м. ғ. к., А.Ж.Мұқанов тағайындалды. Толық онкология кафедрасы 1983 жылы құрылды. Сол жылдары кафедраның алғашқы меңгеруші болып м. ғ. д., профессор А. Т. Бутенко тағайындалды, ал 1985-1993 жылдары кафедраны м. ғ. д., профессор В.Г.Черенков басқарған еді, оның жетекшілігімен кафедра қызметкерлері онкологияның өзекті мәселелері бойынша 3 кандидаттық диссертация қорғады (А. П. Макиенко, З. А. Танатова, М. С. Малгаждаров), өнертабыстарға патенттер алынып, рационализаторлық ұсыныстар жасалды. 1994 -1999 жылдары кафедраны жоғары біліктілік санатындағы онколог, м.ғ.к., доцент А.Ж.Мұқанов басқарды. Р.Ц.Жақыпова, З.А.Танатова, М.С.Малғаждаров кафедраның ассистенттері болып қызмет атқарды. 1999-2006 жылдар аралығында кафедраны м.ғ д., профессор жоғары біліктілік санатындағы хирург Д.Р.Мусинов басқарды. Осы жылдары адамның әртүрлі органдары мен мен жүйелеріне зерттеулердің ауқымды көлемі жүргізілді, соның ішінде әртүрлі локализациялардағы ісіктердің пункциялық жіңішке инелі аспирациялық биопсиясы. Кейіннен ғылым мен білім беру саласын дамытуға қосқан ерекше үлесі үшін кафедраға Даниял Рахымқанұлының аты берілген болатын, бірақ бұл туралы «Alma mater» айдарының келесі шығарылымында толығырақ айтатын боламыз.

Үйлестіру кеңесінің отырысы: қорытындылар мен перспективалар

Бүгін Қазақстан Республикасының онкологиялық қызметінің Үйлестіру кеңесінің кезекті отырысы басталды, оның барысында бірқатар өзекті мәселелердің ішінде еліміздің онкологиялық қызметінің өткен жылғы жұмысының қорытындылары да талқыланатын болады.

Үйлестіру кеңесінің отырыстары 19 және 20 ақпан күндері өтетін болады. Оның жұмысына ҚР Денсаулық сақтау министрлігінің штаттан тыс бас онкологы, Қазақ онкология және радиология ғылыми-зерттеу институтының басқарма төрағасы, ҚР ҰҒА академигі Диляра Қайдарова, ҚР Денсаулық сақтау министрлігінің өкілдері, сондай-ақ еліміздің барлық өңірлеріндегі онкологиялық ұйымдардың басшылары қатысады. Екі күн ішінде өңірлердің бас онкологтарының 2023 жылғы есептері тыңдалмақ, өткен жылғы жұмыс қорытындыларын Абай облысының Ядролық медицина және онкология орталығы да ұсынатын болады. Әр өңірдің проблемалық мәселелерін, сондай-ақ оларды шешу жолдарын да талқылау жоспарлануда.

Айта кетерлігі, Үйлестіру кеңесінің ағымдағы отырысы үшін алаң ретінде Шығыс Қазақстан облысының көпсалалы онкология және хирургия Орталығы таңдалды. Бұл күндері ШҚО онкологтары еліміздің барлық өңірлерінен әріптестерін қабылдап қана қоймай, сонымен қатар іс-шара аясында көпсалалы Орталықтың мамандары қатысушыларды онкологиялық орталықта қолданылатын онкологиялық ауруларды диагностикалау мен емдеудің заманауи әдістерімен таныстырып, жинақталған тәжірибелерімен бөліседі.

Дәрілік препараттың жағымсыз әсері туралы ақпаратты енді DariKZ қосымшасы арқылы жолдауға болады

Қазақстандықтарға DariKZ мобильді қосымшасының жаңартылған нұсқасы қолжетімді болды. Енді жаңаша жолға қойылған қызмет пайдаланушыларға дәрілік заттардың жағымсыз реакциялары жөнінде дербес мәлімдеу мүмкіндігін береді. Осындай ақпарат қазақстандықтарға қолжетімді дәрілердің қауіпсіздігі мен сапасын қадағалауға көмектеседі. Карта-хабарламаны жіберу үшін «Жанама әсері» бөлімін ашу, хабарламаны жөнелтуші, пациент пен препарат туралы мәліметтерді толтыру, сондай-ақ кері байланыс және қажет болған жағдайда ақпаратты нақтылау үшін байланыс деректерін көрсету, одан кейін «Жіберу» тетігін басу қажет. Мобильді қосымшадағы жаңа қызмет дәрілік препараттардың қауіпсіздігін бақылау жүйесі үшін және фармакологиялық нарық айналымына қатысушылармен, оның ішінде ақпараттың бастапқы дереккөзі ретінде тұрғылықты халықпен өзара байланысуға арналған тиімді құрал қызметін атқарады.

