Жаңалық – Абай облысы Денсаулық сақтау басқармасының ядролық медицина және онкология орталығы

Семейде «Туған жерге туыңды тік» форумы аясында белгілі онколог Мұхтар Тулеутаев шеберлік сағатын өткізді

2025 жылдың 20 маусымы күні Семей қаласындағы Арена мәдени-спорттық кешенінде «Туған жерге туыңды тік» атты форумының салтанатты ашылуы өтті. Ауқымды шара аясында Семей топырағынан түлеп ұшқан, бүгінде елімізге белгілі дәрігер, Қазақстанның Еңбек Ері, Астана қаласы онкологтар қоғамының төрағасы, көпсалалы медицина орталығының бас дәрігері Мұхтар Есенжанұлы Тулеутаев арнайы келді.

Сапар барысында Мұхтар Есенжанұлы Ядролық медицина және онкология орталығына барып, әріптестерімен бірлесіп шеберлік сағаттарын өткізіп, ота жасау тәжірибесімен бөлісті. Бұл – өңірлік медициналық орталықтар мен жетекші клиникалар арасындағы кәсіби байланысты нығайтуға бағытталған маңызды қадам.

Мұхтар Тулеутаев — отандық медицинаның ардақты тұлғасы. Ол 1958 жылы 31 қаңтарда Семей облысы, Ақсуат ауданында дүниеге келген. 1983 жылы Семей мемлекеттік медицина институтын үздік бітіріп, еңбек жолын туған жеріндегі аудандық ауруханаларда бастаған.

Ол ұзақ жылдар бойы түрлі басшылық қызметтер атқарды – Семей облыстық балалар ауруханасының бас дәрігері, қалалық денсаулық сақтау басқармасының басшысы, СМУ клиникасының директоры және проректоры, сондай-ақ ҚР Денсаулық сақтау министрлігінде жетекші қызмет атқарды. 2010 жылдан бері елордадағы көпсалалы медицина орталығын басқарып келеді.

Мұхтар Есенжанұлы – медицина ғылымдарының кандидаты, 100-ден астам ғылыми мақалалар мен монографиялардың авторы, халықаралық онкология форумдарының қатысушысы. АҚШ, Жапония, Германия сынды жетекші елдердің клиникаларында тағылымдамадан өткен тәжірибелі хирург. Басқаратын клиникасында жыл сайын еліміздің түкпір-түкпірінен 15 мыңнан астам науқас ем қабылдайды.

2021 жылы оған еліміздегі ең жоғары марапаттардың бірі – «Қазақстанның Еңбек Ері» атағы берілді. Сондай-ақ «Отан» және «Құрмет» ордендерінің, мемлекеттік медальдардың иегері. Жұбайы – кардиолог-дәрігер Гүлнар Қамидоллақызы. Үш бала тәрбиелеп өсірген: Рүстем – кардиохирург, Шыңғыс – торакалды хирург, Айгүл – қаржыгер.

21 маусым күні Ядролық медицина және онкология орталығында бас пен мойын ісіктері, сондай-ақ қуық асты безі қатерлі ісігі туралы хабардарлық апталығы аясында Ашық есік күні ұйымдастырылды.

Іс-шара барысында 15 азамат онкология және ядролық медицина саласының білікті мамандарынан тегін кеңес алды. Қабылдау нәтижесінде 2 пациентте обыр алды жағдайлар анықталды. Бұл – аурудың ерте сатысында анықталып, емдеу шаралары дер кезінде басталғанын білдіреді.

Профилактика мен ерте диагностика – денсаулықты және өмірді сақтаудың маңызды кепілі. Іс-шараға қатысқан барлық азаматтарға алғыс білдіреміз. Өз денсаулығыңызға бей-жай қарамаңыз – ол сіздің ең басты байлығыңыз!

18–19 маусым күндері Ядролық медицина және онкология орталығына Атом энергиясы жөніндегі халықаралық агенттіктің (МАГАТЭ) Техникалық ынтымақтастық департаментінің өкілдері –Юнлю Сибель ханым мен Аруна Корде ханым жұмыс сапарымен келді.

Сапардың мақсаты – МАГАТЭ-нің техникалық ынтымақтастық жобалары аясында Орталықтың қызметімен танысу болды.

МАГАТЭ – ядролық технологияларды бейбіт мақсатта қолдануды ілгерілететін, ядролық және радиациялық қауіпсіздікті нығайтатын, сондай-ақ қатысушы мемлекеттердің ғылыми-техникалық әлеуетін арттыруға бағытталған БҰҰ жүйесіндегі мамандандырылған ұйым. Агенттіктің техникалық ынтымақтастық бағдарламалары денсаулық сақтау, ауыл шаруашылығы, экология және өнеркәсіп сияқты салаларда ядролық және радиациялық технологияларды қолдануды қолдауға бағытталған.

Алда келе жатқан кәсіби мерекелеріңізбен!

Медицина қызметкерлері күні қарсаңында, Ядролық медицина және онкология орталығында салтанатты іс-шара өтті. Мерекелік шараны Орталық директоры Саят Таңатаров құттықтау сөзімен ашты. Өз сөзінде ол әріптестерін алдағы кәсіби мерекемен құттықтап, медицина қызметкерлерінің қажырлы еңбегін атап өтті, сондай-ақ Орталық ұжымына өз тілегін білдірді.

«Медицина қызметкерлерінің жұмысы әрқашан оңай болған емес, өйткені олар адамдардың өмірі мен денсаулығына жауапты. Онкологиялық қызметтегі еңбек – екі есе күрделі, әрі жауапты десек те болады. Сондықтан Орталық әкімшілігінің атынан баршаңызға шын жүректен алғыс айтуға рұқсат етіңіздер. Баршаңызға зор денсаулық, табыс, бақыт тілеймін», – деді Саят Замамбекұлы.

Салтанатты іс-шара барысында дәрігер-сарапшы Мұхтарғазы Төлеутаев ұжым қызметкерлерін құттықтап, жылы лебіз білдірді.

Кәсіби шеберлігі, жұмыстағы жоғары жетістіктері, көпжылдық мінсіз еңбегі, сондай-ақ денсаулық сақтау саласына қосқан жемісті үлесі үшін біздің Орталықтың бірқатар қызметкерлері мемлекеттік және басқа да наградалармен марапатталды.

Бірқатар қызметкерлер Абай облысы әкімінің, Орталық директорының, сондай-ақ «Senim» кәсіподақ комитетінің Алғыс хаттарымен марапатталды.

Сондай-ақ, бұл күні «Senim» кәсіподақ комитетінің қолдауымен жақында өңірде өткен медициналық ұйымдар арасындағы облыстық спартакиада жеңімпаздары грамоталармен және ақшалай сыйлықтармен марапатталды.

«Өзгерістер жолында: Жатыр мойны обырын жою мақсатында АПВ-ға қарсы вакцинация саласындағы әйелдердің мықты көшбасшылығы» тақырыбында дөңгелек үстел-форумы өтті.

Семей қаласында «Өзгерістер жолында: Жатыр мойны обырын жою мақсатында АПВ-ға қарсы вакцинация саласындағы әйелдердің мықты көшбасшылығы» тақырыбында дөңгелек үстел-форумы өтті.

Іс-шара Абай облысы денсаулық сақтау басқармасының Ядролық медицина және онкология орталығы базасында ұйымдастырылды.

Форумның қатысушылары:

-Баян Бекетова, Абай облысының штаттан тыс бас онкологы

-Сауле Молдахметқызы Калиева, дәрігер-гинеколог

-Альмира Мадриковна Солтанбекова, Абай облысы ДСБ Ана мен баланы қорғау бөлімінің басшысы

-Ұлттық қоғамдық денсаулық сақтау орталығының делегациясы, ҚР ДСМ санитариялық-эпидемиологиялық бақылау комитетінің және ДДСҰ (ВОЗ) мамандарының делегациясы

-БМСК ұйымдарының басшылары, БАҚ өкілдері және АПВ вакцинациясынан өткен қыз балалардың ата-аналары

Көтерілген маңызды мәселелер:

Ведомствоаралық ынтымақтастықты дамыту, халықтың хабардарлығын арттыру, мифтерге сенбеу, оларды жеңіп шығу, екпеден бас тартпау, діни және әлеуметтік аспектілерді талқылау, профилактикалық бастамаларды ілгерілетудегі әйелдердің көшбасшылық рөлі басты назарда болды.

Форум Міндеттеме қабылдау рәсімімен аяқталды. Қатысушылар жатыр мойны обырымен күресу және болашақ ұрпақтың денсаулығын сақтау миссиясын қолдау үшін символдық тақтаға қолтаңбаларын қалдырды.

Абай облысында балаларды қорғау күніне орай медицина қызметкерлері арасында «Көңілді старттар» эстафетасы өтті.

