Бүгін Ядролық медицина және онкология орталығында Абай облысының Денсаулық сақтау басқармасының үйлестіру кеңесінің отырысы өтті. Үйлестіру кеңесінің жұмысына облыс басшысы Нұрлан Уранхаев, Абай облысының медициналық сақтандыру Қоры филиалының директоры Ғалымжан Әбілов, сондай-ақ қалалық және аудандық АМСК ұйымдарының басшылары қатысты.
Отырыс барысында облыстық денсаулық сақтау басқармасы басшысының міндетін атқарушы Талғат Молдабеков баяндама жасады. Сөз сөйлеу барысында өткен жылы өңірдің денсаулық сақтау саласын дамытудың негізгі индикаторлары, сондай-ақ биылғы жылдың маңызды басымдықтары мен міндеттері айтылды. Медициналық көмектің сапасы мен қолжетімділігін арттыруға, денсаулық сақтау объектілерін материалдық-техникалық жарақтандыруды нығайтуға, проблемалық мәселелерді шешуге ерекше назар аударылды.
Сондай-ақ, ағымдағы мәселелер талқыланды, кездесу барысында пікір алмасылды, қатысушылар өзекті сұрақтар қоюға және денсаулық сақтау саласын одан әрі нығайтуға ықпал ететін ұсыныстарды айтуға мүмкіндік алды.