✅Семей қаласының қоғамдық кеңесінің өкілдерімен кездесу

Бүгін Ядролық медицина және онкология орталығы ұжымының Семей қаласының қоғамдық кеңесінің өкілдерімен кездесуі өтті. Делегация құрамында біздің орталыққа Айан Кеңесбаев, Айнагүл Нұртазина, сондай-ақ Фарида Рахматуллина келді.
Кездесу барысында бірқатар өзекті мәселелер талқыланды. Бұл өңірдегі қатерлі ісіктермен сырқаттанушылықтың көрсеткіштері, өткен жылғы онкологиялық қызметтің жұмысының қорытындылары, Ядролық медицина және онкология орталығының стратегиялық даму перспективалары. Әлеуметтік маңызды мәселелер, оның ішінде халықты қолжетімді және сапалы медициналық көмекпен қамтамасыз ету, денсаулық сақтау ұйымдарындағы кадрлардың тапшылығы, жас мамандарды қолдау және ынталандыру, жалақы мәселелері, тұрғын үймен қамтамасыз ету және т.б. мәселелер де талқыланды. Өңірдің онкологиялық қызметінің өзекті мәселелері туралы айта келе, Семей қаласының қоғамдық кеңесінің өкілдері жемісті ынтымақтастық орнатуға және денсаулық сақтауды одан әрі дамытуға кедергі келтіретін кез келген мәселелерді шешуге жәрдемдесуге дайын екендіктерін білдірді.

✅Халықаралық онкологиялық аурулармен күрес күні қарсаңында!

Құрметті достар! Бүгін біздің орталықта кезекті «Ашық есік күні» өтті, оның барысында ең ауқымды скринингтік тексерулер жүргізілді. Бұл күні қатерлі ісіктердің барлық локализациясы бойынша бейінді мамандар қабылдауларын жүргізді. Осының арқасында біздің өңірдің 65-тен астам тұрғыны іс – шараға қатысып, денсаулықтарын тексеруге мүмкіндік алды-әртүрлі тексерулерден, мысалы, кеуде қуысының рентгенографиясынан, маммографиядан және ультрадыбыстық зерттеуден өтіп, онколог дәрігерлердің пайдалы ұсыныстарын алды.
Қуанышқа орай, «Ашық есік күніне» қатысушылардың ешқайсысына қатерлі ісіктер немесе қатерлі ісікке дейінгі жағдайлар деген диагнозы қойылған жоқ. Дегенмен мамандар көптеген басқа ауруларды, соның ішінде созылмалы ауруларды да анықталды. Бұл біздің орталықта жүргізілген соңғы скринингтік тексерулерден алыс. Сондықтан келесі жолы мүмкіндікті жіберіп алмай денсаулықтарыңызды тексеруге асығыңыздар өйткені дерттің алдын – алу және ерте диагностикалау – мықты денсаулықтың кепілі.

2023 жылғы Орталықты дамыту және стратегиялық жоспарлау: қорытындылары мен болашағы