Іс-шара «Senim «ОПСРСЗ» РҚБ және Абай облысының Денсаулық сақтау басқармасының қолдауымен өтті. Жарыстың мақсаты салауатты өмір салтын насихаттау ғана емес, сонымен қатар командалық рухты нығайту, корпоративтік мәдениетті дамыту және денсаулық сақтау саласындағы спорттық дәстүрлерді қолдау болды.

Эстафетаға өңірдің түрлі медициналық ұйымдарынан 12 команда қатысты. Қатысушылар бірліктің, спорттық құштарлықтың және бір-біріне шын жүректен қолдау көрсетудің жоғары деңгейін көрсетті.

Ядролық медицина және онкология орталығы командаларының өнер көрсетуі біз үшін ерекше мақтаныш болып табылады — олар 1 және 2 орындарды иеленді. Бұл керемет дене шынықтырудың ғана емес, сонымен қатар күшті командалық жұмыс пен шынайы ынта-жігердің нәтижесі.

Әріптестерімізді лайықты жеңісімен құттықтаймыз және барлық қатысушылар мен ұйымдастырушыларға жарқын, жігерлі және мағыналы іс-шара үшін алғыс айтамыз.

Мұндай оқиғалар тағы да мынаны еске салады: денсаулыққа қамқорлық жеке бас үлгісінен басталады.

Студенттерге арналған оқыту семинары

Тері қатерлі ісігінің алдын алу айлығы, және «Стоп-меланома» меланомасы туралы хабардар болу апталығы аясында Орталығымыздың мамандары «Семей» медициналық колледжінің студенттеріне арналған оқыту семинарын өткізді. Дәрісті күндізгі стационар меңгерушісі, көп жылдық тәжірибесі бар радиолог -дәрігер Наталья Юрьевна Карнакова өткізді.
Кездесу барысында тері қатерлі ісігі мен меланоманың маңызды аспектілері, соның ішінде қатерлі ісік тудыратын себептер, алдын алу, диагностикалау және емдеу әдістері талқыланды.
Өкінішке орай, терінің қатерлі ісіктері жалпы қатерлі ісік құрылымында жиі кездеседі. Сонымен қатар, олар визуалды қол жетімді локализациялардың қатарына да жатады. Яғни, онкологиялық процестер пациенттің ағсасында емес, теріде жүреді, сондықтан оларды диагностиканың жоғары технологиялық әдістеріне жүгінбестен ерте анықтауға болады. «Семей» медициналық колледжінің студенттері-жақын арада оқуды аяқтағаннан кейін әртүрлі медициналық ұйымдарда, оның ішінде тексеру кабинеттерінде клиникалық практикаларын жүргізетін болашақ мамандар. Алынған білім болашақ мамандар үшін құнды тәжірибе болып, медициналық көмектің сапасын жақсартуға өз үлесін қосады деп сенеміз.

📌 Мобильді бригада аймақтарда жұмысын жалғастыруда

Орталығмыздың мобильді бригадасы аймақтарда жұмысын жалғастыруда. Басты мақсат – шалғай ауыл тұрғындарына медициналық көмектің қолжетімділігін қамтамасыз ету және онкологиялық ауруларды ерте кезеңде анықтау. Бригаданың құрамына онкологиялық қызметтің түрлі бағыттарындағы бейінді мамандар мен УДЗ-диагностик мамандары кіреді. Іссапар барысында Орталықтың онкологтары аудандық ауруханалар медицина қызметкерлеріне ұйымдастырушылық-әдістемелік көмек көрсетіп, сонымен қатар қарап-тексеру кабинеттерінің мамандарына көзге көрінетін онкологиялық ауруларды ерте анықтау бойынша оқыту семинарлары өткізіледі. Семинар аясында аймақта тіркелген онкологиялық аурулардың асқынған жағдайлары мен онкоқырағылықтың маңызды аспектілері талқыланады.

Аймақтарға жасалатын іссапарлардың маңызды бағыттарының бірі – шалғай елді мекен тұрғындарына кеңес беру. Мысалы, осы күндері Орталықтың онкологтары Бесқарағай ауданы мен Курчатов қаласының тұрғындарын тексеруден өткізді.

Бесқарағай ауданында 30-дан астам тұрғын тексеруден өтті, онкологтар оннан астам түрлі патологияны анықтады, оның ішінде бір жағдайда онкологиялық ауруға күдік бар.

Курчатов қаласында мобильді бригада 50-ге жуық тұрғынды тексерді, 7 адамда онкологияға күдік анықталды.

Анықталған барлық аурулар бойынша ұсыныстар берілді, ал онкологияға күдік туындаған науқастар біздің Орталыққа қосымша тексеруге жіберілді.

📌 Мобильді бригада Бородулиха ауданында!

Осы аптада Орталығымыздың мобильді бригадасы өңірлерде өз жұмысын қайта жалғастыруда. Оның басты мақсаты – шалғай ауыл тұрғындарына медициналық көмектің қолжетімділігін қамтамасыз ету, сондай-ақ онкологиялық патологияларды ерте анықтау болды. Мобильді бригаданың құрамына онкологиялық қызметтің әртүрлі бағыттарының бейінді мамандары, сондай-ақ ультрадыбыстық зерттеу мамандары кірді.

Алғашқылардың қатарында мобильді бригада Бородулиха ауданында өз жұмысын атқарды. Осында Орталық мамандары аудандық ауруханалардың медицина қызметкерлеріне әдістемелік- ұйымдастырушылық көмек көрсетті, оның ішінде көзге көрінеу қолжетімді локализацияларды ерте анықтау бойынша қарап-тексеру кабинеттерінің мамандарына оқыту семинарлары өткізілді. Семинар барысында өңірде тіркелген асқынған қатерлі ісік аурулары, факультативтік және облигаттық патологияларды анықтау кезінде Ядролық медицина және онкология орталығына жолдаманың логистикасын жақсарту мәселелері талқыланды.

Сондай-ақ аудан тұрғындарына консультациялар мен қарап-тексерулер өткізілді. Жалпы, 40-тан астам ауыл тұрғыны тексеруден өтті. Оның нәтижелері бойынша қатерлі ісікке дейінгі 6 жағдай анықталды, пункциялық биопсиялар, онкоцитологияға материалдар алынды.

Бородулиханың орталық аудандық ауруханасында эндоскопиялық кабинеттің жұмысы жолға қойылған, оның тиімділігін жақсарту үшін біздің Орталықтың базасында дәрігер эндоскопистің оқуы жоспарланған.

📌 Мерекелеріңіз құтты болсын, құрметті әріптестер!

Жыл сайын 12 мамырда бүкіл әлемдегі медбикелер өздерінің кәсіби мерекелерін – Халықаралық медбикелер күнін атап өтеді. Бүгін біздің Орталығымызда да осы атаулы мерекеге орайластырылған салтанатты іс-шара өтті! Бұл күні ең адал, аяулы, мейірімді мамандық иелері өздеріне арналған ыстық ықылас пен құттықтауларды қабыл алды.

Салтанатты іс-шараны Орталық директоры, м.ғ. д., профессор Саят Таңатаров құттықтау сөзімен ашты. Өз сөзінде ол барлық мейірбикелік қызметтің өлшеусіз еңбегін атап өтіп, Орталығымыздың бірде-бір бөлімшесінің жұмысы мейірбикелерсіз атқарылмайтынын да айтты.

«Халықаралық мейірбике күні жыл сайын 12 мамырда атап өтіледі. Бұл мерекенің тарихы тереңде жатыр, осылайша ежелден бүкіл қоғам медбикелердің еңбегін ерекше құрметтеп келеді. Себебі пациенттерге емделу кезінде күтім жасаудың барлық ауыртпалығын медбикелер көтеріп келеді. Бұл – ең ізгілікті және асыл мамандықтардың бірі. Біздің Орталықта да барлық диагностикалық және бүкіл емдеу процесі де сіздердің жұмыстарыңызбен тығыз байланысты. Күнделікті қажырлы еңбектеріңіз, жоғары кәсібиліктеріңіз, адамгершіліктеріңіз үшін рахмет», – деді Саят Замамбекұлы.

Салтанатты іс-шараны жалғастыра отырып, Саят Таңатаров әріптестеріне қажырлы еңбегі үшін Облыс әкімінің, қала әкімінің, облыстық денсаулық сақтау басқармасының атынан және өз атынан мадақтамалар мен алғыс хаттар табыс етті. Бірқатар қызметкерлер «Senim» Денсаулық сақтау жүйесі жұмыскерлерінің салалық кәсіподағының мадақтамаларымен марапатталды.

Медбикелерімізді Орталықтың барлық дәрігерлері атынан бөлім меңгерушілері кәсіби мерекелерімен құттықтады. Орталықтың сарапшы-дәрігері Мұхтарғазы Төлеутаев та құттықтау сөз сөйледі. Ал салтанатты шараның соңы көңілді концерттік бағдарламаға ұласты.