Семейдегі Ядролық медицина және онкология орталығында есепті кезең басталды. Бүгін өткен 2023 жылғы Ядролық медицина және онкология орталығының даму және стратегиялық жоспарлау жөніндегі жұмысының қорытындысы шығарылды. Осы бағыт бойынша орталықтың даму және стратегиялық жоспарлау жөніндегі директорының орынбасары, PhD, жоғары біліктілік санатындағы онколог дәрігер, Абай облысының штаттан тыс бас онкологы Қуантқан Жабағин атқарылған жұмыстар, жоспарлар мен перспективалар туралы баяндама жасады.
Есептік баяндамада өңірдегі қатерлі ісіктермен сырқаттанушылықтың көрсеткіштері айтылды, мысалы, өткен жылы ғана онкологиямен сырқаттанушылықтың 1650 астам жаңа жағдайы анықталды. Ерлер арасында өкпе, тері, асқазан және колоректальды қатерлі ісік жиі кездеседі. Ал әйелдер арасында көбінесе сүт безі, тері, колоректальды және жатыр мойны обыры диагнозы қойылды. Біздің облыста күн сайын орта есеппен 4 жаңа қатерлі ісік ауруы анықталады, қатерлі дерт күн сайын орта есеппен екі адамның өмірін қиып келеді. Өткен жылы алдыңғы жылдармен салыстырғанда онкологиялық аурулардың өсуі байқалады, алайда бұл ең алдымен диагностикалық процедуралардың сапасының жақсарып, ауруды ерте емнің тиімді кезеңінде анықтауымен де байланысты, – деп түсіндірді Қуантқан Жабагин. Өткен жылдың тағы бір оң көрсеткіші – онкологиялық аурулармен ауыратын науқастардың бес жылдық өмір сүруінің өсуі болды.
Сондай-ақ, есептік баяндама барысында Ядролық медицина және онкология орталығының 2023-2027 жылдарға арналған онкологиялық аурулармен күрес жөніндегі Кешенді жоспарды орындауының негізгі индикаторлары қаралды. Емдеу және диагностикалық жұмыс, төсек-орын қорының жүктемесі, дәрі-дәрмектермен қамтамасыз ету бойынша Орталық бөлімшелерінің қызметі егжей-тегжейлі талданды. Статистикаға сәйкес, Орталықтың емдеу жұмысында өсу динамикасы байқалды, пациенттер санының артуы әсіресе мамандандырылған медициналық бақылау бөлімшесінде байқалады, бұл өз кезегінде басқа құрылымдық бөлімшелерден де көрінеді – өткен жылы жүргізілген хирургиялық оталардың, химио және сәулелі терапия курстарының, паллиативті терапияның, зертханалық және диагностикалық зерттеулердің саны өсті.
Орталықтың материалдық-техникалық базасын нығайтуға байланысты мәселелерді жеке атап өткен жөн. Қуантқан Жабағин атап өткендей, Қазақстанның онкологиялық қызметінде түбегейлі реформаларды көздейтін онкологиялық аурулармен күрес жөніндегі Кешенді жоспардың арқасында алдағы бес жылда Орталықты жабдықтауды айтарлықтай жаңарту және нығайту жоспарлануда. Қазіргі заманғы емдеу-диагностикалық жабдықтардың, оның ішінде сәулелік аппараттардың 180 – ден астам атауы сатып алынбақ, сәулелі терапия, эндоскопия, операциялық блок, химиотерапия, зертхана заманауи жабдықтармен толық жаңартылады деп күтілуде. Орталықтың материалдық-техникалық базасын жаңарту бойынша өткен жылы басталған жұмыс та жалғасын табатын болады.
Өткен жылды қорытындылай отырып, Орталықтың басты жаңашылдығы мен жетістіктерін атап өтпеуге болмайды. Мәселен, Орталық базасында біздің облыс бойынша алғаш рет балаларға МРТ зерттеулері енгізілді, диагностиканың жаңа технологиясы – “күзетші” лимфа түйіндерінің сцинтиграфиясы да енгізілді. Облыста алғаш рет жұмсақ тіндердің, сүйектердің, лимфа жүйесінің қатерлі ісіктері бар пациенттерге ұзақ мерзімді химиотерапия үшін жоғары дозалы химиотерапия тәсілі енгізілді. Облыста алғаш рет асқазан мен өкпенің қатерлі ісіктері кезінде шағын инвазивті операциялардың 2 түрі енгізілді, бұл стационарлық емделудің мерзімін қысқартып, пациенттерді оңалту процестерінің жеделдеуіне ықпал етті. Үйіне барып, жағдайы ауыр онкологиялық пациенттерді тексеру және емдеу үшін жаңа мобильді топ құрылды.
Ядролық медицина саласында-натрий-фтор негізіндегі жаңа радиофармпрепаратты енгізуге мүмкіндік туды, бұл орталықтың жоғары технологиялық диагностикалық зерттеулер жүргізу мүмкіндіктерін кеңейтуге жол ашты. Алдағы жылдары орталықта қолданылатын радиофармпрепараттардың тізбесін кеңейту бойынша жұмыстар әрі қарай жалғастырылатын болады.
Орталықтың мамандары біліктілікті арттыру үшін Қазақстанның ғана емес, сонымен қатар шетелдің, соның ішінде Австралия, Швейцария, Испания, Германия, Франция, Португалия, Ресей және Әзірбайжанның алдыңғы қатарлы жетекші ғылыми және білім беру орталықтарында оқытудан өтті. Орталық алғаш рет өз қаражаты есебінен Қазақстанның озық ғылыми, ұлттық орталықтарында мамандарды оқыта бастады.
Емдеу-диагностикалық жұмыстан басқа, Орталық мамандарының, оның ішінде ядролық медицина саласындағы ғылыми зерттеулерді ұлғайту жоспарлануда. Биылғы жылы шетелдік ғылыми және клиникалық орталықтармен серіктестік байланыстарды кеңейту жалғасады. Айта кету керек, шетелдік серіктестердің арқасында біздің Орталықта көптеген әлеуметтік жобалар, соның ішінде пациенттерді психологиялық қолдауға бағытталған жобалар сәтті жүзеге асырылуда.
Осымен есеп беру кездесулері аяқталмайды. Жақын арада Орталық бөлімшелері меңгерушілерінің баяндамаларын тыңдау жоспарлануда, онда Орталықтың маңызды бағыттары мен бөлімшелерінің жылдық жұмысы егжей-тегжейлі талданатын болады.

1-10 ақпан: онкологиялық аурулардың алдын алу жөніндегі онкүндігі

Құрметті достар, оқырмандар! Ақпан айының алғашқы күндерінен бастап біздің Орталықта Халықаралық онкологиялық аурулармен күрес күніне арналған онкүндік өтуде. Осы күндердің ішінде біз өңіріміздің онкологиялық қызметінің жұмысымен байланысты көптеген өзекті тақырыптарды, соның ішінде қатерлі ісіктердің алдын алуға және ерте анықтауға бағытталған тақырыптарды көтеріп, талқылайтын боламыз. Сонымен қатар алдағы «Ашық есік күні» сияқты түрлі іс-шаралар өтетін болады! Сондықтан, баршаңыздан әлеуметтік желілердегі парақшаларымызға жазылып, пайдалы сілтемелермен бөлісуді сұраймыз.
Өкінішке орай, көптеген онкологиялық аурулар бастапқы кезеңдерде асимптоматикалық болып табылады, яғни аурудың ешқандай белгілері болмауы әбден мүмкін, ал белгілердің пайда болуы – көбінесе дерттің асқынғандығын білдіреді. Сондықтан, қатерлі ісіктермен және олардың асқынған түрлерімен күресудің негізгі құралы-онкологиялық сақтық және қоғамды дұрыс хабардар ету екендігін атап откен жөн. Осы онкүндік барысында біз қатерлі ісіктің алдын-алу, алғашқы белгілері мен ерте диагностикалау мүмкіндіктері туралы неғұрлым көбірек айтуға тырысамыз. Осылайша отандастарымыздың денсаулығын, тіпті өмірін сақтап қалуға одан да көп үлес қосамыз дегенге сенімдіміз!

✅Тиімді серіктестік-химиотерапияның жаңа мүмкіндіктері

Жақында «Қазақстан халқына» қоғамдық Қорының қолдауының арқасында Ядролық медицина және онкология орталығы химиотерапияны қолдана отырып, қатерлі ісіктердің әртүрлі локализациясын, оның ішінде сүт безі, ішек, қуық асты безі және аналық без обыры сияқты қатерлі ісіктерді емдеуде өз мүмкіндіктерін кеңейтті. «Қазақ онкология және радиология ғылыми-зерттеу институты» АҚ-да мультидисциплинарлық тобы талқылап, келіскеннен кейін біздің орталықтың бірқатар пациенттеріне денсаулық көрсетімдері бойынша ҚР-да бұрын тіркелмеген, бірақ барлық әлемдік емдеу хаттамаларының ұсынымдарында бар таргетты препараттарды тағайындау ұсынылған болатын.
Осылайша, қайырымдылық қорының қолдауы аясында 8 пациент Линпарза (Олапариб) препаратымен, 5 пациент – Эрлеада (Апалутамид) препаратымен, 1 пациент Рифлуридин/Типирацил (Лансурф) препаратымен қамтамасыз етілді. Жақын арада 2 пациентті Кискали(Рибоциклиб) препаратымен қамтамасыз ету жоспарлануда. Қазіргі уақытта «Қазақстан халқына» қорымен келісімшарт 9 препарат бойынша ресімделді. Жуық арада мұндай режимде қалған пациенттерді көрсетімдері бойынша дәрілік препараттардың басқа түрлерімен қамтамасыз ету жоспарлануда.
Айта кету керек, химиотерапия онкологиялық ауруларды емдеудің негізгі әдістерінің бірі болып табылады. Ол обыр жасушаларын жоюға және олардың өсуін тежеуге мүмкіндік береді, метастаздардың даму қаупін азайтады, сонымен қатар аурудың қайталану мүмкіндігін қысқартады. Химиотерапияның мүмкіндіктерін кеңейту, әрине, бүкіл онкологиялық қызметті нақты қолдау десе де артық емес. Сондықтан, біз «Қазақстан халқына» қоғамдық қорына жемісті ынтымақтастығы мен қолдауы үшін шын жүректен алғысымызды білдіреміз!