Қорытындылай келе, мейірбикелердің Денсаулық сақтау жүйесіндегі рөлі жыл сайын маңызды бола түсетінін атап өткен жөн. Уақыт талабына сай орта медицина қызметкерлерінің емдеу процесіне қатысуы артып, сонымен бірге функционалдары кеңейіп, науқастың денсаулығына деген кәсіби жауапкершіліктері де артып келеді. Өйткені, науқастарға көрсетілетін барлық емнің 80 пайызына дейін орта медицина қызметкерлерінің иығында жатыр. Тағы бір атап өтетіні, медбикелер Денсаулық сақтау жүйесіндегі ең көп кәсіби топтардың бірін құрайды. Біздің орталықта да осы игі істе 200-ге жуық мамандар еңбек етіп келеді.

📌 Тағзым сіздерге, қымбатты ардагерлер!

Биыл біз Ұлы Жеңістің 80 жылдығын- сынды тарихи әрі маңызды датаны атап өтудеміз. Осы ұлық мереке қарсаңында Абай облыстық мәслихатының депутаты Саят Танатаров еңбек ардагері Күлзай Мергенбаева апамыздың шаңырағына арнайы барып, құрмет көрсетті.

Жеңіс күні – адамзат тарихындағы ең ұлы оқиғалардың бірі. Бұл күннің жақындауы үшін миллиондаған адам фашизмге қарсы күресте жан аямай еңбек етті. Тек майданда ғана емес, тылда да аянбай тер төгіп, майданның қажеті үшін барын салды. Көптеген зауыттар мен фабрикаларда, колхоздарда тіпті балалар да еңбек етті, себебі ер-азаматтар барлығы майдан даласына жаумен шайқасқа аттанды. Сол тыл еңбеккерлерінің бірі – Күлзай Мергенбаева.

Кездесу барысында Абай облыстық мәслихатының депутаты Саят Танатаров Күлзай Мергенбаеваға адал еңбегі мен Ұлы Жеңіске қосқан өлшеусіз үлесі үшін шынайы ризашылығын білдіріп, Мемлекет Басшысының атынан «Ұлы Отан соғысындағы Жеңіске 80 жыл» мерейтойлық медалін табыс етті.

Өзі де басқа мемлекеттердің аумағындағы әскери қимылдардың ардагері болып табылатын Саят Замамбекұлы тыл еңбеккерлерінің ерлігі – ортақ Жеңістің маңызды әрі ажырамас бөлігі екенін атап өтіп, олардың табандылығы мен еңбекқорлығы шексіз құрметке лайық екенін айтты.

– Сіздердің тылдағы жанқиярлық еңбектеріңіздің арқасында майдан бар қажеттілікпен қамтамасыз етілді. Сіздердің үлестеріңіз – біз әрқашан есте сақтап, құрметпен еске алуға тиіс Ұлы тарихтың бір бөлшегі, – деді Саят Танатаров.

📌 Әрдайым аспанымыз ашық, бейбітшілігіміз мәңгі болсын!

Биыл біз бүкіл адамзатқа фашизмнен азат әлем сыйлаған ұмытылмас күн – Ұлы Жеңістің 80 жылдығын тойлаймыз. Сондай-ақ, 7 мамыр – Қазақстанда Отан қорғаушылар күні де келе жатыр. Бүгін біздің Орталықта осы мерекелерге орайластырылған салтанатты іс-шара өтті.

Жиынды ашқан Орталық директоры, м.ғ.д., профессор Саят Таңатаров құттықтау сөз сөйледі. Саят Замамбекұлы өз сөзінде басымызға бейбіт аспан сыйлаған аға ұрпақтың өлшеусіз ерлігін, табандылығы мен қайсарлығын, батылдығы мен ержүректілігін атап өтті. Сонымен қатар, Отан қорғаушылар күнімен құттықтап, жылы лебізін білдірді.

«Жеңіс күні – бұл жеңістің қандай жолмен, қалай жеткенін, баға жетпес құнын еске салатын тарихи дата. Біз бейбіт елде өмір сүруіміз үшін миллиондаған адамдар өз өмірін қиды. Сол қайғылы оқиғалардан зардап шекпеген бірде-бір отбасы жоқ. Аға ұрпақтың ерліктерін естен шығармай, баға жетпес сый – бейбіт аспанымызды қорғау біздің парызымыз», – деді Саят Таңатаров.

Сарапшы дәрігер Мұхтарғазы Төлеутаев та құттықтау сөз сөйледі. Ол өз сөзінде Ұлы Отан соғысының куәгерлері мен қатысушыларының естеліктерін айтып, сол қасіретті жылдардағы адамдардың қайсарлығы мен адам сенгісіз ерлігін еске түсірді. Барлық баяндамашылар атап өткендей, ең бастысы аталарымыз бен әкелеріміздің ерлігін ұмытпай, ұлықтау, төбеміздегі бейбіт аспанның баға жетпес сыйын бағалап, қорғау бүгінгі қоғамның парызы.

Салтанатты шара барысында бүгінгі отан қорғаушыларға да құттықтау сөздер айтылды. Алғашқылардың қатарында ұжымдағы ер азаматтарға құттықтаулар мен тілектер білдірген директордың емдеу ісі және медициналық қызмет көрсету сапасын бақылау жөніндегі орынбасары Баян Бекетова да болды. Ол өз сөзінде әр шаңыраққа табыс, береке, бейбіт өмір тіледі.

Салтанатты шараның қорытынды бөлімінде «Senim» салалық кәсіподақ ұйымының қолдауымен Орталық қызметкерлері дайындаған қызықты концерттік бағдарлама көпшілікке тамаша көңіл күй сыйлады.

📌 Қазіргі ядролық медицинадағы радиациялық қорғау мәселелері жөніндегі кеңес

Осы күндері біздің Орталығымыздың директоры, м.ғ.д., профессор Саят Танатаров, ядролық медицина және стратегиялық жоспарлау жөніндегі директордың орынбасары Баян Атантаева, сондай-ақ радионуклидтік терапия бөлімшесінің дәрігері Гүлжан Нәбиева Австрияның астанасы Вена қаласындағы Атом энергиясы жөніндегі халықаралық агенттігінің қазіргі заманғы ядролық медицинадағы радиациялық қорғау мәселелері жөніндегі техникалық кеңесінің жұмысына қатысуда.

Кездесу 28-30 сәуір аралығында Vienna International Centre -Вена халықаралық орталығында өтеді, оған 16-дан астам елден, оның ішінде АҚШ, Германия, Франция, Финляндия, Швейцария, Қытай, Алжир, Бразилия, Болгария, Чили, Эстония, Греция, Ирак, Қазақстан, Литва, Малайзия, Мальта, Марокко, Пәкістан, Ресей, Тунис және Өзбекстан елдерінен делегаттары қатысуда. Дүниежүзілік денсаулық сақтау ұйымы, халықаралық радиациялық қорғаныс комиссиясы (ICRP), Еуропалық радиология қоғамы (ESR), Еуропалық рентгендік зертханалық қоғамдар Федерациясы (EFRS), ядролық қауіпсіздік және радиациялық қорғаныс агенттігі (ASNR) және Дүниежүзілік ядролық медицина және биология Федерациясы (WFNMB) сияқты беделді халықаралық ұйымдардың өкілдері қатысуда.

Негізгі мақсат-ядролық технологияларды қолдана отырып диагностикалау және емдеу кезінде пациенттер мен персоналды радиациялық қорғаумен байланысты проблемаларды анықтау, сондай-ақ радиациялық қорғаудың қолданыстағы нұсқаулықтары мен практикасын жетілдіруде әртүрлі мүдделі тараптардың іс-әрекеттерін синхрондау бойынша ұсыныстар беру. Үш күндік жұмыс барысында диагностика мен емдеуде ядролық медицинаны қолдану бойынша әлемнің жетекші клиникаларының тәжірибесі ұсынылады, бейнелеу, терапия және тераностика саласындағы клиникалық сынақтардың нәтижелері айтылады.

Жұмыс кеңесі тәжірибе алмасу, диагностика мен емдеудің ең озық әдістерін енгізу үшін ғана емес, сонымен қатар ядролық медицинаның өзекті мәселелерін шешіп, одан әрі дамыту, ғылым мен клиникалық практиканы дамыту үшін бірлескен іс-қимыл алгоритмдерін үйлестіру және әзірлеу үшін маңызды алаңына айналды.