✅Ғылым, білім және тәжірибе интеграциясы – сапалы денсаулық сақтау

Бүгін Ядролық медицина және онкология орталығында өңірдегі жетекші жоғары оқу орындарының басшылары мен өкілдерінің қатысуымен «Ғылым, білім және тәжірибе интеграциясы – сапалы денсаулық сақтау» атты семинар-кеңес өтті. Кездесудің негізгі мақсаты денсаулық сақтауды одан әрі дамыту, озық инновацияларды енгізу және проблемалық мәселелерді шешу үшін практикалық медицина мен білім беру саласының мүмкіндіктерін біріктіру болды.
Болашаққа көз жүгіртсек, диалог алаңы бірқатар маңызды мәселелер мен міндеттерді талқылауға мүмкіндік берген ынтымақтастықты тереңдетудің маңызды кезеңіне айналғанын атап өткен жөн. Пікірлер мен тәжірибе алмасудың мұндай механизмі баға жетпес құндылық, өйткені әрбір бағыт өз алдына жеке, мейлі ол жоғары білім болсын, ғылыми саласы болсын, практикалық денсаулық сақтау болсын, жаһандық сын-қатерлер мен заманауи талаптарға тиімді жауап беруге қабілетсіз. Білім, ғылым және тәжірибенің үштұтастығы мен бірігуінің маңыздылығын біздің Орталықтың директоры Татьяна Белихина да өзінің алғы сөзінде атап өтті.
«Ғылым білім беруді жаңа біліммен байытады, оқытудың жаңа, прогрессивті әдістерін әзірлейді, ал білім ғылымды жас кадрлармен сусындатудың қайнар көзі қызметін атқарады. Ғылыми және білім беру қызметін дамытудағы көптеген мәселелердің шешімі олардың өзара тиімді әрекеттестігіне байланысты. Қазақстан Республикасындағы ғылым мен денсаулық сақтау білімінің интеграциясының қазіргі кезеңінің негізгі міндеттері, біздің ойымызша, ғылым мен жоғары технологиялар үшін кадрлар даярлау, жетекші ЖОО-да ғылыми зерттеулерді ынталандыру, академиялық және университет ғылымының күш-жігерін осы салада шоғырландыру, Абай облысының алдыңғы қатарлы клиникаларындағы қымбат тұратын жабдықтарды бірлесе пайдалану. Білім беруді дамытудың іс жүзіндегі әдістерінің бірі ғылым мен тәжірибені интеграциялау болып табылады. Мұндай интеграция синергетикалық әсер береді және осы үштіктің барлық компоненттерінің дамуын күшейтеді», – деп қосты Татьяна Белихина.
Тиімді ынтымақтастықтың бір мысалы – біздің Орталық пен еліміздің жетекші медициналық университеті – Семей қаласының медициналық университеті арасындағы өзара әрекеттестік. Университет медицина мамандарының ұстаханасы ғана емес, сонымен қатар көптеген ғылыми жобаларда, медицина саласындағы озық жетістіктерді практикалық денсаулық сақтау саласына енгізуде сенімді серіктес болып табылады.
«Әсіресе, Ядролық медицина және онкология орталығын білім, ғылым және тәжірибенің үштұғырлығы жүзеге асырылатын біздің тамаша серіктесіміз деп айта аламын. Орталық – біздің ең ірі клиникалық базамыз, бізде көптеген бірлескен ғылыми жобалар бар. Ынтымақтастықты қалай тереңдетуге болатыны туралы әлі де көптеген жоспарлар бар. Сондықтан баршамызға жемісті жұмыс тілеймін», – деді, «Семей медицина университеті» КеАҚ басқарма басшысы, ректор, медицина ғылымдарының докторы, профессор Алтай Дюсупов өзінің құттықтау сөзінде.
Сөз кезегінде, тиімді ынтымақтастық – бірлесе жұмыс жасауға арналған бірқатар басым бағыттар туралы «Alikhan Bokeikhan University» ректоры Александр Койчубаев та айтып өтті. Бүгінгі таңда университет жасанды интеллект пен «Blockchain» технологияларын енгізу бойынша өңірде көшбасшы болып табылады.
«Бүгінгі таңда IT саласы белсенді дамып келеді және көптеген салаларда тиімді пайдаланылуда, мен оның денсаулық сақтауда да теңдессіз болатынына сенімдімін. IT және Blockchain технологиялары менеджмент пен логистикада, әсіресе фармация саласында, жоғары технологиялық құрылғылар мен технологияларды пайдалануда таптырмас құрал болады. Біз IT және Blockchain технологиясын қолдануда үлкен тәжірибе жинақтадық, біз оны серіктестермен бөлісуге қуаныштымыз», – деп атап өтті Александр Койчубаев.
Басқарма мүшесі – «Семей қаласының Шәкәрім атындағы университеті» КеАҚ ғылым және инновациялар жөніндегі проректоры, PhD Жанар Қалибекқызы да өз сөзінде университеттің денсаулық сақтау саласымен, оның ішінде біздің Орталықпен ынтымақтастық тәжірибесін атап өтті. Олардың қатарында медициналық физика сияқты бірлескен білім беру бағдарламалары бар.
«Біз Ядролық медицина және онкология орталығымен көп жылдар бойы ынтымақтастықтамыз, және тиімді ынтымақтастықты жалғастырғымыз келеді, оның ішінде университетіміздің базасында білім берудің барлық деңгейлеріндегі кадрларды мақсатты дайындау саласында, практик -оқытушыларды білім беру үрдісіне анағұрлым белсенді тартып, бірлескен ғылыми жобаларымыздың санын арттырғымыз келеді», – деді Жанар Қалибекқызы.
«Ғылым, білім және тәжірибе интеграциясы – сапалы денсаулық сақтау» семинар-кеңесінің жалғасы ретінде директордың даму және стратегиялық жоспарлау жөніндегі орынбасары, PhD докторы Қуантқан Жабағин ЯМОО базасында ұлттық ғылыми-тәжірибелік орталықты дамыту перспективалары туралы» баяндама жасады. PhD докторы, ассоцияланған профессор, «СМУ» КеАҚ клиникалық онкология және ядролық медицина кафедрасының меңгерушісі Лаура Пак біздің Орталық базасында ядролық медицина мамандарын даярлау саласындағы университет ынтымақтастығы нәтижелерімен бөлісті. Радионуклидті терапия бөлімінің меңгерушісі, медицина ғылымдарының кандидаты Баян Атантаева қалқанша без қатерлі ісігі мен тиреотоксикозды радиофармпрепараттарды қолдану арқылы емдейтін Қазақстандағы алғашқы және әзірге жалғыз бөлімнің жұмыс тәжірибесімен және клиникалық нәтижелерімен бөлісті. Семинар-кеңестің қорытындысы пікірталас блогы болды, оның барысында қатысушылар өзара тәжірибе алмасып, пікірлерімен бөлісті.

📌Медициналық желілік үдеткіштерді қолдану арқылы жоғары технологиялық сәулелік терапия

Біздің Орталықтың радиациялық онкология дәрігерлерінен, медициналық физиктерден және сәулелік терапияның техниктерінен құрылған бір топ мамандарымыз осы күндері академик Павлов атындағы Бірінші Санкт-Петербург қаласындағы мемлекеттік медицина университетінде оқуын аяқтады. Біздің мамандар бір ай бойы медициналық желілік үдеткіштерде жоғары технологиялық сәулелік терапия саласында ресейлік әріптестерімен тәжірибе алмасты.
Сәулелік терапия онкологиялық ауруларды емдеудің негізгі әдістерінің бірі екенін атап өткен жөн, онда мамандар пациенттің денесіндегі рак клеткаларын иондаушы сәулеленуге ұшырату арқылы жояды. Бұл қатерлі ісік ауруын емдеудің ең көп қолданылатын әдістерінің бірі. Барлық онкологиялық науқастардың жартысына жуығы аурудың бір немесе басқа кезеңінде сәулелік терапияны қажет етеді. Заманауи желілік үдеткіштерді қолдану онкологтарға көптеген артықшылықтар береді, олардың бірі – дәлдік-құрылғы сау тіндерге зақым келтірмей ісіктің өзіне ғана әсер етеді.
Айта кету керек, онкология-бүгінгі таңда медицинадағы қарқынды дамып келе жатқан бағыттардың бірі. Тәжірибе алмасу соңғы жетістіктерден хабардар болуға, озық инновациялар мен заманауи трендтерді енгізуге мүмкіндік береді.
Тағы бір айта кететіні, біздің мамандардың шетелдік білім беру бағдарламаларына қатысуы – облыс әкімдігінің, сондай-ақ Абай облысының Денсаулық сақтау басқармасының қолдауының арқасында мүмкін болып отыр.