Бұл іс – шара біз үшін де ерекше маңызға ие болды -Ядролық медицина және онкология орталығы ядролық медицина саласындағы өз мүмкіндіктерін дамыту және жетілдіру бойынша үздіксіз жұмыс істеуде. Онкологиялық ауруларды диагностикалау мен емдеуде қолданылатын радиофармпрепараттар желісі кеңеюде. Мәселен, осы жылдың ақпан айында Қазақстанда алғаш рет Орталық базасында простата обырын диагностикалауға арналған 18F-PSMA-1007 радиофармпрепаратын қолдануы жолға қойылды. Жақын арада простата обырын емдеуге арналған лютеций негізінде радиофармпрепаратты қолдануды да жолға қою жоспарлануда. Сонымен қатар, жақында Орталық базасында Орталығымыздың бай практикалық тәжірибесін біріктіріп, ғылыми әлеуетті дамытуға арналған ғылыми-клиникалық Кеңесі өз жұмысын бастады. Сондықтан МАГАТЭ-ның басшылығымен Орталығмыздың ынтымақтастығының шекарасын кеңейту ядролық медицинадағы жаңа белестерін бағындырудағы маңызды қадам болып табылады.

📌 Қазақстан Республикасындағы онкологиялық көмектің жаңа көкжиектері. ҰҒОО-болашақтың озық технологиялары

Осы күнері Астанада, Ұлттық ғылыми онкология орталығында «Қазақстан Республикасындағы онкологиялық көмектің жаңа көкжиектері. ҰҒОО-болашақтың озық технологиялары» атты халықаралық ғылыми-практикалық конференциясы өтуде. Конференция жұмысына директор, м.ғ. д., профессор Саят Таңатаров бастаған біздің Орталық мамандарының үлкен делегациясы қатысуда.

Конференция Қазақстандағы онкологиялық көмекті дамытудың кең ауқымды аспектілерін, проблемалары мен перспективаларын талқылауға, онкологиялық ауруларды диагностикалау мен емдеудің озық әдістері бойынша тәжірибе алмасуға, ғылым мен клиникалық тәжірибені дамытуға арналған ең үлкен диалог алаңына айналды. Конференция спикерлерінің құрамында Қазақстанның ғана емес, алыс-жақын шетелдердің жетекші сарапшылары бар.

Конференция аясында біздің Орталық мамандары да өздерінің мол тәжірибелерімен, соның ішінде қатерлі ісіктің әртүрлі локализациясын диагностикалау мен емдеуде ядролық медицинаны қолдану әдістерімен ой бөліседі. Орталығымыздың мейіргерлік іс жетекшісі Гүлнара Желпакова модераторы болған онкологиядағы мейірбике ісіне арналған секциясында радионуклидтік терапия бөлімшесінің аға мейіргері Динара Сайлаубекқызы «Радионуклидтік терапиядағы мейіргерлік істі ұйымдастыру» тақырыбында баяндама жасады.

Сондай-ақ, жақын арада директордың ядролық медицина және стратегиялық жоспарлау жөніндегі орынбасары Баян Атантаеваның «Ядролық медицина және онкология орталығында радиоиодтық терапияны енгізу тәжірибесі» баяндамасының тыңдалымы жоспарланған. Радиоизотопты диагностика дәрігері Райымгүл Тілебалды қуық асты безі обырын диагностикалауда 18F-PSMA-1007 фтор негізіндегі простата-спецификалық мембрана антигенін қолдану тәжірибесін ұсынады. Өндіріс бөлімшесінің жұмысын ұйымдастырудағы тәжірибесімен РФДП сапасын бақылау бөлімінің басшысы Бибігүл Қалиясқарова өндіірстік блок жұмысын ұйымдастыру тәжірибесімен бөліседі. Радиациялық қауіпсіздік және физикалық қорғаныс қызметінің басшысы Дәурен Әділбаев «Радинуклидтік терапияда радиациялық қауіпсіздікті қамтамасыз ету. Алғашқы қадамдар» тақырыбында баяндама жасайды.

📌 Арнаулы тексеру кабинеттерінің мамандарына арналған семинар

Бүгін Ядролық медицина және онкология орталығының базасында аймақтық емханалардың алғашқы буындағы медициналық персоналдарына арнаулы тексеру кабинеттерінің жұмысын жетілдіру және көзге көрінеу қолжетімді локализациялардағы қатерлі ісіктердің кеш сатында анықталу көрсеткіштерін төмендету бойынша оқыту семинары өтті.

Оқытуды емхана меңгерушісі, онкохирург дәрігер Айбек Садықов және күндізгі стационардың меңгерушісі, радиолог дәрігер Наталья Карнакова жүргізді. Семинар барысында онкоқырағылықты арттырудың, оның ішінде қатерлі ісікті ерте сатысында анықтауда бастапқы буын дәрігерлерінің, арнаулы тексеру кабинеттері жұмысының маңыздылығы, көзге көрінеу қолжетімді локализациялардағы қатерлі ісіктердің түрлері мен ерекшеліктері, пациенттерді тексеру алгоритмдері және т.б. өзекті мәселелері талқыланды.

Ерте анықталған дерттер, әсіресе онкологиялық аурулар – пациенттің денсаулығына аз зақым келтіріп, тиімдірек емделеді. Сондықтан онкоқырағылық қатерлі ісікпен күресте ең маңызды басымдықтардың бірі болып табылады. Осы мәселелердің барлығын талқылай отырып, онкологтар арнаулы тексеру кабинеттерінің мамандарын ғана емес, пациенттерді де оз денсаулықтарына қырағы болуға шақырды.

Абай облысындағы онкологиялық қызметті Үйлестіру кеңесінің отырысы: 1 тоқсанның қорытындылары

Жақында Абай облысындағы онкологиялық қызметті Үйлестіру кеңесінің кезекті отырысы өтті. Кездесуге өңіріміздің барлық алғашқы медициналық-санитариялық көмек көрсететін ұйымдарының онкологтары мен бас дәрігерлері қатысты.

Үйлестіру кеңесінің отырысында биылғы жылдың бірінші тоқсанындағы онкологиялық қызметі жұмысының қорытындысы айтылды, оның ішінде онкологиялық аурулармен күрес жөніндегі кешенді жоспарды іске асырудың маңызды индикаторлары ұсынылды. Сондай-ақ, өңірдегі онкологиямен сырқаттанушылық көрсеткіштері, онкологиялық аурулардың асқынған жағдайлардың алдын алу шаралары және қатерлі ісіктерді ерте анықтау бойынша қолданыстағы бағдарламалардың тиімділігі талқыланды. Біздің Орталықтың 2025 жылдың үш айындағы жұмыс нәтижелері туралы директордың емдеу-диагностикалық жұмыстары жөніндегі орынбасары Баян Бекетова баяндама жасады.

📌 Халықаралық ынтымақтастықтың жаңа кезеңі

Ядролық медицина және онкология Орталығы халықаралық ынтымақтастықты кеңейтуде. Осы күндері Ресейдің Томск қаласының политехникалық университетінің басшылығымен директор Саят Таңатаров бастаған Орталықтан делегация кездесулер өткізуде. Орталық делегациясының құрамында бас инженер Медет Идинов пен радиациялық қауіпсіздік және физикалық қорғау бөлімшесінің меңгерушісі Дәурен Әділбаев қатысуда.

Сапардың басты мақсаты – біздің Орталық пен университет арасында екіжақты ынтымақтастық орнату болды. Айта кету керек, Томск қаласының политехникалық университеті білім берудегі және «Ядролық технологиялар», оларды денсаулық сақтау сияқты бейбіт салаларында қолдану бағыттарында Ресейдің көшбасшыларының бірі болып табылады. Дәл осы ядролық технологиялар мен ядролық медицина салалары екіжақты ынтымақтастықта басымдыққа ие болады.

Осылайша, Томск Политехникалық университеті ядролық технологиялар инженерлік мектебінің директоры, ф. -м.ғ. к. Олег Долматовпен кездесу барысында медициналық физика, радиофармпрепараттар өндірісі және радиациялық қауіпсіздік сияқты бағыттардағы екіжақты ынтымақтастықтың перспективалары талқыланды. Сондай – ақ, МАГАТЭ қамқорлығымен аймақтық хаб-құзыреттер орталығының құрылуын талқылау кездесудің жеке тақырыбы болды. Томск қаласындағы политехникалық университеттің серіктестері бұл жобаны жүзеге асыруға көмек көрсетуге дайын екендіктерін білдірді.

Екіжақты ынтымақтастықтың басымдықтары ретінде Ядролық медицина орталығының базасында ТПУ студенттері үшін клиникалық базаны құру мәселесі де талқыланды. Осы және басқа да көптеген ынтымақтастық бағыттары таяу болашақта екіжақты ынтымақтастық туралы меморандуммен бекітілетін болады, оның егжей-тегжейлері де кездесу барысында талқыланды. Орталығымыз бен Томск қаласының политехникалық университетінің ынтымақтастығы туралы Меморандумға осы жылдың шілде айында өтеді «U-NOVUS» жас ғалымдардың Бүкілресейлік форумы барысында қол қойылады деп жоспарлануда.

Ғылым-прогрестің негізгі қозғаушысы

2025 жылғы 18 сәуірде Ядролық медицина және онкология орталығында ғылыми-клиникалық кеңестің — Орталықтың ғылыми-білім беру және клиникалық-зерттеу қызметін үйлестіруге және бағыттауға арналған консультативтік-сараптамалық органның бірінші отырысы өтті. Кеңестің құрылуы қазіргі заманауи талқылаулар мен медицина мүмкіндіктері контекстінде ғылым мен клиникалық практиканы ықпалдастырудың стратегиялық бағытын көрсететін ұйымның дамуындағы маңызды кезең болып табылады.

Айта кету керек, Орталықтың ғылыми құрамдас бөлігі жаңа бағыт емес; керісінше, оның есімдері зор құрмет пен алғысқа лайық отандық онкологтар мектебінің күш-жігерімен қаланған берік іргетасы бар. Дәл осы негізде бүгінгі күні дамудың жаңа кезеңі – пәнаралық тәсілдерге, заманауи технологиялық шешімдерге және ғылыми білімді клиникалық ортаға тарату қажеттілігінің артуына негізделген.

Кеңес әртүрлі салалардың өкілдерін біріктіреді: клиникалық онкология, радиотерапия, ядролық медицина, радиохимия, медициналық физика, биология және онымен байланысты пәндер. Мұндай құрам ең өзекті қолданбалы шешімдер туындайтын білімнің қиылысында ғылыми бастамаларды қалыптастыруға мүмкіндік береді.

Кеңес жұмысының басымдықтарының қатарына ұжым ішінде ғылыми мәдениетті қалыптастыру, зерттеу бастамаларын қолдау, іргелі және қолданбалы медицина жобаларын дамыту, жас мамандар үшін тұрақты білім беру базасын қалыптастыру, Орталық қызметкерлерін ұлттық және халықаралық зерттеу бағдарламаларына тарту, жарияланым белсенділігін кеңейту және ғылыми диалогты ілгерілету жатады.

Ядролық медицина және онкология орталығының мамандары айтарлықтай клиникалық және пәнаралық әлеуетке, ұлттық деңгейде ғана емес, халықаралық деңгейде де қызығушылық тудыратын орасан зор тәжірибеге ие. Жүргізілген жұмыстың үлкен көлемі, ядролық медицина технологияларын дамыту және клиникалық тәжірибені жүйелеуге ұмтылысты зерттеу нәтижелерін қазіргі заманғы медицина ғылымының неғұрлым кең контекстіне біріктіруге мүмкіндік береді. Осылайша, орталықтың Қазақстанда да, одан тыс жерлерде де қолданбалы онкология мен медицинаны дамытуға тұрақты үлесі үшін алғышарттар жасалады.

С.З.Танатаровқа қауымдастырылған профессор (доцент) ғылыми атақ беру үшін құжаттарды тапсыру туралы хабарландыру

«Ғылыми атақтарды (қауымдастырылған профессор (доцент), профессор) беру қағидаларын бекіту туралы» Қазақстан Республикасы Білім және ғылым министрінің 2011 жылғы 31 наурыздағы №128 бұйрығына сәйкес толықтырулар мен өзгертулермен Қазақстан Республикасы Ғылым және жоғары білім Министрінің 05.09.2024 жылғы №435 бұйрығына сай Абай облысы денсаулық сақтау басқармасының “Ядролық медицина және онкология орталығы” ШЖҚ КМК өтініш беруші туралы ақпаратты жариялайды: Абай облысы денсаулық сақтау басқармасының “Ядролық медицина және онкология орталығы” ШЖҚ КМК-ның директоры, м.ғ.к., Танатаров Саят Замамбековичке қауымдастырылған профессор (доцент) ғылыми атағын беруге.

Тіркелген құжаттар

Ядролық медицина және онкология орталығы-Ұлттық ядролық орталық: екіжақты ынтымақтастықтың жаңа кезеңі

Бүгін Орталық директоры, м.ғ. д., профессор Саят Таңатаров бастаған біздің мамандар тобы Курчатов қаласында жұмыс сапарымен Қазақстан Республикасының Ұлттық ядролық орталығы мамандарымен кездесті. Сапардың басты мақсаты екіжақты ынтымақтастықты, оның ішінде ғылым, ядролық медицина және радиациялық қауіпсіздік саласындағы ынтымақтастықты жолға қою болды.

Атап өту керек, Ұлттық ядролық орталығы ядролық физика және атом энергетикасын дамыту, ядролық және радиациялық технологияларды әзірлеу, ядролық сынақтардың салдарын жою, ядролық қаруды таратпау режимін қолдау, бейінді мамандықтар бойынша кадрлар даярлау сияқты салаларда елімізде көшбасшы болып табылады. Осы бағыттар бойынша ҚР ҰЯО орындайтын жұмыстардың нәтижелері халықаралық ұйымдар мен сарапшылардың жоғары бағасына ие болды. Бүгінгі таңда Қазақстан Республикасының Ұлттық ядролық орталығы экология, ядролық қаруды таратпауды бақылау, тау-кен ісі, атом энергетикасының қауіпсіздігі, медицина және т.б. сияқты мәселелердің ауқымды кешені бойынша бірқатар ірі халықаралық жобалар орындалатын іс жүзінде Халықаралық ғылыми-зерттеу орталығына айналды.

Осында біздің Орталық мамандары үшін Ұлттық ядролық орталықта ғылыми-техникалық жобалар қаншалықты ауқымды түрде жүзеге асырылып жатқаны туралы экскурсия ұйымдастырылып, экспозициялық залдарда айқын көрсетілді. Әсіресе, Семей ядролық полигонының тарихына арналған көрме залын ерекше атап өтуге болады. 40 жылдан астам сұмдық жойқын күштің қаруын сынауға қызмет еткен орын мен инфрақұрылым бүгінде бейбіт атом энергетикасын дамытып, қоғам игілігіне қызмет етуде.

2025 жылдың бірінші тоқсанының қорытындысы.

Бүгін барлық өңірлердегі онкологиялық ұйымдар басшыларының қатысуымен 2025 жылдың бірінші тоқсанындағы еліміздің онкологиялық қызметінің қорытындысы бойынша Республикалық үйлестіру кеңесі өтуде.

Отырыс барысында өңірлердің бас онкологтарының есептері ұсынылды, әр өңірдің проблемалық мәселелері талқыланды, сондай-ақ «Онкологиялық ауруларға қарсы күрес жөніндегі кешенді жоспарды» іске асыру қорытындылары айтылды.

Отырыс барысында Ядролық медицина және онкология Орталығының директоры, м.ғ. д., профессор Саят Таңатаров облыстың онкологиялық қызметінің бірінші тоқсанындағы жұмыс қорытындылары туралы баяндама жасады. Орталық директоры өз сөзінде өңірде 2024 жылдың ұқсас кезеңімен салыстырғанда сырқаттанушылықтың саны шамалы 0,8% – ға өсуі байқалғанын атап өтті. Онкологиялық аурулардан болатын өлім-жітімдің 7,3% – ға төмендегені де айтылды. Қазіргі уақытта қатерлі ісіктердің ең қауіпті локализацияларының қатарында – өкпе, асқазан және простата обыры.

Сондай-ақ, өз сөзінде ауру көрсеткіштерінен басқа, Орталық директоры өңірдің онкологиялық қызметі жұмысының басқа да аспектілерін атап өтті. Оның ішінде емдеу-диагностикалық жұмыстар, онкологияны ерте анықтау, қатерлі ісіктің асқынған жағдайларын азайту, ядролық медицинаны одан әрі дамыту, Орталықтың инфрақұрылын нығайту жайында айтылды.

Өңірімізде Қазақстанда іске асырылып келетін скринингтік бағдарламаларды қолдануға ерекше назар аударылды. Айта кету керек, Орталығымызда осы бағытта бірнеше жетістіктер бар. Атап өтетін болсақ, Орталық директорының бастамасы бойынша азаматтардың скринингтік тексерулерден өту барысы мен тиімділігін бақылауға мүмкіндік беретін арнайы ақпараттық жүйе әзірленіп, енгізілуде. Сонымен қатар, қазіргі уақытта ядролық медицина және онкология орталығының базасында сараптамалық эндоскопиялық орталықты іске қосуға дайындық жұмыстары аяқталуда. Оның іске қосылуымен Орталық ас қорыту органдарын эндоскопиялық диагностикалық зерттеулерде өзінің мүмкіндіктерін едәуір кеңейтететін болады.

✅ Ізгі тілектермен, құттықтаймыз!