✅Мейірімді және үлкен жүрегі бар адамдардың мерекесі!

Халықаралық еріктілер күні қарсаңында Абай атындағы облыстық кітапханада еріктілер слеті өтті-бұл күні «Отбасы орталығы» қоғамдық қоры белсенді азаматтық ұстанымы бар, ашық және мейірімді жандарды құрметтеді.
«Бүгін біз еріктілерімізді – мейірімді жарқын азаматтарымызд құрметтейміз. Біздің бүгінгі кейіпкерлеріміздің әрқайсысы әлеуметтік маңызы бар жобаларды іске асыруда баға жетпес қолдау көрсетті. Бұл адамдар бос уақыттарын айналасындағыларға аянбай көмектесіп қана қоймай, өз жанының бір бөлігімен, жүректерінің жылулықтарымен бөлісті. Әрине біз әрқайсысына өте ризамыз және шексіз алғысымызды білдіреміз», – деп атап өтті «Отбасы орталығы» қоғамдық қорының президенті Жанна Жибраева.
Жыл сайын «Отбасы Орталығы» Қоғамдық Қоры өңірде маңызды әлеуметтік институттарды, азаматтық қоғамды, оның ішінде ана мен баланы қорғау сияқты маңызды бағыттарды дамытуға көзделген ондаған маңызды жобаларды іске асырады. Биылғы жыл да ерекшелік болған жоқ.
«Биыл біз өңірлерге ерекше назар аудардық, аудандарға, ауылдық округтерге сапарлармен бардық. Серіктестеріміздің, еріктілеріміздің арқасында біз онда көшпелі скринингтік тексерулер, тұрғын үй сатып алу бойынша кеңестер, заңгерлік кеңестер және т.б. маңызды іс-шаралар өткіздік. Бұл жұмыстың барлығы еріктілердің көмегінсіз мүмкін болмас еді, сондықтан мен азаматтық қоғам құрудағы еріктілердің рөлін тағы бір мәрте атап өтіп, осы бағыттың дамуының маңыздылығын атап өткім келеді», – дейді «Отбасы орталығы» қоғамдық қорының президенті Жанна Жибраева.
«Отбасы Орталығы» Қоғамдық Қорының алғыс хаттары мен естелік сыйлықтарының иегерлері қатарында біздің Орталықтың радиолог дәрігері Светлана Удерина да болды. Ол бір топ дәрігерлердің құрамында осы жылдың жазында бірқатар өңірлерде, соның ішінде Көкпекті, Жарма, Абай аудандарында скринингтік тексерулер жүргізді. Орталық ұжымы атынан Светлана Рахимгазиевнаны лайықты марапатымен құттықтай отырып, одан да үлкен табыстар тілегіміз келеді.
«Отбасы орталығы» қоғамдық қорының президенті Жанна Жибраева атап өткендей, еріктілердің қоғам өміріне белсенді қатысуы одан да ауқымды және маңызды жобаларды іске асыруға ынталандыру болып табылады. Мысалы, келесі жылы «Отбасы орталығы» қоғамдық қоры өңірдегі «жасыл» технологиялардың дамуына назар аударуды жоспарлап отыр.