«АМАNАТ» партиясы Абай облыстық филиалының Саяси кеңес Бюросының шешімімен Ядролық медицина және онкология орталығының директоры, м.ғ. д., профессор Саят Таңатаров партиялық тізімдер бойынша Абай облыстық мәслихатының депутаты болып сайланды. Бүгін таңертеңгі кезекті жұмыс жиынында Орталығымыздың ұжымы Саят Замамбекұлын салтанатты түрде осы айтулы оқиғамен құттықтады. Орталық қызметкерлері өз құттықтауларында Абай облыстық мәслихатының депутатына амандық, өңірдің игілігі жолындағы еңбегіне сәттілік пен жетістіктер тіледі!

III аймақтық химия және биология пәндерінен олимпиада Семей қаласында өтті

27-28 наурызда Семей қаласының «Мектеп жанындағы интернаты бар № 42 жалпы орта білім беретін мектебі» КММ-да Жәкула Күшікұлы атындағы химия және биология пәндерінен III аймақтық олимпиада өтті. Олимпиадаға Абай және Шығыс Қазақстан облыстарынан 9-10 сынып оқушылары қатысты. Бұл шара жыл сайын Өскемен қаласында өтетін, бірақ биыл алғаш рет Семейде ұйымдастырылды.

Олимпиаданы «Асқар Жакулин атындағы қайырымдылық қоры» ұйымдастырды. Қор Абай облысының денсаулық сақтау басқармасының Ядролық медицина және онкология орталығымен көп жылдан бері ынтымақтастықта жұмыс істеп келеді. Қайырымдылық қоры орталыққа заманауи жабдықтар сыйлап, онкологиялық ауруларға шалдыққан науқастарға көмек көрсетуде. Бүгінгі күні қор 50 миллион теңгеден артық тегін көмек көрсетті.

Олимпиаданың жабылу салтанатына ЯМО орталығының директоры, медицина ғылымдарының докторы, профессор С.З. Таңатаров қатысып, жеңімпаздарды құттықтап, марапаттауға қатысты. Ол оқушыларға бұл олимпиаданың үлкен қолдау және ынталандыру екенін айтып, болашақта биік жетістіктер тіледі.

Жеңімпаздар:

III орын: диплом, медаль және 30 000 теңге сыйлық
II орын: 80 000 теңге ақшалай сыйлық
I орын: 150 000 теңге ақшалай сыйлық

Қор директоры Гүлнар Сейдолла ЯМО орталығының директорына өз ризашылығын білдірді.

#Олимпиада #Білім #Семей #ЖәкулаКүшікұлы #ҚайырымдылықҚоры #ЯдролықМедицина #Онкология #АбайОблысы

Біздің Орталығымызда кезекті Ашық есік күні өтті!

Колоректалды қатерлі ісіктердің алдын алу және ол туралы хабардарлықты арттыру айлығы аясында біздің Орталық ашық есік күнін өткізді. Іс шара барысында бірнеше ондаған тұрғын тегін тексеруден өтіп, дәрігер онкологтардан кеңес алды. Осылайша, 23 пациентте бірінші рет онкологиялық аурулар және қатерлі ісік ауруларына күдік анықталды. Тағы да 23 адамда басқа аурулар анықталды.

Айта кету керек, дер кезінде скрининг өту, қатерлі ісік ауруларын аурудың бастапқы сатыларында анықтауға және оңтайлы ем таңдауға мүмкіндік береді. Сондықтан, біз сіздерді жүйелі түрде дәрігерлік тексеруден өтіп тұруға және дер кезінде көмекке жүгінуге шақырамыз.

✅Ядролық медицина және онкология орталығында СМУ КеАҚ кафедрасының

қызметкерлерімен бірлескен «Паллиативтік көмекті қажет ететін пациенттердің ауырсынуын кезең-кезеңмен басу әдісіне жоғары медициналық білімі бар мамандарды оқыту» атты семинар өтті. Практикалық сабақ Абай облысындағы қатерлі ісікке қарсы күрестің 2023-2027 жылдарға арналған Кешенді жоспарын іске асыру аясында өткізілді.

Семинарға облыс аудандарынан және Семей, Курчатов қалаларынан 25 дәрігер қатысты. Семинар барысында Паллиативті көмек және медициналық оңалту бөлімінің меңгерушісі Ғ.Р.Пазылжанов және профессор Д.Р.Мусинов атындағы клиникалық онкология және ядролық медицина кафедрасының меңгерушісі, доктор PhD, қауымдастырылған профессор Б.А.Апсаликов баяндама жасады. Семинар қорытындысы бойынша қатысушылардың барлығы біздің Орталықтың сертификатын алды.

Адам папилломавирусы-алдын алу және емдеу

Бүгін Орталығымыздың онкологтары «Авиценна» жоғары медициналық колледжінің студенттеріне көшпелі дәріс өткізді. Кездесу тақырыбы – адам папилломавирусының алдын алуы болды. Дәрісті онколог-дәрігер Маржан Жақупаева оқыды. Спикер өз сөзінде адам папилломавирусының маңызды ерекшеліктерін, оның ішінде пайда болу себептерін, негізгі белгілерін, сондай-ақ алдын алу және емдеу әдістерін айтты. Адам папилломавирусының алдын алудың тиімді шараларының бірі – вакцинацияға ерекше назар аударылды.

Білгенге абзал!

«Колоректальды қатерлі ісік» тоқ ішек пен тік ішектің эпителийінде локализацияланған қатерлі ісіктерді біріктіретін ұғым. Көптеген онкологиялық аурулардың ішінде бұл патология ең аз талқыланатын дерт, демек мүмкін осыған байланысты дерттің айналасында көптеген мифтер пайда болып, пациенттердің арасында талай алаңдаушылыққа себеп болды. Алайда бүгінгі таңда қолданып келетін қатерлі ісік ауруын алдын алу тәсілдері КҚІ-ін ~ 95%-ын болдырмауға мүмкіндік береді дегенге сенім бар деп айтуға болады.

Әлемнің дамыған елдерінің статистикасы өкпенің қатерлі ісігінен басқа кез келген басқа локализациядағы қатерлі ісіктермен салыстырғанда алғаш рет анықталған тоқ ішек және тік ішек қатерлі ісіктерінің тұрақты өсуін көрсетеді.

Колоректальды қатерлі ісік көбінесе полиптен,қатерлі емес ісіктің үлкеюінен басталады. Егер полип емделмесе немесе жойылмаса, ол қатерлі ісікке айналуы мүмкін.

Полиптердің бірнеше формалары бар: Аденоматозды полиптер. Оларды колоноскопия арқылы анықтауға болады. Қатерлі ісікке дейінгі түрі болып саналады. Гиперпластикалық полиптер тоқ ішек пен тік ішекте де дамуы мүмкін. Олар ісік алды деп саналмайды. Полиптерді колоноскопия кезінде оңай анықтауға болады, өйткені олар әдетте тоқ ішектің беткі жағынан көтеріледі. Тоқ ішек полиптерінің шамамен 10% – ы жалпақ, егер оларды оқшаулау үшін бояғыш қолданылмаса, колоноскопия арқылы анықтау қиын болады. Бұл жалпақ полиптердің қатерлі ісік ауруына дамудың қаупі жоғары болады.

Аурудың бас кезеңдерде денсаулыққа байланысты проблемалар туғызбайды -әдетте олар кейінірек, ісік үлкен мөлшерге дейін өскеннен немесе басқа тіндерге зақым келтіргеннен кейін пайда болады. Сондықтан қатерлі ісіктің басқа локализациясы сияқты, скринингтік тексерулерден уақтылы өту өте маңызды екенін ұмытпау жөн.

🌹 Мерекелеріңізбен, қымбатты ханымдар!

Құрметті достар! Міне, баршамызға сүйікті көктем мерекесі 8 наурыз да келіп жетті. Жыл сайын тамаша мереке күндері біз қымбатты және сүйікті әжелерімізді, аналарымызды, әйелдерімізді, әпкелерімізді құрметтеп, ақ тілектерімізді білдіруге асығамыз! Осы көптен күткен мереке қарсаңында Ядролық медицина және онкология орталығында салтанатты іс-шара өтті, бұл күні біздің қымбатты әріптестеріміз құттықтау сөздер мен ізгі тілектерімізді қабыл адады!

Салтанатты шараны Орталығымыздың директоры, м. ғ. д., профессор Саят Таңатаров құттықтау сөзімен ашты! Өз сөзінде әйелдердің отбасылық, мәдени құндылықтарды сақтауға, қоғамдағы достық пен өзара түсіністікті нығайтуға қосқан ерекше үлесін атап өтті, сондай-ақ өңірдің онкологиялық қызметінің жұмысындағы ерекше маңыздылығы да аталды.

«Біздің ұжымның барлық ерлер атынан сіздерді алдағы Халықаралық әйелдер күнімен құттықтаймын. Баршаңызға отбасылық амандық, мол бақыт, көктемгі көңіл-күй, қуаныш және зор денсаулық тілеймін», – деді Саят Таңатаров әріптестеріне!

Салтанатты іс-шара барысында директордың медициналық бөлім және медициналық қызметтер сапасын бақылау жөніндегі орынбасары Баян Бекетова, паллиативтік терапия бөлімшесінің меңгерушісі Ғабиден Рахымжанов, емхана меңгерушісі Айбек Садықов және онколог дәрігер, химиотерапевт Нұрбол Елемесов те құттықтау сөз сөйледі. Салтанатты іс-шараны жарқын және әсем концерттік бағдарлама қорытындылады!

✅Орталығымыздың хирургтары ұйқы безінің қатерлі ісігі бар науқасқа гастропанкреатодуоденальды резекцияны сәтті жасады.

Жақында біздің Орталығымыздың хирургтар тобы ұйқы безінің бас жағында қатерлі ісігі бар науқасқа күрделі ота жасады, ота барысында ұйқы безінің ісікпен зақымдалған басы, он екі елі ішек, асқазанның дистальды бөлігімен, холедоханың резекциясы жасалды.

Медициналық терминологияда бұл ота гастропанкреатодуоденальды резекция немесе Уиппл отасы деп аталады. Әдетте, бұл отаны тағайындаудың көрсеткіштері ұйқы безі басының, холедохтың терминалды бөлімінің, үлкен он екі елі ішектің және он екі елі ішектің верификацияланған ісік зақымдануы, сондай-ақ аталған локализациядағы қатерлі процесті жоққа шығара алмау болып табылады. Сонымен қатар, кейбір жағдайларда созылмалы панкреатитпен ауыратын науқастарға тағайындалады. Гастропанкреатодуоденальды резекция өте күрделі болып саналады, себебі науқастың зардап шеккен бірқатар органдары жойылады, сондықтан отаны жүргізуге жоғары білікті мамандар мен заманауи жабдықталған оперблок қажет.

«Біз 1-ші сатыдағы ұйқы безі басының ісігі бар науқасқа ота жасадық. Бұған дейін науқас химиотерапия курстарынан өткен. Отаның күрделі болып саналатынына бірнеше себептер бар. Зақымдалған органды алып тастағаннан кейін асқазан-ішек жолын қалпына келтіру қажет: анастомоздар қолданылады – ұйқы безі, өт жолдары, асқазан аш ішекпен қайта қосылады. Осындай әрекеттер тәуекелдерді арттырады, отаны едәуір қиындатады»,-деп атап өтті хирургия бөлімінің меңгерушісі, хирург-онколог Онищенко Максим Борисович.

Операцияға хирургия бөлімшесінің меңгерушісі Максим Онищенконың басшылығымен хирургтардың бір тобы, оның ішінде хирургтар Асхат Қабыкенов, Әміржан Абешов, Аманжол Қанапиянов және Айдар Маженов жұмылдырылды. Жалпы алғанда, ота жеті жарым сағаттан астам уақытқа созылды.

«Соңғы рет біздің Орталығымызда осындай ота 2019 жылы профессор Адылханов Тасболат Алпысбесұлының басшылығымен жүргізілген болатын. Мұның өзі аталмыш отаның күрделілігінің тағы бір дәлелі. Бес жылдан астам уақыт ішіндегі үзілістен кейін мұндай күрделі оталарды қайта жалғастырдық. Бұл біздің хирургтар, анестезиологтар, реаниматологтар, мейіргерді қоса алғанда, үлкен команданың күш-жігері мен үйлесімді жұмысының арқасында мүмкін болғанын атап өткім келеді. Бізде жоғары білікті мамандар, заманауи жабдықталған оперблок бар. Осының арқасында отаның күрделілігіне қарамастан, ота ешбір асқынуларсыз сәтті өтті», – дейді Максим Онищенко.

Хирургия бөлімінің меңгерушісі атап өткендей, қазіргі уақытта науқастың өміріне қауіп төніп тұрған жоқ, қазір ол операциядан кейінгі қалпына келтіру кезеңінде, біраз уақыттан кейін гастропанкреатодуоденальды резекцияның нәтижелерін бекіту үшін тағы химиотерапия курстарынан өтетін болады. Науқас қалпына келгеннен кейін, арнайы диетаны ұстануы керек, өйткені ағзаның ас қорыту жүйесі өзгерді, бірақ тұтастай алғанда ол толыққанды өмір салтын жүргізе алады.

4 наурыз – адам папиллома вирусы туралы Халықаралық хабардарлық күні

Бүгін, 4 наурызда бүкіл әлемде адам папиллома вирусы (АПВ) туралы Халықаралық хабардарлық күні атап өтіледі. Бұл күн 2018 жылы папиллома вирустарды зерттеу жөніндегі Халықаралық қоғамның (IPVS) бастамасымен қатерлі ісіктер мен АПВ-мен байланысты басқа аурулар және олардың алдын алу жолдары туралы хабардар болу мақсатында бекітілген болатын.

Бұл күн ел басшылығы мен адамдарды АПВ таралуына қарсы шаралар қабылдауға және АПВ вакцинациясы мен скрининг сияқты алдын алу стратегияларын тиімдірек пайдалануға ынталандыруға арналған.

АПВ мен жатыр мойны обыры арасындағы байланыс 1970 жылдардың ортасында анықталған болатын, кейіннен ғалымдар АПВ ерлер мен әйелдерде басқа да қатерлі ісіктерді тудыруы мүмкін екенін анықтады. Сондай-ақ, АПВ алдын алудың ең тиімді әдісі вакцинация екені

Колоректальды қатерлі ісіктің алдын алу және хабардарлықты арттыру айлығы өтуде

Құрметті достар! Наурыз айы бойы біздің Орталығымызда колоректальды қатерлі ісіктің алдын алу және хабардарлықты арттыру айлығы өтеді. Осы уақыт ішінде біздің онкологтарымыз колоректальды қатерлі ісіктің ерекшеліктері, оның ішінде алдын алу, ерте диагностика және емдеу әдістері туралы айтатын болады. Айлықтың тағы бір тақырыбы – адам папилломавирусының алдын алу. Сонымен қатар наурыз айында Орталығымызда кезекті Ашық есік күні өтеді деп жоспарлануда, оның барысында кез келген адам алдын ала жазылусыз, дәрігердің жолдамасынсыз біздің онкологтардан тегін кеңес алып, кешенді тексеруден өте алады. Іс-шараның күнін кейінірек әлеуметтік желілердегі парақшаларымызда хабарлайтын боламыз. Сондықтан біздің жаңалықтарымызды қадағалап отыруды ұмытпаңыздар және пайдалы сілтемелермен бөлісуді сұраймыз.

✅Шын жүректен, рақмет!

Көктемнің алғашқы күнімен Қазақстанда тамаша мерекелердің бірі- Алғыс айту күні атап өтіледі! Бұл талай ғасырлардан келе жатқан дәстүрлі мерекенің басты мақсаты – көпұлтты еліміздің өзара достығы мен түсіністігін нығайту болып табылады. Осы күні баршамыз жақындарымызға, достарымызға, әріптестерімізге және көршілерімізге алғыс айтып, жылы лебіздерімізді білдіріп, бір-бірімізге жақсы көңіл-күй сыйлауға мүмкіндігіміз бар!

Міне, осы тамаша мүмкіндікті пайдалана отырып, біз де дәрігерлерімізге, ақ халатты абзал жандарға, сондай-ақ барлық медицина қызметкерлеріне жауапты, қиындығы мол, бірақ өте қажет, маңызды еңбектері үшін шексіз алғысымызды айтқымыз келеді! Еліміз аман, жұртымыз тыныш, бірлігіміз бекем болсын достар!

✅ Call-Center өз жұмысын жаңартуда

Құрметті пациенттер, оқырмандар. Біздің орталығымыздың Call-Center жаңартылған нөмірлер бойынша жұмыс істейтінін хабарлаймыз. Енді емханамызға +7 (7222)69-42-16 және +7(702)075-07-80 нөмірлері бойынша қоңырау шала аласыздар. Радионуклидті диагностика бөлімшесі – +7(7222)69- 42-18 және +7 (702)075-07-81.

Химиотерапияның даму перспективалары

Ядролық медицина және онкология орталығында химиотерапевтерге арналған семинар өтті. Онда дәрігерлер онкологиялық ауруларды емдеудің заманауи тәсілдерін талқылады. Дәріскер ретінде еліміздің басқа қалаларынан мамандар шақырылды. Павлодар қаласының облыстық онкологиялық диспансерінің химиотерапия бөлімшесінің меңгерушісі Еркін Дүйсенбинов МЖЛ-дың заманауи терапиясы туралы айтып берді. Өскемен қаласының онкология және хирургия Орталығының химиотерапия бөлімшесінің онкологы Әлия Тюленева «Аналық без обырын емдеудегі жаңа тәсілдер» тақырыбында баяндама жасады. Өскемен қаласының онкология және хирургия Орталығының химиотерапия бөлімінің меңгерушісі Гүлжанат Қайдарова аналық бездің қайталама эпителиалды қатерлі ісігі барысындағы демеуші терапияның заманауи мүмкіндіктері туралы айтып берді.