✅Ядролық медицина: Мәселелер мен перспективалар

Осы күндері Қазақстан Республикасының Сенатында Ядролық медицина және онкология орталығының директоры Татьяна Белихина мен Абай облысынан Қазақстан Республикасы Парламенті Сенатының депутаты Айнұр Арғынбековамен кездесулер өтуде. Күн тәртібінде – ядролық медицина саласындағы бірқатар өзекті мәселелерді, оның ішінде ведомствоаралық өзара іс-қимылға қатысты мәселелерді талқылау.
Соңғы жылдары ядролық медицина өзін онкологиялық аурулармен күресудің ең тиімді әдістерінің бірі ретінде көрсетті. Мысалы, компьютерлік томографиямен біріктірілген позитронды-эмиссиялық томография арнайы радиофармацевтикалық препараттарды қолданудың арқасында қатерлі ісік ауруын алғашқы сатысында егжей-тегжейлі және нақты диагностикалауға мүмкіндік береді, олардың нәтижелері дәстүрлі сәулелік диагностика әдістерімен салыстырғанда бірнеше есе асып түседі. Радиофармацевтикалық препараттарды қолданудың арқасында бір фотонды эмиссиялық компьютерлік томография аппараттарында жүргізілген зерттеулер де осындай жоғары нәтижелерді көрсетіп келеді. 2021 жылы Абай облысында ядролық медицина Орталығын құрудың арқасында диагностиканың барлық инновациялық әдістері, олардың мүмкіндіктері мен артықшылықтары біздің өңір үшін де қолжетімді болды.
2021 жылы Қазақстанда алғашқы, әзірге елдегі жалғыз Радионуклидтік терапия бөлімшесі де құрылды, онда ядролық медицина мүмкіндіктері онкологиялық ауруларды емдеуде де тиімді қолданылып келеді. Бұрын осы өте қажетті емді шетелде алуға мәжбүр болған мыңдаған отандастарымыз қазір өз елімізде емделуде, ал барлық кететін шығындарды мемлекет толығымен өзіне алды.
Әрине, ядролық медицина орталығын құру – біздің өңір үшін ғана емес, бүкіл ел үшін маңызды кезең болды, бұл медицинаның осындай прогрессивті бағытын қолдану үшін бірегей база құруға, отандық денсаулық сақтау жүйесінің, әсіресе онкологиялық қызметтің әлеуетін одан әрі дамыту үшін негіздерді қалауға және кеңейтуге мүмкіндік берді. Алайда, бұл Орталықты құру жолы ұзақ және ауыр болды. Мұндай ауқымды жобаны іске асырудың барлық кезеңдерінде көптеген қиындықтарды жеңуге тура келді. Мысалы, онкологиялық ауруларды диагностикалауда қолданылатын фтородезоксиглюкоза радиофармпрепаратының өндірісін жолға қою үшін 8 жылға жуық уақыт қажет болды. Препаратты тіркеу процедурасы осынша ұзаққа созылды. Осы мәселелердің көпшілігі бүгін де ашық күйінде қалып, ядролық медицина саласында жұмыс істеуді айтарлықтай қиындатып қана қоймай, оның одан әрі дамуына кедергі келтіріп отыр. Мысалы, өзінің базасында радиофармацевтикалық препараттарды өндіруге арналған бірегей және заманауи жабдықтары бар Орталық фармацевтикалық препараттардың тек екі атауын шығарады, алайда елдегі басқа түрлеріне сұраныс бар және ол өте жоғары екені сөзсіз. Сұраныс тек саны бойынша ғана емес, сонымен қатар медициналық технологиялардың ассортименті, спектрі бойынша да қанағаттандырылмайды, бұл саланың қарқынды дамуы үшін шектеу болып келеді.
Осыдан бұрын Абай облысынан Қазақстан Республикасы Парламенті Сенатының депутаты Айнұр Арғынбекова өңірге жұмыс сапарында, сондай ақ Ядролық медицина және онкология орталығымен танысу барысында осы мәселелердің барлығын егжей-тегжейлі қарастырып, толық зерттеген еді. Ал бүгінгі таңда Айнұр Серікпайқызын жоғары деңгейде проблемалық мәселелерді бірнеше рет көтеріп және оларды шешу жолдарын ұсынып келетін ядролық медицина саласының елшісі деп атаса да артық емес. Осы жолы да ядролық медицина саласының жанашыры бір топ мәселелерді қарастырып өтті. Бұл күндері ядролық медицина орталықтарының, радиофармпрепараттар өндірісінің жұмысындағы келісу кезеңдерін қысқарту және дебюрократизациялау үшін салааралық үйлестіру мәселелерін талқылау жоспарлануда. Сондай-ақ, ядролық медицина қызметін, оның ішінде «Атом энергиясын пайдалану туралы», «Халықтың радиациялық қауіпсіздігі туралы», «Қазақстан Республикасындағы сәулет, қала құрылысы және құрылыс қызметі туралы» Заңдарды қозғайтын заңнамалық базаны жетілдіру мәселелері талқыланбақ. Сондай-ақ, Қазақстанда Радионуклидтік терапия ретінде ядролық медицинаның бірегей және әзірге жалғыз бағытын дамыту мүмкіндіктері талқыланатын болады. Осы мәселелердің барлығын жедел шешу бізге заңнамалық салада айтылған мәселелерді жүйелі түрде шешуге және медицинаның осындай перспективті бағытын дамытуға мүмкіндік береді.

Тексеру сауалнамасы

Қызмет көрсету сапасын жақсарту және орталықтың сервисін арттыру мақсатында біз пациенттерімізге сауалнама жүргіземіз. Біз сіздің пікіріңізді өте жоғары бағалаймыз және бірнеше қарапайым сұрақтарға жауап беруіңізді сұраймыз. Сілтеме