✅Халықаралық қатысулармен «Тераностиканы енгізу бойынша ұлттық оқыту курсы» атты шеберлік сабағы басталды

Бүгін Ядролық медицина және онкология орталығында халықаралық қатысулармен «Тераностиканы енгізу бойынша ұлттық оқыту курсы» атты шеберлік сабағы басталды. Шеберлік сабағының жұмысына Қазақстанның түкпір-түкпірінен келген әртүрлі клиникалары мен ғылыми Орталықтарынан ядролық медицина саласының мамандары қатысуда. Дәріс берушілер ретінде Еуропаның жетекші ғылыми Орталықтарынан ядролық медицина саласындағы сарапшылар шақырылды. Олардың қатарында АЭХА-нің сарапшысы, АЭХА-ның ядролық медицина және диагностикалық визуализация бөлімінің маманы, профессор Франческо Джаммариле, Брюссель университеті ауруханасы Жюль Борде институтының медицина физигі – Хьюго Леввилен, Брюссель университеті ауруханасы Жюль Борде институтының ядролық медицина дәрігері – Фламен Патрик, сондай-ақ университеттік медициналық Орталықтың радиохимигі – Гронинген Эрик де Врис бар.

Кездесуді аша отырып, Абай облысы әкімінің орынбасары Қуаныш Сулейменов шараның құрметті қонағы ретінде сөз сөйледі. Ол ең алдымен, денсаулық сақтау саласын қарқынды дамыту еліміздің басты басымдықтарының бірі болып табылатынын, ол үкімет пен облыс басшылығының ерекше бақылауында екенін айтты. Сондай-ақ онкологиялық қызмет пен ядролық медицинаны дамыту қажеттігін де атап өтті.

«Мемлекет басшысы Қасым-Жомарт Кемелұлы Тоқаев, Үкімет және облыс басшылығы еліміздегі медицинаның қарқынды дамуы үшін көп күш салуда. Дегенмен, денсаулық сақтау саласында, әсіресе онкологиялық ауруларға қатысты қол жеткізген жетістіктермен тоқталып қалуға болмайды. Мұндай қатерлі ісік сияқты ауыр дертке шалдыққан еліміздің әрбір тұрғыны өз елінде барлық қажетті заманауи ем алғаны маңызды. Сондықтан, мен бүгінде ядролық медицина сияқты болашағы зор саланы белсенді дамытып жатқан шетелдік әріптестерімізге, отандық мамандарға ризашылық білдіргім келеді. Біздің ынтымақтастығымыз уақыт өте келе нығайып, кеңейе түседі деп сенемін. Жеке өз атымнан және Абай облысының әкімі Берік Уәлидің атынан баршаңызға сәттілік, еңбектеріңізге жетістік тілеймін», – деді Қуаныш Сулейменов.

Құрметті қонақтар қатарында Абай облысы денсаулық сақтау басқармасының басшысы Талғат Молдабеков те құттықтау сөз сөйледі. Ол онкологиялық ауруларды диагностикалау және емдеу мүмкіндіктерін жақсарту үшін ядролық медицинаны дамытудың маңыздылығын атап өтіп, шеберлік сабағының жұмысына сәттілік, қатысушыларға тындырымды еңбек тіледі.

Іс-шараның құрметті қонақтары қатарында «СМУ» КеАҚ Басқарма төрағасы –ректоры, медицина ғылымдарының докторы, профессор Алтай Дюсупов та сөз сөйледі. Ол өз сөзінде университет пен біздің Орталық арасындағы ұзақ мерзімді серіктестікті айта келіп, оның ішінде мамандарды дайындау, практикалық денсаулық сақтау және ғылыми зерттеулері мәселелеріне ерекше тоқталды. Сондай-ақ, ол осы шеберлік сабағының арқасында ядролық медицина саласы айтарлықтай серпін алып, онкологиялық ауруларды диагностикалау мен емдеуде жаңа мүмкіндіктерге жол ашатынын атап өтті.

Орталық директоры, медицина ғылымдарының докторы, профессор Саят Таңатаров та қонақтарға жылы лебіз білдіріп, Орталықтың ядролық медицинаны дамытуға, онкологиялық ауруларды диагностикалау мен емдеудің жаңа мүмкіндіктерін енгізуге бағытталған маңызды басымдықтарын айтып берді.

«Алдымыздағы бес күн ішінде ядролық медицина саласында, соның ішінде радиофармацевтикалық препараттарды өндіру, оларды қатерлі ісік ауруларын диагностикалау мен емдеуде қолданудың көптеген мәселелері талқыланатын болады. Біз тәжірибемізге енгізуді мақсат етіп отырған тераностика – бұл қатерлі ісік ауруларын диагностикалау мен емдеудегі мүмкіндіктерімізді айтарлықтай кеңейтетін дамудың жаңа кезеңі. Бүгін басталып отырған шеберлік сабағы біздің Орталық үшін ғана емес, еліміздің басқа өңірлеріндегі әріптестеріміз үшін де маңызды іс шара болып табылады, себебі бүгінде Қазақстанның басқа аймақтарында да ядролық медицина саласы белсенді дамып келеді. Сондықтан АЭХА-ның сарапшыларына шын жүректен алғысымды білдіремін және барлық әріптестеріме жұмыстарына жетістік тілеймін», – деді Саят Таңатаров.

Шеберлік сабағы апта бойына жалғасады, осы уақыт ішінде онкологиядағы тераностиканың маңызды аспектілері талқыланатынын айта кету керек. Радиофармацевтикалық препараттарды өндіру, синтездеу және сапасын бақылаудағы шетелдік тәжірибе, сондай-ақ нақты диагностиканы, емдеуді жоспарлауды және радионуклидті терапияны қамтамасыз ету үшін ПЭТ/КT және ОФЭКT/КT сияқты көрнекілеу әдістерін терапиялық процедуралармен біріктіру тәжірибесі ұсынылатын болады. Тераностиканы клиникалық тәжірибеге енгізу үшін радиологтар, ядролық медицина дәрігерлері, медицина физиктері және онкологтар арасындағы тиімді өзара әрекетті қамтамасыз ету тәсілдері. Радиациядан қорғау және қауіпсіздік саласындағы шетелдік тәжірибелер көрсетіледі. Алынған білім Орталыққа ядролық медицина саласында жаңа тәсілдерді енгізуге мүмкіндік береді және тераностиканың дамуының маңызды кезеңіне айналады.

✅Халықаралық қатысулармен «Тераностиканы енгізу жөнінде ұлттық оқу курсы» атты шеберлік сабағы өтеді.

2025 жылғы 24-28 ақпанда Атом энергиясы жөніндегі халықаралық агенттіктің (АЭХА) көмегімен Ядролық медицина және онкология орталығының базасында Халықаралық қатысулармен «Тераностиканы енгізу жөнінде ұлттық оқу курсы» атты шеберлік сабағы өтеді. Шеберлік сабағының дәріскерлері ретінде жақын және алыс шетелдердің, оның ішінде Бельгия, Нидерланды, сондай-ақ Қазақстанның жетекші ғылыми орталықтары мен клиникаларының ядролық медицина саласындағы сарапшылары қатысады.

Шеберлік сабағы барысында онкологиядағы тераностиканың маңызды аспектілері талқыланады. Радиофармпрепараттарды өндірудің, синтездеудің, сондай-ақ сапасын бақылаудың шетелдік тәжірибесі, дәл диагностикалау, емдеуді жоспарлау және радионуклидтік терапияны жүргізуді қамтамасыз ету үшін ПЭТ/КТ және БФЭКТ/КТ сияқты бейнелеу әдістерін терапиялық процедуралармен біріктіру тәжібесі ұсынылатын болады. Тераностиканы клиникалық практикаға енгізу үшін рентгенологтардың, ядролық медицина докторларының, медицина физиктерінің, онкологтардың өзара тиімді іс-әрекеттерін қамтамасыз ету тәсілдері талқыланатын болады. Радиациялық қорғау және қауіпсіздік саласындағы шетелдік тәжірибе ұсынылады.

Өткізілетін шеберлік сабағы Орталықты, сондай-ақ өңірдің және жалпы еліміздің онкологиялық қызметін дамытудың маңызды кезеңдерінің бірі болып табылады, себебі болашақта Орталық базасында онкологиялық ауруларды диагностикалау мен емдеудің озық әдістерін енгізуге мүмкіндік береді.